109 sm lax sá stærsti í sumar Karl Lúðvíksson skrifar 18. júlí 2017 13:43 Stefán með laxinn sem var mældur 109 sm. Mynd: Laxá Nesi FB Veiðisvæðið sem er kennt við Nes í Laxá í Aðaldal er líklega það svæði sem gefur flesta laxa á hverju sumri yfir 100 sm og það er lítil breyting þar á í sumar. Í fyrradag var landað laxi úr Vitaðsgjafa sem er sá stærsti sem við vitum af í sumar, ekki bara sá stærsti af Nessvæðinu heldur sá stærsti á landinu í sumar. Það var Stefán Stefánsson sem landaði þessum laxi á Sunray og eins og meðfylgjandi mynd ber með sér er þetta þykkur og vel haldinn stórlax af þessu rómaða svæði. Þar með bætist í 20 punda klúbbinn á Nesi en í viðurkenningarskyni eru veiðimenn sæmdir orðum við inntöku í þennan skemmtilega klúbb. Það ber annars mikið á stórum löxum á svæðinu og nokkrir laxar hafa þegar sýnt sig sem fullyrt er að sæki vel á þennan 109 sm en það verður þó ekki úr því skorið fyrr en þessir höfðingjar taka fluguna og verða rétt mældir við bakkann. Besti tíminn fyrir stóru hængana er yfirleitt á haustinn og það verður þess vegna spennandi að sjá hvort einhver stærri lax en þessi verði dreginn í háfinn í Nesi í sumar. Mest lesið Sporðaköst væntanleg á Stöð 2 í apríl Veiði Vatnaveiðin verður líklega seinni til á Norðurlandi Veiði Umgengni við suma veiðistaði afleit Veiði Kvikmyndahátið fluguveiðimannsins Veiði Krakkarnir eru mættir á bryggjurnar Veiði Jökla vex sem laxá og bleikjan er bónus Veiði Stóri júlístraumurinn skilaði litlu í laxveiðiárnar Veiði Heiðarvötnin að gefa fína veiði og væna fiska Veiði Smá þjófstart við Elliðavatn í morgun Veiði 8408 laxar komnir úr Ytri Rangá Veiði
Veiðisvæðið sem er kennt við Nes í Laxá í Aðaldal er líklega það svæði sem gefur flesta laxa á hverju sumri yfir 100 sm og það er lítil breyting þar á í sumar. Í fyrradag var landað laxi úr Vitaðsgjafa sem er sá stærsti sem við vitum af í sumar, ekki bara sá stærsti af Nessvæðinu heldur sá stærsti á landinu í sumar. Það var Stefán Stefánsson sem landaði þessum laxi á Sunray og eins og meðfylgjandi mynd ber með sér er þetta þykkur og vel haldinn stórlax af þessu rómaða svæði. Þar með bætist í 20 punda klúbbinn á Nesi en í viðurkenningarskyni eru veiðimenn sæmdir orðum við inntöku í þennan skemmtilega klúbb. Það ber annars mikið á stórum löxum á svæðinu og nokkrir laxar hafa þegar sýnt sig sem fullyrt er að sæki vel á þennan 109 sm en það verður þó ekki úr því skorið fyrr en þessir höfðingjar taka fluguna og verða rétt mældir við bakkann. Besti tíminn fyrir stóru hængana er yfirleitt á haustinn og það verður þess vegna spennandi að sjá hvort einhver stærri lax en þessi verði dreginn í háfinn í Nesi í sumar.
Mest lesið Sporðaköst væntanleg á Stöð 2 í apríl Veiði Vatnaveiðin verður líklega seinni til á Norðurlandi Veiði Umgengni við suma veiðistaði afleit Veiði Kvikmyndahátið fluguveiðimannsins Veiði Krakkarnir eru mættir á bryggjurnar Veiði Jökla vex sem laxá og bleikjan er bónus Veiði Stóri júlístraumurinn skilaði litlu í laxveiðiárnar Veiði Heiðarvötnin að gefa fína veiði og væna fiska Veiði Smá þjófstart við Elliðavatn í morgun Veiði 8408 laxar komnir úr Ytri Rangá Veiði