Brönsinn í Þrastalundi á milli tannanna á fólki Sunna Karen Sigurþórsdóttir skrifar 2. apríl 2017 09:00 Auglýsingaherferð Þrastalundar hefur verið umtöluð að undanförnu. vísir/garðar k. „Þrastarlundur var frábær, starfsfólkið svo æðislegt, ljúffengur matur og svakalega notalegur staður. Ef þú vilt eiga notalega stund með fjölskyldu eða vinum í Þrastarlundi getur þú haft samband hér.“ „We sat near the windows and it was so peaceful I highly recommend if you are taking the golden circle or on your way to stop there. We had the best time on Saturday it was kind a like girls day I want to do it again.“ „Þegar við mættum fengum við góða þjónustu og ekki skemmdi fyrir hversu kósý og fallegur staðurinn er. Einnig er búð þarna sem hægt er að kaupa allskonar matvæli og fleira.“ „Við vorum búin að panta borð og var einstaklega vel tekið á móti okkur og við fengum sæti með yndislegu útsýni yfir ánna og upp í fjöll. Staðurinn er allur ný uppgerður og fallegur og verslunin frammi er sú allra girnilegasta.“ Besti dögurður landsins? Auglýsing eða ekki? Svo hljóða umsagnir nokkurra þekktra bloggara og snappara um veitingastaðinn Þrastalund í Grímsnesi. Þessar umsagnir og margar fleiri eru að finna á veraldarvefnum þessa dagana en athygli vekur að í fæstum tilfellum er tekið fram hvort um sé að ræða auglýsingu eða ekki. Auglýsingar í gegnum Snapchat og blogg-síður hafa verið að sækja í sig veðrið á undanförnum misserum en oftar en ekki er erfitt að átta sig á hvort kynningarnar séu kostaðar eða ekki. Kynningar Þrastalundar hafa í raun verið svo áberandi að umræða hefur skapast um málið og vaknað hafa grunsemdir um hvort um sé að ræða auglýsingu eða ekki - eða hvort þarna sé einfaldlega besti dögurður landsins. Dýrka að vegasjoppan Þrastarlundur sé að markaðssetja sig með aðstoð bloggara, fegurðardrottninga og snappara.— Klara (@Klodinz) March 22, 2017 Ah, sorry en þessir #ad brunchar í Þrastarlundi eru mad corny.— Logi Pedro (@logifknpedro) March 27, 2017 Fjölmargar bloggfærslur um Þrastalund hafa birst að undanförnu. Snapchat er einnig vinsæll vettvangur fyrir auglýsingar.vísir/garðar k.Sverrir Einar Eiríksson, eigandi Þrastalundar, segir kynningar sem þessar hafa gefið góða raun, en Þrastalundur er líklega það fyrirtæki sem sótt hefur hvað mest í auglýsingar á samfélagsmiðlum. Aðspurður segist hann ekki gera kröfu um að kynningar séu merktar sem kostaðar og segir allan gang á því hvort hann leiti sjálfur til bloggaranna eða hvort þeir komi til hans. „Ég er bara ágætlega ánægður með þetta. Við höfum verið að bjóða bloggurum að koma í til dæmis brunch og þeir hafa bara verið ánægðir með þetta,“ segir Sverrir. „Ég skipti mér ekkert af því hvort þetta sé merkt sem auglýsing eða ekki. Við bara bjóðum fólki að koma og það skrifar síðan um þetta ef það vill það, ég geri enga kröfu um að fólk skrifi um staðinn.