Hristu af sér hræðsluna og kynntu nýjan Royal-búðing til leiks Stefán Ó. Jónsson skrifar 11. febrúar 2020 11:00 Nýjasti meðlimur Royal-búðingafjölskyldunnar er með saltkaramellubragði. Í fyrsta sinn síðan sítrónubúðingurinn kom á markað fyrir 55 árum hefur Royal kynnt nýja búðingabragðtegund til sögunnar. Um er að ræða saltkaramellubragð sem markaðsstjóri John Lindsay hf., móðurfélags Agnars Ludvigssonar sem framleiðir Royal-búðing, segir vera afsprengi vöruþróunartilrauna undanfarinna ára. Starfsmenn hafi smakkað margskonar bragð og að endingum hafi saltkaramellan borið sigurorð af mokkabragði. Hún segist vonast til að Royal geti boðið upp á enn fleiri nýja búðinga á næstu árum. „Bannað“ að breyta Royal-búðingarnir hafa verið framleiddir á Íslandi í 66 ár. Andrea Björnsdóttir, fyrrnefndur markaðsstjóri, útskýrir að þrátt fyrir að Agnar Ludvigsson leigi Royal vörumerkið að utan fari öll framleiðsla og vöruþróun fyrir búðingana fram á Íslandi. Sömu sögu sé að segja af umbúðunum, sem hafa ekki breyst í áratugi. Andrea Björnsdóttir, markaðsstjóri John Lindsay hf. „Umbúðirnar erlendis breyttust náttúrulega fyrir löngu en hérna á Íslandi höfum við haldið þeim eins. Það mætti þannig segja að við höfum myndað okkur eigin vörumerki út frá því,“ segir Andrea. „Við höfum oft fengið að heyra það að okkur sé bannað að breyta umbúðunum. Þær mynda svo mikla fortíðarþrá og fólk segist eiga svo góðar minningar af því að búa til Royal-búðing þegar það var lítið. Svo er þetta líka bara svo skemmtilegt, gamaldags útlit.“ Smeyk að stíga skrefið Það er þó ekki aðeins útlitið sem á sér langa sögu; búðingavörulínan sjálf hefur ekki breyst í áratugi - þangað til nú. Síðasta nýja bragðtegundin var kynnt til leiks árið 1965 og fagnar sítrónubúðingurinn því 55 ára afmæli í ár. Aðspurð hvers vegna Royalistar hafi ákveðið að kynna nýtt bragð til leiks segir Andrea að það eigi sér nokkurra ára aðdraganda. Þróunarvinna hafi staðið yfir innanhúss undanfarin misseri - „og við höfum verið að prófa ýmislegt,“ segir Andrea. „En við höfum kannski verið svolítið hrædd við að stíga skrefið.“ Nefnir hún í því samhengi að nýrri bragðtegund fylgi vitaskuld nýjar umbúðir, sem eins og fyrr segir er lítið hægt að breyta. Andrea segir sitt fólk þó ánægt með útkomuna enda séu saltkaramelluumbúðirnar nokkuð líkar öðrum í vörulínunni. Royal-fjölskyldan Hún segir sig og framleiðslustjóra hjá Agnari Ludvigssyni, Sigurð Finn Kristjánsson eða „Sigga Royal,“ hafa kannski hvað helst hafa átt frumkvæði að nýja bragðinu. „Okkur langaði að lyfta öllu vörumerkinu upp með því að koma með nýja tegund.“ Aðrir starfsmenn hafi þó vitaskuld komið að ferlinu, ekki síst þegar kom að því að skera úr um hvaða bragðtegund ætti að verða fyrir valinu. Saltkaramellan hafi verið klár sigurvegari. Nokkrar komu til greina að sögn Andreu en sú sem komst næst saltkaramellunni hafi verið mokkabragð. Hún útilokar ekki að það muni kannski einn daginn líta dagsins ljós. „Svo vonandi komum við með fleiri tegundir reglulega á næstu árum,“ segir Andrea sem gerir ráð fyrir að saltkaramellubragðið verið fáanlegt í byrjun næstu viku. Matur Neytendur Tímamót Mest lesið Löng röð myndaðist í Lágmúlanum á miðnætti Viðskipti innlent Gera fjölmargar breytingar á kílómetragjaldinu Neytendur Tveggja ára skjár fæst ekki bættur vegna „dauðs depils“ Neytendur Greiddu 865 milljónir fyrir Herkastalann Viðskipti innlent Segir mun á launum stjórnarmanna sláandi Atvinnulíf Fyrsta íslenska grænkera ostagerðin í hættu Viðskipti innlent Yfir 20.000 viðskiptavinir og tíföldun gengis á fimm árum Samstarf Topplúgan kom á óvart á annars praktískum ferðatrukk Samstarf Kjarasamningar Play og ÍFF í höfn Viðskipti innlent Hrefna stýrir Attentus Viðskipti innlent Fleiri fréttir Reon ræður inn hönnunarstjóra frá Spotify Kjarasamningar Play og ÍFF í höfn Greiddu 865 milljónir fyrir Herkastalann Löng röð myndaðist í Lágmúlanum á miðnætti Hrefna stýrir Attentus SFF hafna ásökunum bifreiðaeigenda „Klárlega“ breytingar í ytra umhverfi sem ÁTVR þurfi að laga sig að Vilborg Arna og Auðbjörg til liðs við FranklinCovey Þorgerður skipuð forstjóri ÁTVR „Ég veit ekki alveg hvað er að fara að gerast“ Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Nýr verslunarkjarni opnaður á Selfossi Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Heiður Björk tekur við eftir brotthvarf Gunnars Egils GeoSilica hefur framleiðslu á Þeistareykjum Sigurður Jökull stýrir Cruise Iceland Taka við nýjum forstöðumannastöðum hjá Krónunni Sjá meira
