Jesse Lingard hafði ekki skorað né lagt upp í ensku úrvalsdeildinni á þessari leiktíð, þar til hann skoraði gegn Leicester í dag á 98. mínútu í lokaumferð deildarinnar.
Lingard hafði ekki skorað í ensku úrvalsdeildinni síðan hann skoraði tvívegis gegn Cardiff í desember 2018. Hann kom inn á sem varamaður í dag fyrir Manchester United þegar liðið mætti Leicester í úrslitaleik um Meistaradeildarsæti.
Jesse Lingard left it until the 98th minute of the final game to score his first league goal of the season 😅 pic.twitter.com/kxTSRXDXBo
— B/R Football (@brfootball) July 26, 2020
Þegar rúmar sjö mínútur voru komnar framyfir venjulegan leiktíma hirti Lingard boltann af Kasper Schmeichel markmanni Leicester og skoraði í autt markið. Langþráð mark hjá Jesse Lingard.