Bandaríkjamaðurinn Brian Harman er með forystu að loknum fyrstu þremur keppnisdögunum á Opna bandaríska meistaramótinu í golfi.
Harman lék á fimm höggum undir pari í dag og er samtals á 12 höggum undir pari.
Senuþjófur dagsins var hins vegar Justin Thomas sem lék hringinn á níu höggum undir pari sem er met á Opna bandaríska.
Thomas er samtals á 11 höggum undir pari líkt og Brooks Koepka og Tommy Fleetwood.
Rickie Fowler kemur þar á eftir á 10 höggum undir pari.
Keppni á Opna bandaríska lýkur á morgun. Bein útsending frá mótinu hefst klukkan 17:00 á Golfstöðinni.
