Dagur: Þetta verður eitthvað ævintýralegt Óskar Ófeigur Jónsson skrifar 5. nóvember 2020 14:00 Dagur Arnarsson er spenntur fyrir tímabilinu. Skjámynd/S2 Sport Hinn skemmtilegi Dagur Arnarsson hefur þurft að taka meiri ábyrgð í liði ÍBV í Olís deild karla á þessu tímabili og Seinni bylgjan hitti á hann á dögunum í gamla salnum í Eyjum. Dagur Arnarsson byrjaði tímabilið vel og er sá leikmaður sem hefur gefið flestar stoðsendingar í fyrstu fjórum umferðum Olís deildar karla. Hann hefur einnig skorað 20 mörk í þessum fjórum leikjum og hefur þar með komið með beinum hætti að 10,3 mörkum í leik með marki (4,8) eða stoðsendingu (5,5). Henry Birgir Gunnarsson, umsjónarmaður Seinni bylgjunnar, var á ferðinni í Vestmannaeyjum á dögunum og hitti þá Dag Arnarsson á síðasta deginum sem Eyjaliðið mátti æfa saman. Misjafnir í heimaæfingunum „Tilfinningin er mjög skrítin. Við förum á síðustu æfinguna á eftir og fáum að hittast. Svo er bara ‚lockdown' í einhvern tíma og þetta verður eitthvað ævintýralegt,“ sagði Dagur Arnarsson í viðtali við Henry Birgir Gunnarsson. En hvernig er ÍBV mannskapurinn í heimæfingunum? „Við erum misjafnir eins og við erum flestir. Við fáum prógramm og vonandi fylgja menn því eftir,“ sagði Dagur. Dagur Arnarsson hefur farið á kostum með ÍBV á þessu tímabili.vísir/daníel þór ÍBV liðið hefur breyst talsvert á milli tímabili og liðið er búið að missa út reynslubolta. Dagur er einn af þeim sem þarf því að axla meiri ábyrgð. Er hann tilbúinn í það? „Já algjörlega. Þetta er bara flott tækifæri. Við missum góða leikmenn og þá fáum við hinir tíma til að sýna hvað í okkur býr. Það er frábært,“ sagði Dagur. „Maður hefur alltaf verið númer tvö eins og menn segja. Það hefur gengið þokkalega og verið bara flott,“ sagði Dagur. Ekki fengið mikinn tíma á vellinum „Það hefur gengið mjög vel að púsla þessu saman. Við höfum náttúrulega ekki fengið mikinn tíma á vellinum sjálfum en erum ánægðir með þá leiki sem verið erum búnir að spila fyrir utan kannski einn. Liðið sjálft er mjög flott finnst mér,“ sagði Dagur og markmiðin eru alltaf háleit í Vestmannaeyjum. „Auðvitað stefnir ÍBV alltaf hátt sama hvar það er. Við teljum okkur vera með gott lið og ætlum að berjast um eitthvað. Ég held að við höfum alla burði í það,“ sagði Dagur en hvar sér hann liðið vera miðað við önnur lið í Olís deild karla? „Eins og staðan var þegar við stoppuðum þá fannst okkur við vera á þeim stað sem við erum,“ sagði Dagur en ÍBV liðið er í öðru til fjórða sæti með sex stig úr fjórum leikjum eins og Valur og Haukar. Afturelding er síðan með einu stigi meira á toppnum. „Við mætum Haukum og eigum dapran leik en mætum svo Val og eigum mjög góðan leik. Þetta er svolítið upp og niður hjá okkur en á meðan við erum góðir þá erum við drullugóðir,“ sagði Dagur. Dagur Arnarsson skorar fyri ÍBV í Olís deildinni.vísir/daníel Henry Birgir spurði Dag út í heimavöllinn og áhorfendurna í Vestmannaeyjum. Hvernig verður ÍBV liðið á heimavelli án áhorfenda? Bæjarfélagið með þeim „Það verður skrítið og við verðum að vera alveg heiðarlegir þar. Við eigum, að mér finnst, bestu stuðningsmennina á landinu. Bæjarfélagið sem heild fylgist með þessu og þú ferð ekkert inn í Krónu ef þú tapar og færð ekki að heyra það. Við þurfum þá bara einhvern veginn að gíra okkur upp í það með samfélaginu þótt verði ekki inn í sal með okkur. Við vitum þá af þeim heima að horfa,“ sagði Dagur. Það er líklegt að leikið verði í kringum