Ég hylli þig Húnaþing er uppáhaldslag Lillukórsins Gunnþóra Gunnarsdóttir skrifar 28. apríl 2017 10:30 Lillukórinn þegar hann var tvítugur, fyrir fimm árum. Stjórnandinn, Ingibjörg, er lengst til vinstri í fremri röð. Við byrjuðum sextán húsmæður að syngja saman og ætluðum að hittast einu sinni í viku. Síðan eru 25 ár,“ segir Ingibjörg Pálsdóttir, tónlistarkennari á Hvammstanga, þegar hún rifjar upp hvernig Lillukórinn varð til. Nú er kórinn að halda sína síðustu vortónleika á morgun, laugardag, klukkan 14 í Félagsheimilinu á Hvammstanga. Ingibjörg er kölluð Lilla og hefur verið með kórinn frá fyrstu tíð en kveðst aldrei hafa staðið fyrir framan hann heldur stjórnað frá hljóðfærinu. „Ég hef sett upp raddirnar en svo hef ég fengið aðra undirleikara þegar komið er að konsertum. Ég er svo heppin að Sigurður Helgi Oddsson, sem er barnabarn mitt, er bráðflinkur spilari, hann hefur leikið undir hjá okkur í fimm ár og ætlar að vera með okkur þetta síðasta ár en svo er ég að hætta, enda orðin áttatíu og þriggja ára gömul,“ segir hún. Ingibjörg er ein af stofnendum tónlistarskólans á Hvammstanga og kenndi þar í mörg ár. Í símanum heyrist söngröddin glögglega. „Ég held að ég geti sungið á meðan ég get setið,“ segir hún hlæjandi þegar haft er orð á því. Lillukórinn er skipaður konum úr Húnaþingi vestra, bæði af Hvammstanga og úr sveitunum í kring. Hann gaf út tvo diska og Ingibjörg segir annan þeirra talsvert hafa verið spilaðan í útvarpi. Innt eftir hvort einhver sérstök lög hafi fylgt kórnum gegnum tíðina svarar hún: „Á öðrum diskinum er lag sem heitir Ég hylli þig Húnaþing og það er uppáhaldslag hjá okkur.“ Að þessu sinni syngur meginþorri þeirra kvenna sem hafa starfað í Lillukórnum með en telur Ingibjörg allar sáttar við að hætta núna? „Við erum hættar að koma fram opinberlega og halda vortónleika en það er enginn kominn til með að segja að við hittumst ekki áfram,“ svarar hún hress. „Söngæfingarnar hjá okkur eru yfirleitt eins og kabarett, þar er látið öllum illum látum. Það kemur bara í ljós í haust hvernig framhaldið verður.“ Gestakórar á tónleikunum á morgun verða Sprettskór og Grundartangakór. Stjórnandi þeirra er Atli Guðlaugsson og Sigurður Helgi spilar undir. Ingibjörg tekur fram að veglegar veitingar verði á borðum, að hætti Lillukórsins, enginn aðgangseyrir verði innheimtur og allir séu hjartanlega velkomnir. Húnaþing vestra Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Best skipulagða geymsla landsins í glæsihúsi við Laugardalinn Lífið Kvaddi dramað og flutti fyrir ástina Lífið Fagnaði 35 árum í sólinni Lífið „Allir vonuðu að þetta yrði stelpa“ Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Við byrjuðum sextán húsmæður að syngja saman og ætluðum að hittast einu sinni í viku. Síðan eru 25 ár,“ segir Ingibjörg Pálsdóttir, tónlistarkennari á Hvammstanga, þegar hún rifjar upp hvernig Lillukórinn varð til. Nú er kórinn að halda sína síðustu vortónleika á morgun, laugardag, klukkan 14 í Félagsheimilinu á Hvammstanga. Ingibjörg er kölluð Lilla og hefur verið með kórinn frá fyrstu tíð en kveðst aldrei hafa staðið fyrir framan hann heldur stjórnað frá hljóðfærinu. „Ég hef sett upp raddirnar en svo hef ég fengið aðra undirleikara þegar komið er að konsertum. Ég er svo heppin að Sigurður Helgi Oddsson, sem er barnabarn mitt, er bráðflinkur spilari, hann hefur leikið undir hjá okkur í fimm ár og ætlar að vera með okkur þetta síðasta ár en svo er ég að hætta, enda orðin áttatíu og þriggja ára gömul,“ segir hún. Ingibjörg er ein af stofnendum tónlistarskólans á Hvammstanga og kenndi þar í mörg ár. Í símanum heyrist söngröddin glögglega. „Ég held að ég geti sungið á meðan ég get setið,“ segir hún hlæjandi þegar haft er orð á því. Lillukórinn er skipaður konum úr Húnaþingi vestra, bæði af Hvammstanga og úr sveitunum í kring. Hann gaf út tvo diska og Ingibjörg segir annan þeirra talsvert hafa verið spilaðan í útvarpi. Innt eftir hvort einhver sérstök lög hafi fylgt kórnum gegnum tíðina svarar hún: „Á öðrum diskinum er lag sem heitir Ég hylli þig Húnaþing og það er uppáhaldslag hjá okkur.“ Að þessu sinni syngur meginþorri þeirra kvenna sem hafa starfað í Lillukórnum með en telur Ingibjörg allar sáttar við að hætta núna? „Við erum hættar að koma fram opinberlega og halda vortónleika en það er enginn kominn til með að segja að við hittumst ekki áfram,“ svarar hún hress. „Söngæfingarnar hjá okkur eru yfirleitt eins og kabarett, þar er látið öllum illum látum. Það kemur bara í ljós í haust hvernig framhaldið verður.“ Gestakórar á tónleikunum á morgun verða Sprettskór og Grundartangakór. Stjórnandi þeirra er Atli Guðlaugsson og Sigurður Helgi spilar undir. Ingibjörg tekur fram að veglegar veitingar verði á borðum, að hætti Lillukórsins, enginn aðgangseyrir verði innheimtur og allir séu hjartanlega velkomnir.
Húnaþing vestra Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Best skipulagða geymsla landsins í glæsihúsi við Laugardalinn Lífið Kvaddi dramað og flutti fyrir ástina Lífið Fagnaði 35 árum í sólinni Lífið „Allir vonuðu að þetta yrði stelpa“ Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira