„Það er lítið annað að gera en að halda áfram. EM er geymt en ekki gleymt en við lifum ekkert lengur á því. Við ætlum að komast á HM og það er næsta markmið,“ sagði landsliðsmaðurinn Kári Árnason í samtali við Arnar Björnsson í Kiev.
Kári er á sínum stað í íslenska landsliðinu sem mætir Úkraínu á Ólympíuleikvanginum í Kiev á mánudaginn. Þetta er fyrsti leikur íslensku strákanna í undankeppni HM 2018.
„Það er ekkert annað í stöðunni en að leggja þetta upp eins og við höfum gert. Við förum í hvern einasta leik til að vinna og ef það heppnast vinnum við alla leiki,“ sagði Kári.
„Við tökum bara einn leik fyrir í einu og förum ekkert fram úr sjálfum okkur.“
Andrúmsloftið á Ólympíuleikvanginum verður eflaust svolítið sérstakt á mánudaginn þar sem engir áhorfendur verða á vellinum vegna óláta stuðningsmanna Úkraínu í undankeppni EM.
„Það verða engir stuðningsmenn en það hefðu eflaust fáir komið frá Íslandi til Úkraínu. Þetta ætti að vera okkur í vil,“ sagði Kári.
Viðtalið í heild sinni má sjá í spilaranum hér að ofan.
Kári: EM er geymt en ekki gleymt
Tengdar fréttir
Uppselt á leikinn gegn Tyrkjum
Uppselt er á leik Íslands og Tyrklands í undankeppni HM 2018 sem fer fram á Laugardalsvellinum sunnudaginn 9. október.
Engir áhorfendur á næst stærsta velli í Austur-Evrópu
Leikur Úkraínu og Íslands í undankeppni HM 2018 fer fram fyrir luktum dyrum.
Kolbeinn missir af leiknum gegn Úkraínu
Kolbeinn Sigþórsson verður ekki með íslenska fótboltalandsliðinu í leiknum gegn Úkraínu á mánudaginn vegna hnémeiðsla.
