Samkeppniseftirlitið hefur samþykkt kaup Atlantsolíu á fimm eldsneytisstöðvum af Olís á höfuðborgarsvæðinu. Samningur þess efnis var undirritaður 9. september síðastliðinn en beið samþykkis Samkeppniseftirlitsins.
Í tilkynningu frá Atlantsolíu segir að stöðvarnar sem um ræði séu við Háaleitisbraut 12, Knarrarvog 2, Kirkjustétt 2-6, Starengi 2 og Vallargrund 3. Í kaupunum fylgja meðal annars fasteignir, lóða- og aðstöðusamningar og tæki til afgreiðslu eldneytis.
Salan er hluti af skilmálum sem Samkeppniseftirlitið vegna samruna Olís og Haga. Þurfti hið sameinaða félag meðal annars að selja frá sér fimm eldsneytisstöðvar sem reknar voru undir merkjum Olís.
Í kjölfar kaupanna eru stöðvar Atlantsolíu orðnar 24 talsins, staðsettar bæði á höfuðborgarsvæðinu og landsbyggðinni.
Atlantsolía kaupir fimm stöðvar af Olís
Tengdar fréttir
Atlantsolía að kaupa fimm bensínstöðvar af Olís
Fyrirtækið rekur í dag nítján sjálfsafgreiðslustöðvar á landinu öllu.
Samruni Haga og Olís samþykktur
Kaupsamningur var gerður í fyrra en Samkeppniseftirlitið setti skilyrði um að Hagar og Olís þyrftu að selja ákveðnar eignir áður en það legði blessun sína yfir samrunann.
Hagar tilbúið til að selja Bónusverslanir og bensínstöðvar til að liðka fyrir kaupunum á Olís
Hagar er meðal annars reiðubúið til þess að selja tvær Bónusverslanir, tvær Olís-stöðvar og eina ÓB-stöð til þess að eyða þeim samkeppnishindrunum sem Samkeppniseftirlitið hefur talið að leitt gætu af samruna Haga og Olís.
