Janus Daði Smárason átti frábæran leik og skoraði átta mörk þegar Ísland sigraði Portúgal, 25-28, í öðrum leik sínum í milliriðli II á EM 2020 í dag.
„Þetta voru frábær tvö stig. Afgerandi tvö stig fyrir okkur,“ sagði Janus í samtali við Vísi eftir leik.
Eftir tvö töp í röð varð Ísland að vinna leikinn í dag.
„Það var frábær orka og andi í liðinu og betri en í síðustu tveimur leikjum. Við stóðum saman, spýttum í lófana og unnum,“ sagði Janus glaður í bragði.
En var þetta besti landsleikur Janusar á ferlinum?
„Það getur vel verið, ég man það ekki. Við vorum klókir og skynsamir. Þessir peyjar í vörninni eiga líka hrós skilið. Þeir eiga endalausa orku,“ sagði Janus að lokum.
Janus Daði: Frábær orka og andi í liðinu
Tengdar fréttir
Leik lokið: Portúgal - Ísland 25-28 | Frábær sigur á Portúgölum
Eftir tvö töp í röð vann Ísland frábæran sigur á Portúgal, 25-28, í öðrum leik sínum í milliriðli á EM 2020.
Aron: Mitt hlutkverk er að taka af skarið
Aron Pálmarsson lét meiðsli snemma leiks ekki hafa áhrif á sig og kláraði leikinn með sóma.
Twitter eftir sigurinn: Þegar forsetinn er kominn hálfur úr að ofan þá veit maður að það er hiti
Twitter-verjar voru vel með á nótunum yfir sigri Íslands gegn Portúgal.
