Ferran Torres er orðinn leikmaður enska úrvalsdeildarfélagsins Manchester City sem keypti hann frá spænska félaginu Valencia.
Ferran Torres hefur nú sagt frá ástæðum þess að hann vildi ekki spila lengur með Valencia heldur leita frekar á nýjar slóðir. Hann segist samt vera leiður yfir því að vera á förum.
Ferran Torres er bara tvítugur en var að klára sitt þriðja tímabil með Valencia liðinu. Torres var með 4 mörk og 5 stoðsendingar í 34 leikjum á þessari leiktíð. Manchester City keypti hann fyrir 21 milljón punda.
New Manchester City winger Ferran Torres says he left Valencia in part because they would not make him captain and one of their highest-paid players.
— BBC Sport (@BBCSport) August 5, 2020
Full story https://t.co/uUWA8S1FuO #mancity #bbcfootball #mcfc pic.twitter.com/uCFi7bri8P
„Ég vildi vera áfram en ég setti fram mínar kröfur. Þær voru greinilega stærri og meiri en félagið var tilbúið í,“ sagði Ferran Torres í samtali við Marca.
Ferran Torres setti fram þrjár kröfur og sagði spænska félagið yrði að lágmarki að standast tvær þeirra. Ferran Torres vildi fá fyrirliðbandið og launahækkun en hann vildi einnig að eigandinn Peter Lim tæki þátt í samningagerðinni.
„Ég vildi fá að lágmarki tvær af þessum þremur óskum mínum en þeir vildu ekki veita mér neina þeirra,“ sagði Ferran Torres sem átti ekki gott samband við fyrirliðann Dani Parejo.
„Ég geri mér grein fyrir því að þeir eru ekki í sömu stöðu og stóru evrópsku félögin en ég var klár í leiða þetta verkefni og vildi því fá meðferð við hæfi,“ sagði Torres.
Torres talaði líka um að hann hafi átti gott samtal við Pep Guardiola, knattspyrnustjóra Manchester City.
You arrived at our Academy at 7 years old. We have been by your side through all this time seeing you grow as a footballer and as a person. At this point you have decided to separate our paths. @FerranTorres20, we wish you the best with @ManCity
— Valencia CF (@valenciacf_en) August 4, 2020
https://t.co/zz0Tfg7Ol2 pic.twitter.com/rry5GXzGNb