Vill betri yfirsýn yfir hvernig fjármunum til nýsköpunar er varið Stefán Ó. Jónsson skrifar 7. febrúar 2019 12:33 Þórdís Kolbrún Reykfjörð Gylfadóttir, er ferðamála-, iðnaðar- og viðskiptaráðherra. vísir/vilhelm Íslensk stjórnvöld þurfa að vera vakandi fyrir því hvernig fjármunum er varið til nýsköpunar hér á landi. Stuðningur stjórnvalda við málaflokkinn hlaupi á háum fjárhæðum og betri yfirsýn þurfi yfir hvernig þeim fjármunum er varið. Þrátt fyrir að skilvirkni nýsköpunar hér á landi hafi minnkað á milli ára og skráning á einkaleyfum sé lítil eru Íslendingar ennþá framarlega í alþjóðlegum samanburði. Nýsköpun sé meginforsenda verðmætasköpunar, sem um leið tryggir að hægt sé að takast á við þær samfélagslegu áskoranir sem framundan eru. Þetta er meðal þess sem kom fram í máli Þórdísar Kolbrúnar R. Gylfadóttur, ráðherra ferðamála-, iðnaðar- og nýsköpunar, í sérstakri umræðu um gildi nýsköpunar fyrir íslenskt samfélag á Alþingi í dag. Í ræðum sínum undirstrikaði Þórdís mikilvægi frumkvöðlastarfs fyrir íslenskan efnahag. Nýsköpun væri ekki „notaleg“ heldur nauðsynleg og af þeim sökum væri þessa dagana verið að vinna að nýrri nýsköpunarstefnu fyrir Ísland. Í henni verði meðal annars litið til þess að hámarka virði þessi fjármagns sem stjórnvöld verja til stuðnings frumkvöðlastarfi. Það séu háar fjárhæðir að sögn Þórdísar – en þrátt fyrir það virðist þetta fjármagn skila sér illa í vexti fyrirtækja eða útflutningi á afurðum sem byggja á hugviti. Það verði til þess að hin svokallaða skilvirkni nýsköpunar hefur minnkað á Íslandi milli ára, sem dregur okkur niður á alþjóðlegum listum um styrk nýsköpunarumhverfa. Af þeim sökum sagði Þórdís að fyrrnefnd nýsköpunarstefna muni horfa til þess að bæta yfirsýn stjórnvalda yfir það hvert fjárveitingar til nýsköpunar eru að fara. Þegar sú yfirsýn liggi fyrir verði hægt að grípa til aðgerða sem hámarki nýtingu fjármagnsins. Þar að auki telur Þórdís að mikilvægt sé fyrir íslensk stjórnvöld að stuðla að skilvirkara stuðningsumhverfi og minnka flækjustig í rekstri sprotafyrirtækja. Þá skuli jafnframt stuðla að aukinni samvinnu hins opinbera og fjárfesta, jafnt innlendra sem erlendra, auk þess sem Þórdís kallaði eftir „miklu nánara samstarfi“ háskóla, frumkvöðla og atvinnulífs. Þórdís sagðist jafnframt telja að sterk staða Íslands í jafnréttismálum geti nýst vel í ímyndarsköpun innlendrar nýsköpunar á erlendum vettvangi. Fá samfélög gera frumkvöðlum jafn auðvelt að samtvinna fjölskyldulíf og nýsköpun, sem mörgum útkeyrðum, erlendum frumkvöðlum kann án hef að þykja heillandi tilhugsun.Bryndís Haraldsdóttir, málshefjandi.Vísir/VilhelmSílíkondal fremur en stóriðju Bryndís Haraldsdóttir, þingmaður Sjálfstæðisflokks, var málshefjandi umræðunnar og sagði rétt að nýsköpunarstefna Íslands, sem nú er í mótun, muni byggja á sérstöðu landsins. Erfitt sé að heimfæra árangur annarra ríkja í frumkvöðlastarfsemi á Ísland, þó að auðvitað megi horfa til þess sem virkað hafi vel erlendis. Þrátt fyrir að atvinnulíf á Íslandi sé sterkt að sögn Bryndísar er það jafnframt of einsleitt. Það þurfi fleiri sterkari stoðir, til að varna því að íslenskt atvinnulíf hrynji við fall einnar atvinnugreinar. Þá hrósaði Bryndís árangri sjávarútvegar fyrir góðan nýsköpunarárangur á undanförnum áratugum og taldi hún að Ísland hefði alla burði til að verða „Sílíkondalur sjávarútvegs í heiminum.