Messan: Jorginho væri frábær í Man. City

Chelsea bjargaði stigi gegn Úlfunum um helgina og strákarnir í Messunni renndu yfir leik liðsins í þætti gærkvöldsins.

Á meðal þess sem Messumenn gagnrýna er að Ngolo Kanté sé ekki að spila sína réttu stöðu hjá Chelsea.

„Mér finnst Jorginho frábær leikmaður og held að hann geti nýst liðinu betur ef Kante væri í meiri ruslahlutverki fyrir hann. Jorginho myndi henta stórkostlega fyrir Man. City sem jafnvægi með Fernandinho,“ segir Reynir Leósson.

„Hann fær gríðarlega gagnrýni og þetta er ekki auðvelt fyrir hann. Hann þarf að svara hvort hann fari heim með Sarri og í mat með honum. Það er byrjað að baula á hann af stuðningsmönnum Chelsea.“

Umræðuna um Jorginho og Chelsea má sjá hér að neðan.