jól og áramót til að ná að klára eitthvað af þessum leikjum sem hafa safnaðist upp. „Það verður eitthvað skrítið að spila á milli jóla og nýárs. Það verður þá bara eins og þetta er í Þýskalandi og á öðrum stöðum. Þar er spilað og við þurfum bara að gíra okkur inn í það. Það verður ekkert mál fyrir mig, búandi í Vestmannaeyjum og þurfa að spila einhverja leiki. Kannski er það öðruvísi fyrir þá sem eru að koma hingað eða eru ekki með fjölskyldu sína hérna. Þá þurfa þeir kannski að vera einir á annan í jólum eða á jóladag,“ sagði Dagur en það má sjá allt viðtalið hér fyrir neðan. Klippa: Seinni bylgjan: Viðtal við Dag Arnarsson Olís-deild karla Seinni bylgjan ÍBV Mest lesið Leik lokið: Tindastóll - Stjarnan 77-82 | Stjarnan er Íslandsmeistari Körfubolti „Þakka Guði fyrir að leyfa mér að upplifa þetta“ Körfubolti „Körfuboltaguðirnir voru búnir að ákveða“ Körfubolti Þjálfari Íslendingaliðsins hné niður í úrslitaleiknum Handbolti Amorim vildi ekki ræða framtíðina Fótbolti Ægir valinn verðmætastur Körfubolti Valinn verðmætastur eftir besta tímabil í sögu félagsins Körfubolti Tottenham vann Evrópudeildina Fótbolti Sjáðu markið sem tryggði Tottenham titilinn Fótbolti „Okkur er alveg sama núna“ Fótbolti Fleiri fréttir Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði „Ég byrjaði bara að gráta, ég réði ekki við neitt“ Arnór stýrði sínum mönnum í undanúrslit „Orðið sem ég nota er forréttindapési“ Elvar í aðalhlutverki þegar Melsungen tók stórt skref í titilslagnum „Ég get ekki beðið“ Stærsti íþróttaviðburður sem fram hafi farið hér á landi Svona var blaðamannafundur Vals fyrir seinni úrslitaleikinn „Í lokin snýst þetta alltaf um okkur sjálfa“ Ótrúlegur Donni kom ekki í veg fyrir tap Aldís Ásta Svíþjóðarmeistari Íslendingar gerðu gæfumuninn í Íslendingaslögum Sjá meira
Hinn skemmtilegi Dagur Arnarsson hefur þurft að taka meiri ábyrgð í liði ÍBV í Olís deild karla á þessu tímabili og Seinni bylgjan hitti á hann á dögunum í gamla salnum í Eyjum. Dagur Arnarsson byrjaði tímabilið vel og er sá leikmaður sem hefur gefið flestar stoðsendingar í fyrstu fjórum umferðum Olís deildar karla. Hann hefur einnig skorað 20 mörk í þessum fjórum leikjum og hefur þar með komið með beinum hætti að 10,3 mörkum í leik með marki (4,8) eða stoðsendingu (5,5). Henry Birgir Gunnarsson, umsjónarmaður Seinni bylgjunnar, var á ferðinni í Vestmannaeyjum á dögunum og hitti þá Dag Arnarsson á síðasta deginum sem Eyjaliðið mátti æfa saman. Misjafnir í heimaæfingunum „Tilfinningin er mjög skrítin. Við förum á síðustu æfinguna á eftir og fáum að hittast. Svo er bara ‚lockdown' í einhvern tíma og þetta verður eitthvað ævintýralegt,“ sagði Dagur Arnarsson í viðtali við Henry Birgir Gunnarsson. En hvernig er ÍBV mannskapurinn í heimæfingunum? „Við erum misjafnir eins og við erum flestir. Við fáum prógramm og vonandi fylgja menn því eftir,“ sagði Dagur. Dagur Arnarsson hefur farið á kostum með ÍBV á þessu tímabili.vísir/daníel þór ÍBV liðið hefur breyst talsvert á milli tímabili og liðið er búið að missa út reynslubolta. Dagur er einn af þeim sem þarf því að axla meiri ábyrgð. Er hann tilbúinn í það? „Já algjörlega. Þetta er bara flott tækifæri. Við missum góða leikmenn og þá fáum við hinir tíma til að sýna hvað í okkur býr. Það er frábært,“ sagði Dagur. „Maður hefur alltaf verið númer tvö eins og menn segja. Það hefur gengið þokkalega og verið bara flott,“ sagði Dagur. Ekki fengið mikinn tíma á vellinum „Það hefur gengið mjög vel að púsla þessu saman. Við höfum náttúrulega ekki fengið mikinn tíma á vellinum sjálfum en erum ánægðir með þá leiki sem verið erum búnir að spila fyrir utan kannski einn. Liðið sjálft er mjög flott finnst mér,“ sagði Dagur og markmiðin eru alltaf háleit í Vestmannaeyjum. „Auðvitað stefnir ÍBV alltaf hátt sama hvar það er. Við teljum okkur vera með gott lið og ætlum að berjast um eitthvað. Ég held að við höfum alla burði í það,“ sagði Dagur en hvar sér hann liðið vera miðað við önnur lið í Olís deild karla? „Eins og staðan var þegar við stoppuðum þá fannst okkur við vera á þeim stað sem við erum,“ sagði Dagur en ÍBV liðið er í öðru til fjórða sæti með sex stig úr fjórum leikjum eins og Valur og Haukar. Afturelding er síðan með einu stigi meira á toppnum. „Við mætum Haukum og eigum dapran leik en mætum svo Val og eigum mjög góðan leik. Þetta er svolítið upp og niður hjá okkur en á meðan við erum góðir þá erum við drullugóðir,“ sagði Dagur. Dagur Arnarsson skorar fyri ÍBV í Olís deildinni.vísir/daníel Henry Birgir spurði Dag út í heimavöllinn og áhorfendurna í Vestmannaeyjum. Hvernig verður ÍBV liðið á heimavelli án áhorfenda? Bæjarfélagið með þeim „Það verður skrítið og við verðum að vera alveg heiðarlegir þar. Við eigum, að mér finnst, bestu stuðningsmennina á landinu. Bæjarfélagið sem heild fylgist með þessu og þú ferð ekkert inn í Krónu ef þú tapar og færð ekki að heyra það. Við þurfum þá bara einhvern veginn að gíra okkur upp í það með samfélaginu þótt verði ekki inn í sal með okkur. Við vitum þá af þeim heima að horfa,“ sagði Dagur. Það er líklegt að leikið verði í kringum jól og áramót til að ná að klára eitthvað af þessum leikjum sem hafa safnaðist upp. „Það verður eitthvað skrítið að spila á milli jóla og nýárs. Það verður þá bara eins og þetta er í Þýskalandi og á öðrum stöðum. Þar er spilað og við þurfum bara að gíra okkur inn í það. Það verður ekkert mál fyrir mig, búandi í Vestmannaeyjum og þurfa að spila einhverja leiki. Kannski er það öðruvísi fyrir þá sem eru að koma hingað eða eru ekki með fjölskyldu sína hérna. Þá þurfa þeir kannski að vera einir á annan í jólum eða á jóladag,“ sagði Dagur en það má sjá allt viðtalið hér fyrir neðan. Klippa: Seinni bylgjan: Viðtal við Dag Arnarsson
Olís-deild karla Seinni bylgjan ÍBV Mest lesið Leik lokið: Tindastóll - Stjarnan 77-82 | Stjarnan er Íslandsmeistari Körfubolti „Þakka Guði fyrir að leyfa mér að upplifa þetta“ Körfubolti „Körfuboltaguðirnir voru búnir að ákveða“ Körfubolti Þjálfari Íslendingaliðsins hné niður í úrslitaleiknum Handbolti Amorim vildi ekki ræða framtíðina Fótbolti Ægir valinn verðmætastur Körfubolti Valinn verðmætastur eftir besta tímabil í sögu félagsins Körfubolti Tottenham vann Evrópudeildina Fótbolti Sjáðu markið sem tryggði Tottenham titilinn Fótbolti „Okkur er alveg sama núna“ Fótbolti Fleiri fréttir Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði „Ég byrjaði bara að gráta, ég réði ekki við neitt“ Arnór stýrði sínum mönnum í undanúrslit „Orðið sem ég nota er forréttindapési“ Elvar í aðalhlutverki þegar Melsungen tók stórt skref í titilslagnum „Ég get ekki beðið“ Stærsti íþróttaviðburður sem fram hafi farið hér á landi Svona var blaðamannafundur Vals fyrir seinni úrslitaleikinn „Í lokin snýst þetta alltaf um okkur sjálfa“ Ótrúlegur Donni kom ekki í veg fyrir tap Aldís Ásta Svíþjóðarmeistari Íslendingar gerðu gæfumuninn í Íslendingaslögum Sjá meira