ÍBV vann í gær sinn annan Íslandsmeistaratitil í handbolta í sögu félagsins. Því var að sjálfsögðu fagnað með hætti Eyjamanna, innsigling í Herjólfi undir glæsilegri flugeldasýningu.
Sýnt var frá heimkomu ÍBV í kvöldfréttum Stöðvar 2 í kvöld og ræddi Svava Kristín Grétarsdóttir við Arnar Pétursson, þjálfara ÍBV.
„Þetta venst aldrei, að fá þessar móttökur og flugeldasýninguna,“ sagði Arnar.
Myndirnar frá gærkvöldinu má sjá í sjónvarpsglugganum í fréttinni.
Sjáðu Eyjamenn snúa heim með Íslandsmeistaratitilinn
Tengdar fréttir
Stórbrotið meistaraspjall: Tönnin á Aroni sprakk og gufaði í loft upp
ÍBV er Íslandsmeistari eftir öruggan sigur í leik fjögur í úrslitaeinvíginu við FH í Kaplakrika í dag. Nýkrýndir meistarar Kári Kristján Kristjánsson, Aron Rafn Eðvarðsson og Grétar Þór Eyþórsson settust við háborðið hjá Tómasi Þór Þórðarsyni í Seinni bylgjunni eftir leik og fögnuðu titlinum með stórbrotnu viðtali.
Íslandsmeistarasyrpa ÍBV - Gæsahúðarmyndband
ÍBV vann átta marka sigur á FH í Kaplakrika dag sem tryggði liðinu Íslandsmeistaratitilinn eftir 3-1 sigur í úrslitaeinvíginu. ÍBV er því þrefaldur meistari en áður hafði liðið orðið bæði deildar- og bikarmeistari.
Myndasyrpa af fögnuði Eyjamanna
ÍBV varð Íslandsmeistari í Olísdeild karla í annað skipti í sögu félagsins. Fögnuður leikmanna og stuðningsmanna eftir leik var ósvikinn.
