Mamma skilur allt 3. september 2016 07:00 Samskipti ungra karlmanna við móður sína hafa löngum verið viðfangsefni skálda og sálkönnuða. Sigmund Freud hélt því fram að margir karlmenn væru ástfangnir af móður sinni og vildu föður sinn feigan. Í Íslendingasögum er fjallað um flókið samband Grettis Ásmundssonar við móður sína, Ásdísi á Bjargi. Grettir var ofstopamaður sem allir hræddust en sjálfur óttaðist hann engan nema móður sína. Sama má segja um siðblindingjann Skarphéðin Njálsson. Gagnvart Bergþóru móður sinni var hann eins og smástrákur með vonda samvisku. Gunnar á Hlíðarenda var ákaflega taugaóstyrkur í samskiptum við móður sína, Rannveigu. Kannski voru þessir piltar illa haldnir af freudískri Ödipusarduld sem menn voru ekki farnir að greina. Á dögunum fagnaði bandaríski sundmaðurinn Ryan Lochte Ólympíugulli í Ríó með félögum sínum. Þeir voru ölvaðir og lentu í ryskingum við heimamenn. Lochte sagði eftir á að vopnaðir ræningjar hefðu ráðist á þá og rænt. Þetta vakti gífurlega athygli. Smám saman kom þó ljós að Lochte og félagar lugu upp sögunni. Milliríkjakrísa var í uppsiglingu þar til gestgjafarnir voru beðnir afsökunar á lygum þessara pörupilta. Skýringin er talin sú að Lochte vildi ekki að mamma hans frétti að hann hefði verið fullur að slást við öryggisverði. Hann laug til um atburðarásina til að mamma yrði ekki sár. Freud hefði sennilega sagt að Lochte væri sjúklega hræddur við móður sína og vildi allt til þess vinna að hún tæki hann á kné sér, fyrirgæfi allt, umbæri allt og klappaði honum á kollinn. Litlir drengir, sundkappar og íslenskar fornhetjur eiga allir þennan draum og eru tilbúnir að ljúga hverju sem er svo að mamma verði ekki reið. Viltu birta grein á Vísi? Sendu okkur póst. Senda grein Óttar Guðmundsson Mest lesið Til hvers þá að segja satt? Pólitískt baktjaldamakk og upplýsingafölsun í Suðurnesjabæ Ari Gylfason Skoðun POTS er ekki tískubylgja Hanna Birna Valdimarsdóttir,Hugrún Vignisdóttir Skoðun Óvandaður og einhliða fréttaflutningur RÚV af stríðinu á Gaza Birgir Finnsson Skoðun Hvað er verið að leiðrétta? Ægir Örn Arnarson Skoðun Er niðurstaðan einstök? Ársreikningur Hveragerðisbæjar 2024 Friðrik Sigurbjörnsson,Eyþór H. Ólafsson Skoðun Smábátar eru framtíðin, segir David Attenborough Kjartan Sveinsson Skoðun Sigurður Ingi í mikilli mótsögn við sjálfan sig! Magnús Guðmundsson Skoðun Orðskrípið sem bjarga á veiðigjaldinu Ólafur Adolfsson Skoðun D-vítamín mín besta forvörn Auður Elisabet Jóhannsdóttir Skoðun Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir Skoðun
Samskipti ungra karlmanna við móður sína hafa löngum verið viðfangsefni skálda og sálkönnuða. Sigmund Freud hélt því fram að margir karlmenn væru ástfangnir af móður sinni og vildu föður sinn feigan. Í Íslendingasögum er fjallað um flókið samband Grettis Ásmundssonar við móður sína, Ásdísi á Bjargi. Grettir var ofstopamaður sem allir hræddust en sjálfur óttaðist hann engan nema móður sína. Sama má segja um siðblindingjann Skarphéðin Njálsson. Gagnvart Bergþóru móður sinni var hann eins og smástrákur með vonda samvisku. Gunnar á Hlíðarenda var ákaflega taugaóstyrkur í samskiptum við móður sína, Rannveigu. Kannski voru þessir piltar illa haldnir af freudískri Ödipusarduld sem menn voru ekki farnir að greina. Á dögunum fagnaði bandaríski sundmaðurinn Ryan Lochte Ólympíugulli í Ríó með félögum sínum. Þeir voru ölvaðir og lentu í ryskingum við heimamenn. Lochte sagði eftir á að vopnaðir ræningjar hefðu ráðist á þá og rænt. Þetta vakti gífurlega athygli. Smám saman kom þó ljós að Lochte og félagar lugu upp sögunni. Milliríkjakrísa var í uppsiglingu þar til gestgjafarnir voru beðnir afsökunar á lygum þessara pörupilta. Skýringin er talin sú að Lochte vildi ekki að mamma hans frétti að hann hefði verið fullur að slást við öryggisverði. Hann laug til um atburðarásina til að mamma yrði ekki sár. Freud hefði sennilega sagt að Lochte væri sjúklega hræddur við móður sína og vildi allt til þess vinna að hún tæki hann á kné sér, fyrirgæfi allt, umbæri allt og klappaði honum á kollinn. Litlir drengir, sundkappar og íslenskar fornhetjur eiga allir þennan draum og eru tilbúnir að ljúga hverju sem er svo að mamma verði ekki reið.
Til hvers þá að segja satt? Pólitískt baktjaldamakk og upplýsingafölsun í Suðurnesjabæ Ari Gylfason Skoðun
Er niðurstaðan einstök? Ársreikningur Hveragerðisbæjar 2024 Friðrik Sigurbjörnsson,Eyþór H. Ólafsson Skoðun
Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir Skoðun
Til hvers þá að segja satt? Pólitískt baktjaldamakk og upplýsingafölsun í Suðurnesjabæ Ari Gylfason Skoðun
Er niðurstaðan einstök? Ársreikningur Hveragerðisbæjar 2024 Friðrik Sigurbjörnsson,Eyþór H. Ólafsson Skoðun
Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir Skoðun