“Sverrir Einar Eiríksson, eigandi Þrastalundar, segir viðskiptin hafa aukist svo um munar. Hvort það sé snöppurunum að þakka segist hann ekki geta sagt til um.vísir/ernirSamkomulag hverju sinni Sverrir segir jafnframt að misjafnt sé hvort fólk fái greitt fyrir umfjallanir eða hvort þeir fái gjafabréf á staðinn, gert sé ákveðið samkomulag hverju sinni. Þá tekur hann fram að viðskiptavinum Þrastalundar hafi fjölgað til muna á síðustu mánuðum. Þó sé erfitt að segja til um hverju það sé að þakka en að líklega sé þetta samspil á milli auglýsinga og góðrar þjónustu. „Það hefur orðið gríðarleg aukning hér. Við keyptum staðinn í desember 2015 og opnuðum í júlí. Það hefur verið jöfn og þétt aukning og hver methelgin og hver metdagurinn á fætur öðrum. Ég veit ekki hverju það er að þakka, hvort það er bloggurum eða bestu pítsum í heimi, en væntanlega er þetta eitthvað samspil þarna á milli,“ segir Sverrir. Sverrir hefur verið með puttana í ýmsu í gegnum árin, en hann kaupir meðal annars gull og hóf á dögunum að bjóða upp á 95 prósenta fasteignalán. Hann segist ekki hafa nýtt sér samfélagsmiðla í svo miklum mæli áður en telur að auglýsingamarkaður á netinu sé og muni færast enn frekar í aukana.Mikilvægt að halda í trúverðugleikann Þrastalundur hefur verið í samstarfi við fyrirtækið Eylendu varðandi markaðssetningu á samfélagsmiðlum. Tanja Ýr Ástþórsdóttir starfar fyrir fyrirtækið en hún er jafnframt einn vinsælasti bloggari landsins. Ein umsagnanna hér að ofan er rituð af Tönju, en hún fullyrðir að ekki sé um auglýsingu að ræða. Hins vegar hafi hún farið í samstarf við Þrastalund eftir að hún skrifaði blogg-færslu um veitingastaðinn.Tanja Ýr Ástþórsdóttir segir mikilvægt að snapparar, eða áhrifavaldar líkt og hún orðar það, séu sannir sjálfum sér og öðrum.vísir/pjetur„Ég hafði heyrt af þessum stað og ákvað að fara í roadtrip með vinkonu minni. Mér líkaði mjög vel og skrifaði þess vegna þessa færslu," segir Tanja í samtali við Vísi og tekur fram að afar mikilvægt sé að fólk geti gert greinarmun á hvort færsla sé kostuð eða ekki. „Við förum eftir ákveðnum fyrirmælum frá Neytendastofu, en það er til þess að halda trúverðugleika við fylgjendur okkar. Við eigum alltaf að taka það fram þegar við erum að auglýsa og það er ástæðan fyrir því að maður er með fylgjendur - að maður er að segja satt. Ég fór til dæmis í Þrastalund um daginn og tók þá skýrt fram á snappinu mínu að þetta væri auglýsing," segir hún. „Eylenda er nokkurs konar samfélag fyrir áhrifavalda. Það er nefnilega þannig að þegar snapparar og bloggarar eru orðnir stórir þá fara fyrirtæki að sækjast svo rosalega mikið í þá og gefa þeim hluti, en þeim finnst oft eins og þeir þurfi þá að fjalla um hlutina til þess að þakka fyrir sig. Þar grípum við inn í því við viljum ekki að áhrifavaldarnir séu gangandi auglýsing. Við viljum að þeir séu þeir sjálfir á samfélagsmiðlum en það er ástæðan fyrir því að þeir verða stórir og fara eftir öllum fyrirmælum."Duldar auglýsingar bannaðar Fyrirmælin sem Tanja vísar til eru leiðbeiningar frá Neytendastofu um auðþekkjanlegar auglýsingar sem eru byggðar á samnorrænum reglum. Í þeim kemur fram að ef greitt er fyrir umfjöllun, eða annað endurgjald kemur fyrir umfjöllun um vöru eða þjónustu á samfélagsmiðli, þá sé um auglýsingu að ræða. Neytendur eigi lagalegan rétt á að vita