“ Þrátt fyrir það taldi Bryndís að Íslendingar ættu að hverfa frá því að einblína á nýtingu náttúruauðlinda við nýsköpun – þess í stað ætti að horfa til „óþrjótandi hugarafls þeirra sem byggja þetta land.“ Fjórða iðnbyltingin sé „í fullu fjöri“ og að Íslendingar „eigi að vera með því í fjöri,“ sagði Bryndís og bætti við að „nýsköpun ætti að vera okkar nýja stóriðjustefna.“ Í andsvari sínu tók Þórdís undir hvatningarorð Bryndísar en undirstrikaði þó mikilvægi samspils hugvits og auðlinda. Eitt þyrfti ekki að útiloka annað, þvert á móti ætti að virkja hugvitið til að nýta takmarkaðar náttúruauðlindir enn betur. Alþingi Nýsköpun Mest lesið AMD upp um fjórðung eftir risasamning við OpenAI Viðskipti erlent Á ég að hætta í núverandi sparnaði? Viðskipti innlent Óljóst hvort veðhafar fái nokkuð Viðskipti innlent Risagjalddagi vegna losunarheimilda daginn eftir gjaldþrot Viðskipti innlent Einar hættir af persónulegum ástæðum Viðskipti innlent Birna Ósk nýr forstjóri Húsasmiðjunnar Viðskipti innlent Öðruvísi starfsframi: „Davíð, getur þú mætt eftir 30 mínútur?“ Atvinnulíf Jón Skafti nýr forstöðumaður hjá Póstinum Viðskipti innlent Innkalla eitrað te Neytendur „Væntanlega farnir að hefja næturvaktir hjá Samkeppniseftirlitinu“ Viðskipti innlent Fleiri fréttir Á ég að hætta í núverandi sparnaði? Óljóst hvort veðhafar fái nokkuð Risagjalddagi vegna losunarheimilda daginn eftir gjaldþrot Einar hættir af persónulegum ástæðum „Væntanlega farnir að hefja næturvaktir hjá Samkeppniseftirlitinu“ Birna Ósk nýr forstjóri Húsasmiðjunnar Jón Skafti nýr forstöðumaður hjá Póstinum Gengi Skaga rýkur upp Ráðin framkvæmdastjórar hjá Björgun-Sement Fimm prósenta aukning í september Íslandsbanki og Skagi í formlegar samrunaviðræður Veitingastaðurinn opinn en lónið opnar síðar Omnom gjaldþrota og kröfuhafar uggandi Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Sjá meira
Íslensk stjórnvöld þurfa að vera vakandi fyrir því hvernig fjármunum er varið til nýsköpunar hér á landi. Stuðningur stjórnvalda við málaflokkinn hlaupi á háum fjárhæðum og betri yfirsýn þurfi yfir hvernig þeim fjármunum er varið. Þrátt fyrir að skilvirkni nýsköpunar hér á landi hafi minnkað á milli ára og skráning á einkaleyfum sé lítil eru Íslendingar ennþá framarlega í alþjóðlegum samanburði. Nýsköpun sé meginforsenda verðmætasköpunar, sem um leið tryggir að hægt sé að takast á við þær samfélagslegu áskoranir sem framundan eru. Þetta er meðal þess sem kom fram í máli Þórdísar Kolbrúnar R. Gylfadóttur, ráðherra ferðamála-, iðnaðar- og nýsköpunar, í sérstakri umræðu um gildi nýsköpunar fyrir íslenskt samfélag á Alþingi í dag. Í ræðum sínum undirstrikaði Þórdís mikilvægi frumkvöðlastarfs fyrir íslenskan efnahag. Nýsköpun væri ekki „notaleg“ heldur nauðsynleg og af þeim sökum væri þessa dagana verið að vinna að nýrri nýsköpunarstefnu fyrir Ísland. Í henni verði meðal annars litið til þess að hámarka virði þessi fjármagns sem stjórnvöld verja til stuðnings frumkvöðlastarfi. Það séu háar fjárhæðir að sögn Þórdísar – en þrátt fyrir það virðist þetta fjármagn skila sér illa í vexti fyrirtækja eða útflutningi á afurðum sem byggja á hugviti. Það verði til þess að hin svokallaða skilvirkni nýsköpunar hefur minnkað á Íslandi milli ára, sem dregur okkur niður á alþjóðlegum listum um styrk nýsköpunarumhverfa. Af þeim sökum sagði Þórdís að fyrrnefnd nýsköpunarstefna muni horfa til þess að bæta yfirsýn stjórnvalda yfir það hvert fjárveitingar til nýsköpunar eru að fara. Þegar sú yfirsýn