Khloé Kardashian fór með ungum aðdáanda á lokaball

Raunveruleikastjarnan Khloé Kardashian gladdi ungan aðdáanda í gærkvöld þegar hún mætti með honum á lokaball. Aðdáandinn sem um ræðir heitir Narbeh og heldur hann úti Instagram-aðgangi sem er tileinkaður Kardashian fjölskyldunni.

Narbeh er líkt og áður sagði mikill aðdáandi fjölskyldunnar og er hann með hátt í 250 þúsund fylgjendur á aðgangi sínum. Þar deilir hann myndum af systrunum frægu, börnum þeirra og eiginmönnum.

Í dag birti hann svo myndir af sér og Khloé á lokaballinu en þar má sjá þau í faðmlögum og virðast þau skemmta sér konunglega.

 

 

 

View this post on Instagram

Took @khloekardashian as my date to prom... so many more photos to come. I’m feeling over the moon *the sign is a joke! It’s a high school prom there would never be an open bar *

A post shared by Narbeh (@narbehkardash) on May 31, 2019 at 9:42pm PDT

„Fór með @khloekardashian á lokaball.. fleiri myndir á leiðinni. Ég er himinlifandi,“ skrifaði Narbeh við færsluna.  

Þetta er ekki í fyrsta sinn sem Narbeh hittir Khloé en samkvæmt Instagram-aðgangi hans hitti hann stjörnuna og móður hennar í desember á síðasta ári. Þá hefur hún sent honum fjölmörg skilaboð á Instagram og óskaði hún honum meðal annars til hamingju með afmælisdaginn í skilaboðum þar nýlega.