Manchester City átti ekki í teljandi erfiðleikum með nýliða Fulham í ensku úrvalsdeildinni í dag.
Leikurinn var ekki nema fjögurra mínútna gamall þegar Raheem Sterling slapp í gegn og skoraði framhjá Alphonse Areola.
Eftir tæplega hálftíma leik fiskaði Sterling svo vítaspyrnu sem Kevin De Bruyne tók og skoraði úr af öryggi.
Í stað þess að raða inn fleiri mörkum á nýliðana stigu heimamenn verulega af bensíngjöfinni það sem eftir lifði leiks en sigldu 2-0 sigri örugglega í höfn.
Man City record back-to-back #PL wins for the first time this season #MCIFUL pic.twitter.com/tc1StduUb1
— Premier League (@premierleague) December 5, 2020