hvenær verið er að reyna að selja þeim eitthvað. Þá er tekið sérstaklega fram að meirihluti notenda Snapchat er undir 25 ára aldri. Samkvæmt sjöttu grein laga um eftirlit með viðskiptaháttum og markaðssetningu skulu auglýsingar þannig úr garði gerðar að ekki leiki vafi á að um auglýsingar sé að ræða og að þær skuli skýrt aðgreindar frá öðru efni fjölmiðla. Auglýsingar og aðrar viðskiptaaðferðir megi ekki vera ósanngjarnar gagnvart keppinautum eða neytendum vegna forms þeirra. Sem fyrr segir hefur Þrastalundur sótt mjög í samfélagsmiðla að undanförnu, en hér fyrir neðan má sjá ýmsar vangaveltur fólks á Twitter um markaðssetningu fyrirtækisins. Er hægt að fá einn skítkaldan í Þrastarlundi?— Berglind Festival (@ergblind) March 30, 2017 Langar að gera hryllingsmynd um fólk sem ginnist af brunch auglýsingum í Þrastarlundi. Mætir þangað og er drepið og eldað í brunch.— Halldór Halldórsson (@DNADORI) March 28, 2017 Veit einhver hvort ljótu fólki þyki brunchinn hjá Þrastalundi líka góður?— Gunnar P. Hauksson (@gunnarph) March 27, 2017 Voðalega hlýtur að vera gott útsýni þarna í þrastalundi pic.twitter.com/d2BdnVEMFh— Jón Hjörtur Emilsson (@jonhjortur91) March 30, 2017 Neytendur Mest lesið Ferjuleiðir taka við rekstri ferjunnar Baldurs Viðskipti innlent „Það fyrsta sem ég segi er „Góða morgun““ Atvinnulíf Birta lista yfir kaupendur: Á annað þúsund keypti fyrir tuttugu milljónir Viðskipti innlent Íslensk fyrirtæki geti endurheimt verulegar fjárhæðir Viðskipti innlent Þau keyptu fyrir tuttugu milljónir í útboðinu Viðskipti innlent Í hópi þeirra sem hlutu Viator Experience-verðlaunin Viðskipti innlent Tvöfaldar tolla á innflutt stál og ál Viðskipti erlent Fyrsta íslenska grænkera ostagerðin í hættu Viðskipti innlent Heiður Björk tekur við eftir brotthvarf Gunnars Egils Viðskipti innlent Sektaðar fyrir að trassa með verðmerkingar á Selfossi Neytendur Fleiri fréttir Ferjuleiðir taka við rekstri ferjunnar Baldurs Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Heiður Björk tekur við eftir brotthvarf Gunnars Egils GeoSilica hefur framleiðslu á Þeistareykjum Sigurður Jökull stýrir Cruise Iceland Taka við nýjum forstöðumannastöðum hjá Krónunni Dolores ráðin forstöðumaður hjá OK Shein ginni neytendur til skyndikaupa Annar banki býður betra verð en hinn með sömu eigendur Þau keyptu fyrir tuttugu milljónir í útboðinu Sameining við Kviku banka mun taka langan tíma „Grindavíkuráhrifin“ leiða til talsverðrar hækkunar hjá nágrönnum Indó skoraði hæst í Sjálfbærniásnum Fasteignamat hækkar um 9,2 prósent á milli ára Bein útsending: Fasteignamat 2026 kynnt Verðbólga lækkar um 0,4 stig Kvika vinsælasta stelpan á ballinu Bein útsending: Viðurkenningarhátíð Sjálfbærniássins Auður hefur innreið sína á húsnæðislánamarkað Vextir lækka hjá Íslandsbanka Lokun kísilvers á Bakka: „Þetta er grátbölvað“ Arion vill sameinast Kviku Birta lista yfir kaupendur: Á annað þúsund keypti fyrir tuttugu milljónir Bein útsending: Ársfundur Samáls Vilja að stjórnvöld greiði leið kísilversins á Bakka Play tekur flugið til Agadir Halla nýr yfirlögfræðingur Emblu Medical Stöðva rekstur á Bakka í júlí og segja 80 manns upp störfum Heimar mega kaupa Grósku Sjá meira