Í fyrsta sinn síðan sítrónubúðingurinn kom á markað fyrir 55 árum hefur Royal kynnt nýja búðingabragðtegund til sögunnar. Um er að ræða saltkaramellubragð sem markaðsstjóri John Lindsay hf., móðurfélags Agnars Ludvigssonar sem framleiðir Royal-búðing, segir vera afsprengi vöruþróunartilrauna undanfarinna ára. Starfsmenn hafi smakkað margskonar bragð og að endingum hafi saltkaramellan borið sigurorð af mokkabragði. Hún segist vonast til að Royal geti boðið upp á enn fleiri nýja búðinga á næstu árum. „Bannað“ að breyta Royal-búðingarnir hafa verið framleiddir á Íslandi í 66 ár. Andrea Björnsdóttir, fyrrnefndur markaðsstjóri, útskýrir að þrátt fyrir að Agnar Ludvigsson leigi Royal vörumerkið að utan fari öll framleiðsla og vöruþróun fyrir búðingana fram á Íslandi. Sömu sögu sé að segja af umbúðunum, sem hafa ekki breyst í áratugi. Andrea Björnsdóttir, markaðsstjóri John Lindsay hf. „Umbúðirnar erlendis breyttust náttúrulega fyrir löngu en hérna á Íslandi höfum við haldið þeim eins. Það mætti þannig segja að við höfum myndað okkur eigin vörumerki út frá því,“ segir Andrea. „Við höfum oft fengið að heyra það að okkur sé bannað að breyta umbúðunum. Þær mynda svo mikla fortíðarþrá og fólk segist eiga svo góðar minningar af því að búa til Royal-búðing þegar það var lítið. Svo er þetta líka bara svo skemmtilegt, gamaldags útlit.“ Smeyk að stíga skrefið Það er þó ekki aðeins útlitið sem á sér langa sögu; búðingavörulínan sjálf hefur ekki breyst í áratugi - þangað til nú. Síðasta nýja bragðtegundin var kynnt til leiks árið 1965 og fagnar sítrónubúðingurinn því 55 ára afmæli í ár. Aðspurð hvers vegna Royalistar hafi ákveðið að kynna nýtt bragð til leiks segir Andrea að það eigi sér nokkurra ára aðdraganda. Þróunarvinna hafi staðið yfir innanhúss undanfarin misseri - „og við höfum verið að prófa ýmislegt,“ segir Andrea. „En við höfum kannski verið svolítið hrædd við að stíga skrefið.“ Nefnir hún í því samhengi að nýrri bragðtegund fylgi vitaskuld nýjar umbúðir, sem eins og fyrr segir er lítið hægt að breyta. Andrea segir sitt fólk þó ánægt með útkomuna enda séu saltkaramelluumbúðirnar nokkuð líkar öðrum í vörulínunni. Royal-fjölskyldan Hún segir sig og framleiðslustjóra hjá Agnari Ludvigssyni, Sigurð Finn Kristjánsson eða „Sigga Royal,“ hafa kannski hvað helst hafa átt frumkvæði að nýja bragðinu. „Okkur langaði að lyfta öllu vörumerkinu upp með því að koma með nýja tegund.“ Aðrir starfsmenn hafi þó vitaskuld komið að ferlinu, ekki síst þegar kom að því að skera úr um hvaða bragðtegund ætti að verða fyrir valinu. Saltkaramellan hafi verið klár sigurvegari. Nokkrar komu til greina að sögn Andreu en sú sem komst næst saltkaramellunni hafi verið mokkabragð. Hún útilokar ekki að það muni kannski einn daginn líta dagsins ljós. „Svo vonandi komum við með fleiri tegundir reglulega á næstu árum,“ segir Andrea sem gerir ráð fyrir að saltkaramellubragðið verið fáanlegt í byrjun næstu viku.
Matur Neytendur Tímamót Mest lesið Löng röð myndaðist í Lágmúlanum á miðnætti Viðskipti innlent Gera fjölmargar breytingar á kílómetragjaldinu Neytendur Tveggja ára skjár fæst ekki bættur vegna „dauðs depils“ Neytendur Greiddu 865 milljónir fyrir Herkastalann Viðskipti innlent Segir mun á launum stjórnarmanna sláandi Atvinnulíf Fyrsta íslenska grænkera ostagerðin í hættu Viðskipti innlent Yfir 20.000 viðskiptavinir og tíföldun gengis á fimm árum Samstarf Topplúgan kom á óvart á annars praktískum ferðatrukk Samstarf Kjarasamningar Play og ÍFF í höfn Viðskipti innlent Hrefna stýrir Attentus Viðskipti innlent Fleiri fréttir Reon ræður inn hönnunarstjóra frá Spotify Kjarasamningar Play og ÍFF í höfn Greiddu 865 milljónir fyrir Herkastalann Löng röð myndaðist í Lágmúlanum á miðnætti Hrefna stýrir Attentus SFF hafna ásökunum bifreiðaeigenda „Klárlega“ breytingar í ytra umhverfi sem ÁTVR þurfi að laga sig að Vilborg Arna og Auðbjörg til liðs við FranklinCovey Þorgerður skipuð forstjóri ÁTVR „Ég veit ekki alveg hvað er að fara að gerast“ Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Nýr verslunarkjarni opnaður á Selfossi Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Heiður Björk tekur við eftir brotthvarf Gunnars Egils GeoSilica hefur framleiðslu á Þeistareykjum Sigurður Jökull stýrir Cruise Iceland Taka við nýjum forstöðumannastöðum hjá Krónunni Sjá meira