Eins og flestum ætti að vera kunnugt um eru strákarnir okkar í karlalandsliðinu í knattspyrnu á leiðinni á lokakeppni HM í Rússlandi á næsta ári.
Þessum sögulega árangri eru gerð góð skil með myndrænum hætti á forsíðu Fréttablaðsins í dag með svokallaðri kápu. Kápan er í raun forsíða og baksíða blaðsins en þetta er í þriðja sinn sem blaðið er brotið inn í kápu; fyrsta skiptið var eftir leik Íslands og Englands á EM í fótbolta í fyrra og annað skiptið eftir leik Íslands og Frakklands á sama móti.
Kápuna í dag prýðir landsliðið okkar með fyrirliðann Aron Einar Gunnarsson í broddi fylkingar þar sem þeir fagna farmiðanum til Rússlands í leikslok í gær. Myndina tók Ernir Eyjólfsson, ljósmyndari Fréttablaðsins og Vísis.
Rússland, við erum á leiðinni
Tengdar fréttir
Ættum við að fara til Rússlands? │ Strákarnir á samfélagsmiðlum
Íslensku landsliðsstrákarnir fögnuðu vel og innilega á samfélagsmiðlum í gærkvöld
Sigur að tapa bara 2-1 fyrir Íslandi
Ísland varð í gærkvöld minnsta þjóð sögunnar til þess að komast í lokakeppni heimsmeistaramóts. Þetta afrek fór ekki framhjá neinum í fótboltaheiminum og hafa nokkrar stórstjörnur tekið til Twitter og óskað Íslendingum til hamingju.