„Þrastarlundur var frábær, starfsfólkið svo æðislegt, ljúffengur matur og svakalega notalegur staður. Ef þú vilt eiga notalega stund með fjölskyldu eða vinum í Þrastarlundi getur þú haft samband hér.“ „We sat near the windows and it was so peaceful I highly recommend if you are taking the golden circle or on your way to stop there. We had the best time on Saturday it was kind a like girls day I want to do it again.“ „Þegar við mættum fengum við góða þjónustu og ekki skemmdi fyrir hversu kósý og fallegur staðurinn er. Einnig er búð þarna sem hægt er að kaupa allskonar matvæli og fleira.“ „Við vorum búin að panta borð og var einstaklega vel tekið á móti okkur og við fengum sæti með yndislegu útsýni yfir ánna og upp í fjöll. Staðurinn er allur ný uppgerður og fallegur og verslunin frammi er sú allra girnilegasta.“ Besti dögurður landsins? Auglýsing eða ekki? Svo hljóða umsagnir nokkurra þekktra bloggara og snappara um veitingastaðinn Þrastalund í Grímsnesi. Þessar umsagnir og margar fleiri eru að finna á veraldarvefnum þessa dagana en athygli vekur að í fæstum tilfellum er tekið fram hvort um sé að ræða auglýsingu eða ekki. Auglýsingar í gegnum Snapchat og blogg-síður hafa verið að sækja í sig veðrið á undanförnum misserum en oftar en ekki er erfitt að átta sig á hvort kynningarnar séu kostaðar eða ekki. Kynningar Þrastalundar hafa í raun verið svo áberandi að umræða hefur skapast um málið og vaknað hafa grunsemdir um hvort um sé að ræða auglýsingu eða ekki - eða hvort þarna sé einfaldlega besti dögurður landsins. Dýrka að vegasjoppan Þrastarlundur sé að markaðssetja sig með aðstoð bloggara, fegurðardrottninga og snappara.— Klara (@Klodinz) March 22, 2017 Ah, sorry en þessir #ad brunchar í Þrastarlundi eru mad corny.— Logi Pedro (@logifknpedro) March 27, 2017 Fjölmargar bloggfærslur um Þrastalund hafa birst að undanförnu. Snapchat er einnig vinsæll vettvangur fyrir auglýsingar.vísir/garðar k.Sverrir Einar Eiríksson, eigandi Þrastalundar, segir kynningar sem þessar hafa gefið góða raun, en Þrastalundur er líklega það fyrirtæki sem sótt hefur hvað mest í auglýsingar á samfélagsmiðlum. Aðspurður segist hann ekki gera kröfu um að kynningar séu merktar sem kostaðar og segir allan gang á því hvort hann leiti sjálfur til bloggaranna eða hvort þeir komi til hans. „Ég er bara ágætlega ánægður með þetta. Við höfum verið að bjóða bloggurum að koma í til dæmis brunch og þeir hafa bara verið ánægðir með þetta,“ segir Sverrir. „Ég skipti mér ekkert af því hvort þetta sé merkt sem auglýsing eða ekki. Við bara bjóðum fólki að koma og það skrifar síðan um þetta ef það vill það, ég geri enga kröfu um að fólk skrifi um staðinn.