Rooney búinn að semja við Derby

Wayne Rooney, markahæsti leikmaður í sögu Manchester United og enska landsliðsins, hefur skrifað undir eins og hálfs árs samning við enska B-deildarliðið Derby County samkvæmt heimildum talkSPORT.

BREAKING: Wayne Rooney has signed an 18-month contract with Derby County, with the deal starting in January 2020.

Rooney will take a player-coach role at Pride Park.

More details on talkSPORT now.

Listen → https://t.co/yVKGlJLkxrpic.twitter.com/e3nFdAuNa8

— talkSPORT (@talkSPORT) August 6, 2019

Samningurinn tekur gildi í janúar 2020. Þangað til leikur Rooney með DC United í MLS-deildinni í Bandaríkjunum.

Auk þess að spila með Derby verður Rooney þjálfari hjá liðinu og kemur til með að aðstoða knattspyrnustjórann Phillip Cocu.

Rooney, sem er 33 ára, hefur leikið með DC United í rúmt ár en hann kom til félagsins frá Everton. Hann hefur skorað 25 mörk í 45 leikjum fyrir DC United.

Derby vann 1-2 sigur á Huddersfield Town í 1. umferð B-deildarinnar í gær. Tom Lawrence skoraði bæði mörk Derby.

Uppfært klukkan 13:05



Derby hefur staðfest félagaskiptin.

Derby County x @WayneRooney.#WR32

— Derby County (@dcfcofficial) August 6, 2019