Sandra María Jessen, landsliðskona í fótbolta, verður ekki meira með á Algarve-mótinu eins og flestir bjuggust við. Akureyringurinn varð fyrir skelfilegum meiðslum í 1-1 jafntefli Noregs og Íslands í gærkvöldi.
Íslenski hópurinn fékk undanþágu hjá mótshöldurum til að fá leikmann í stað Söndru Maríu þar sem Margrét Lára Viðarsdóttir og Dagný Brynjarsdóttir eru einnig tæpar vegna meiðsla.
Guðmunda Brynja Óladóttir, leikmaður Selfoss, hefur verið kölluð inn í hópinn og verður til taks í leiknum á morgun gegn Japan.
„Sandra María er óbrotin en það eru enn þá bólgur í kringum áverkana þannig það er ekki hægt að greina meiðslin almennilega. Hún spilar ekki meira á þessu móti en óvíst er hvort hún fari heim strax,“ segir Óskar Örn Guðbrandsson, fjölmiðlafulltrúi KSÍ, í samtali við Vísi.
Guðmunda kölluð til Algarve fyrir Söndru Maríu sem spilar ekki meira á mótinu
Tengdar fréttir
Sandra María send á sjúkrahús
Freyr Alexandersson segir að Sandra María Jessen hafi verið send á sjúkrahús í myndatöku vegna meiðslanna sem hún varð fyrir í leik Íslands og Noregs á Algarve-mótinu í kvöld.
Sandra María óbrotin eftir atvikið hryllilega | Myndband
Norðankonan í íslenska landsliðinu er ekki fótbrotin en óvíst er hversu alvarleg meiðslin eru.
Umfjöllun: Noregur - Ísland 1-1 | Jafntefli í fyrsta leik á Algarve
Ísland gerði jafntefli við Noreg í fyrsta leik liðsins í Algarve-bikarnum í kvöld. Gunnhildur Yrsa Jónsdóttir skoraði mark Íslands á 8.mínútu leiksins.
Sandra María gæti verið illa meidd | Myndband
Sandra María Jessen fór meidd af velli eftir 22 mínútur í leik Íslands og Noregs sem nú stendur yfir á Algarve-mótinu í Portúgal.