“Sverrir Einar Eiríksson, eigandi Þrastalundar, segir viðskiptin hafa aukist svo um munar. Hvort það sé snöppurunum að þakka segist hann ekki geta sagt til um.vísir/ernirSamkomulag hverju sinni Sverrir segir jafnframt að misjafnt sé hvort fólk fái greitt fyrir umfjallanir eða hvort þeir fái gjafabréf á staðinn, gert sé ákveðið samkomulag hverju sinni. Þá tekur hann fram að viðskiptavinum Þrastalundar hafi fjölgað til muna á síðustu mánuðum. Þó sé erfitt að segja til um hverju það sé að þakka en að líklega sé þetta samspil á milli auglýsinga og góðrar þjónustu. „Það hefur orðið gríðarleg aukning hér. Við keyptum staðinn í desember 2015 og opnuðum í júlí. Það hefur verið jöfn og þétt aukning og hver methelgin og hver metdagurinn á fætur öðrum. Ég veit ekki hverju það er að þakka, hvort það er bloggurum eða bestu pítsum í heimi, en væntanlega er þetta eitthvað samspil þarna á milli,“ segir Sverrir. Sverrir hefur verið með puttana í ýmsu í gegnum árin, en hann kaupir meðal annars gull og hóf á dögunum að bjóða upp á 95 prósenta fasteignalán. Hann segist ekki hafa nýtt sér samfélagsmiðla í svo miklum mæli áður en telur að auglýsingamarkaður á netinu sé og muni færast enn frekar í aukana.Mikilvægt að halda í trúverðugleikann Þrastalundur hefur verið í samstarfi við fyrirtækið Eylendu varðandi markaðssetningu á samfélagsmiðlum. Tanja Ýr Ástþórsdóttir starfar fyrir fyrirtækið en hún er jafnframt einn vinsælasti bloggari landsins. Ein umsagnanna hér að ofan er rituð af Tönju, en hún fullyrðir að ekki sé um auglýsingu að ræða. Hins vegar hafi hún farið í samstarf við Þrastalund eftir að hún skrifaði blogg-færslu um veitingastaðinn.Tanja Ýr Ástþórsdóttir segir mikilvægt að snapparar, eða áhrifavaldar líkt og hún orðar það, séu sannir sjálfum sér og öðrum.vísir/pjetur„Ég hafði heyrt af þessum stað og ákvað að fara í roadtrip með vinkonu minni. Mér líkaði mjög vel og skrifaði þess vegna þessa færslu," segir Tanja í samtali við Vísi og tekur fram að afar mikilvægt sé að fólk geti gert greinarmun á hvort færsla sé kostuð eða ekki. „Við förum eftir ákveðnum fyrirmælum frá Neytendastofu, en það er til þess að halda trúverðugleika við fylgjendur okkar. Við eigum alltaf að taka það fram þegar við erum að auglýsa og það er ástæðan fyrir því að maður er með fylgjendur - að maður er að segja satt. Ég fór til dæmis í Þrastalund um daginn og tók þá skýrt fram á snappinu mínu að þetta væri auglýsing," segir hún. „Eylenda er nokkurs konar samfélag fyrir áhrifavalda. Það er nefnilega þannig að þegar snapparar og bloggarar eru orðnir stórir þá fara fyrirtæki að sækjast svo rosalega mikið í þá og gefa þeim hluti, en þeim finnst oft eins og þeir þurfi þá að fjalla um hlutina til þess að þakka fyrir sig. Þar grípum við inn í því við viljum ekki að áhrifavaldarnir séu gangandi auglýsing. Við viljum að þeir séu þeir sjálfir á samfélagsmiðlum en það er ástæðan fyrir því að þeir verða stórir og fara eftir öllum fyrirmælum."Duldar auglýsingar bannaðar Fyrirmælin sem Tanja vísar til eru leiðbeiningar frá Neytendastofu um auðþekkjanlegar auglýsingar sem eru byggðar á samnorrænum reglum. Í þeim kemur fram að ef greitt er fyrir umfjöllun, eða annað endurgjald kemur fyrir umfjöllun um vöru eða þjónustu á samfélagsmiðli, þá sé um auglýsingu að ræða. Neytendur eigi lagalegan rétt á að vita hvenær verið er að reyna að selja þeim eitthvað. Þá er tekið sérstaklega fram að meirihluti