liggi fyrir verði hægt að grípa til aðgerða sem hámarki nýtingu fjármagnsins. Þar að auki telur Þórdís að mikilvægt sé fyrir íslensk stjórnvöld að stuðla að skilvirkara stuðningsumhverfi og minnka flækjustig í rekstri sprotafyrirtækja. Þá skuli jafnframt stuðla að aukinni samvinnu hins opinbera og fjárfesta, jafnt innlendra sem erlendra, auk þess sem Þórdís kallaði eftir „miklu nánara samstarfi“ háskóla, frumkvöðla og atvinnulífs. Þórdís sagðist jafnframt telja að sterk staða Íslands í jafnréttismálum geti nýst vel í ímyndarsköpun innlendrar nýsköpunar á erlendum vettvangi. Fá samfélög gera frumkvöðlum jafn auðvelt að samtvinna fjölskyldulíf og nýsköpun, sem mörgum útkeyrðum, erlendum frumkvöðlum kann án hef að þykja heillandi tilhugsun.Bryndís Haraldsdóttir, málshefjandi.Vísir/VilhelmSílíkondal fremur en stóriðju Bryndís Haraldsdóttir, þingmaður Sjálfstæðisflokks, var málshefjandi umræðunnar og sagði rétt að nýsköpunarstefna Íslands, sem nú er í mótun, muni byggja á sérstöðu landsins. Erfitt sé að heimfæra árangur annarra ríkja í frumkvöðlastarfsemi á Ísland, þó að auðvitað megi horfa til þess sem virkað hafi vel erlendis. Þrátt fyrir að atvinnulíf á Íslandi sé sterkt að sögn Bryndísar er það jafnframt of einsleitt. Það þurfi fleiri sterkari stoðir, til að varna því að íslenskt atvinnulíf hrynji við fall einnar atvinnugreinar. Þá hrósaði Bryndís árangri sjávarútvegar fyrir góðan nýsköpunarárangur á undanförnum áratugum og taldi hún að Ísland hefði alla burði til að verða „Sílíkondalur sjávarútvegs í heiminum.“ Þrátt fyrir það taldi Bryndís að Íslendingar ættu að hverfa frá því að einblína á nýtingu náttúruauðlinda við nýsköpun – þess í stað ætti að horfa til „óþrjótandi hugarafls þeirra sem byggja þetta land.“ Fjórða iðnbyltingin sé „í fullu fjöri“ og að Íslendingar „eigi að vera með því í fjöri,“ sagði Bryndís og bætti við að „nýsköpun ætti að vera okkar nýja stóriðjustefna.“ Í andsvari sínu tók Þórdís undir hvatningarorð Bryndísar en undirstrikaði þó mikilvægi samspils hugvits og auðlinda. Eitt þyrfti ekki að útiloka annað, þvert á móti ætti að virkja hugvitið til að nýta takmarkaðar náttúruauðlindir enn betur.
Alþingi Nýsköpun Mest lesið AMD upp um fjórðung eftir risasamning við OpenAI Viðskipti erlent Á ég að hætta í núverandi sparnaði? Viðskipti innlent Óljóst hvort veðhafar fái nokkuð Viðskipti innlent Risagjalddagi vegna losunarheimilda daginn eftir gjaldþrot Viðskipti innlent Einar hættir af persónulegum ástæðum Viðskipti innlent Birna Ósk nýr forstjóri Húsasmiðjunnar Viðskipti innlent Öðruvísi starfsframi: „Davíð, getur þú mætt eftir 30 mínútur?“ Atvinnulíf Jón Skafti nýr forstöðumaður hjá Póstinum Viðskipti innlent Innkalla eitrað te Neytendur „Væntanlega farnir að hefja næturvaktir hjá Samkeppniseftirlitinu“ Viðskipti innlent Fleiri fréttir Á ég að hætta í núverandi sparnaði? Óljóst hvort veðhafar fái nokkuð Risagjalddagi vegna losunarheimilda daginn eftir gjaldþrot Einar hættir af persónulegum ástæðum „Væntanlega farnir að hefja næturvaktir hjá Samkeppniseftirlitinu“ Birna Ósk nýr forstjóri Húsasmiðjunnar Jón Skafti nýr forstöðumaður hjá Póstinum Gengi Skaga rýkur upp Ráðin framkvæmdastjórar hjá Björgun-Sement Fimm prósenta aukning í september Íslandsbanki og Skagi í formlegar samrunaviðræður Veitingastaðurinn opinn en lónið opnar síðar Omnom gjaldþrota og kröfuhafar uggandi Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Sjá meira