Fyrsta stikla Dark Tower birt

Loksins hefur fyrsta stikla myndarinnar Dark Tower verið birt. Dark Tower byggir á samnefndum metsölubókum Stephen King og skartar þeim Idris Elba og Matthew McConaughey í aðalhlutverkum.

Elba leikur The Gunslinger, eða Roland Deschain, og McConaughey leikur The Man in Black. Bækurnar, og væntanlega myndin, blanda saman ævintýrasögum, vísindaskáldskap og, vestrum og hrollvekjum.

Deschain er síðasti meðlimur fornrar riddarareglu og þarf hann að vernda stóran turn gegn manninum í svörtu.