notenda Snapchat er undir 25 ára aldri. Samkvæmt sjöttu grein laga um eftirlit með viðskiptaháttum og markaðssetningu skulu auglýsingar þannig úr garði gerðar að ekki leiki vafi á að um auglýsingar sé að ræða og að þær skuli skýrt aðgreindar frá öðru efni fjölmiðla. Auglýsingar og aðrar viðskiptaaðferðir megi ekki vera ósanngjarnar gagnvart keppinautum eða neytendum vegna forms þeirra. Sem fyrr segir hefur Þrastalundur sótt mjög í samfélagsmiðla að undanförnu, en hér fyrir neðan má sjá ýmsar vangaveltur fólks á Twitter um markaðssetningu fyrirtækisins. Er hægt að fá einn skítkaldan í Þrastarlundi?— Berglind Festival (@ergblind) March 30, 2017 Langar að gera hryllingsmynd um fólk sem ginnist af brunch auglýsingum í Þrastarlundi. Mætir þangað og er drepið og eldað í brunch.— Halldór Halldórsson (@DNADORI) March 28, 2017 Veit einhver hvort ljótu fólki þyki brunchinn hjá Þrastalundi líka góður?— Gunnar P. Hauksson (@gunnarph) March 27, 2017 Voðalega hlýtur að vera gott útsýni þarna í þrastalundi pic.twitter.com/d2BdnVEMFh— Jón Hjörtur Emilsson (@jonhjortur91) March 30, 2017
Neytendur Mest lesið Ferjuleiðir taka við rekstri ferjunnar Baldurs Viðskipti innlent „Það fyrsta sem ég segi er „Góða morgun““ Atvinnulíf Birta lista yfir kaupendur: Á annað þúsund keypti fyrir tuttugu milljónir Viðskipti innlent Íslensk fyrirtæki geti endurheimt verulegar fjárhæðir Viðskipti innlent Þau keyptu fyrir tuttugu milljónir í útboðinu Viðskipti innlent Í hópi þeirra sem hlutu Viator Experience-verðlaunin Viðskipti innlent Tvöfaldar tolla á innflutt stál og ál Viðskipti erlent Fyrsta íslenska grænkera ostagerðin í hættu Viðskipti innlent Heiður Björk tekur við eftir brotthvarf Gunnars Egils Viðskipti innlent Sektaðar fyrir að trassa með verðmerkingar á Selfossi Neytendur Fleiri fréttir Ferjuleiðir taka við rekstri ferjunnar Baldurs Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Heiður Björk tekur við eftir brotthvarf Gunnars Egils GeoSilica hefur framleiðslu á Þeistareykjum Sigurður Jökull stýrir Cruise Iceland Taka við nýjum forstöðumannastöðum hjá Krónunni Dolores ráðin forstöðumaður hjá OK Shein ginni neytendur til skyndikaupa Annar banki býður betra verð en hinn með sömu eigendur Þau keyptu fyrir tuttugu milljónir í útboðinu Sameining við Kviku banka mun taka langan tíma „Grindavíkuráhrifin“ leiða til talsverðrar hækkunar hjá nágrönnum Indó skoraði hæst í Sjálfbærniásnum Fasteignamat hækkar um 9,2 prósent á milli ára Bein útsending: Fasteignamat 2026 kynnt Verðbólga lækkar um 0,4 stig Kvika vinsælasta stelpan á ballinu Bein útsending: Viðurkenningarhátíð Sjálfbærniássins Auður hefur innreið sína á húsnæðislánamarkað Vextir lækka hjá Íslandsbanka Lokun kísilvers á Bakka: „Þetta er grátbölvað“ Arion vill sameinast Kviku Birta lista yfir kaupendur: Á annað þúsund keypti fyrir tuttugu milljónir Bein útsending: Ársfundur Samáls Vilja að stjórnvöld greiði leið kísilversins á Bakka Play tekur flugið til Agadir Halla nýr yfirlögfræðingur Emblu Medical Stöðva rekstur á Bakka í júlí og segja 80 manns upp störfum Heimar mega kaupa Grósku Sjá meira