23. apríl 2017. Þetta er dagsetningin á því hvenær Liverpool tapaði síðast leik á heimavelli í ensku úrvalsdeildinni.
Liðið vann enn einn sigurinn í gær er liðið bar sigurorð af West Ham 2-1. West Ham komst yfir en mark frá Mo Salah úr vítaspyrnu og sigurmark Diogo Jota tryggði meisturunum sigurinn.
The longest unbeaten home runs in English top-flight history:
— William Hill (@WilliamHill) October 31, 2020
Chelsea 2004-08 (86 games)
Liverpool 1978-80 (63 games)
Liverpool 2017- (63 games)
Klopp s side will have to wait until next season to even think about breaking the record. pic.twitter.com/6Jb169THdt
Liðið hefur nú farið í gegnum 63 leiki á Anfield án þess að tapa í ensku úrvalsdeildinni. Liðið jafnaði þar af leiðandi met Liverpool-liðsins á árunum 1978 til 1980 sem fóru einnig í gegnum 63 leiki á heimavelli án þess að tapa.
Það er þó eitt lið sem hefur náð betri árangri. Það voru Eiður Smári Guðjohnsen og félagar í Chelsea en á árunum 2004 til 2008 fóru þeir bláklæddu í gegnum 86 heimaleiki án þess að tapa.
Síðasta tap Liverpool á heimavelli kom eins og áður segir þann 23. apríl 2017. Þá tapaði liðið fyrir lærisveinum Sam Allardyce í Crystal Palace.
A reminder that Sam Allardyce was the last opposition manager to win a Premier League match at Anfield... #LIVSHU pic.twitter.com/hSh8EPkwqZ
— The Sack Race (@thesackrace) October 24, 2020