Einkunnir strákanna okkar á móti Marokkó: Viggó og Ólafur bestir Íþróttadeild skrifar 18. janúar 2021 22:05 Íslensku strákarnir fagna Viggó Kristjánssyni eftir að mótshaldarar höfðu valið hann besta mann leiksins í kvöld. EPA-EFE/Khaled Elfiqi Bestu menn íslenska liðsins í kvöld eiga það sameiginlegt að hafa unnið sér inn meiri spilatíma með flotti frammistöðu á HM í handbolta í leikjum íslenska liðsins í riðlakeppninni. Íslenska handboltalandsliðið vann átta marka sigur á Marokkó, 31-23, í þriðja og síðasta leik sínum í F-riðli á heimsmeistaramótinu í Egyptalandi Íslensku strákarnir gerðu það sem þurfti til að landa frekar þægilegum sigri í kvöld og tryggja sig endanlega með tvö stig inn í milliriðil. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Viggó Kristjánsson og Ólafur Guðmundsson hafa nýtt tækifærin sín vel í síðustu leikjum og þeir voru bestu leikmenn íslenska liðsins í kvöld að mati okkar. Saman voru þeir með tíu mörk í fyrri hálfleiknum og skoruðu sex mörk hvor. Björgvin Páll Gústavsson sýndi líka mjög góða frammistöðu í markinu annan leikinn í röð. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Marokkó: - Byrjunarlið Íslands í leiknum - Björgvin Páll Gústavsson, mark - 5 (13 varin skot- 52:58 mín.) Átti frábæran leik annan leikinn í röð. Margir hafa haft efasemdir um Björgvin Pál en hann hefur heldur betur þaggað niðri í mönnum. Okkar langbesti markvörður. Bjarki Már Elísson, vinstra horn - 4 (4/2 mörk - 55:44 mín.) Bjarki Már hefur verið á flugi í síðustu leikjum íslenska landsliðsins en hann lækkaði flugið í leiknum gegn Marokkó. Hann fann ekki alveg þann rytma og takt sem hann hefur verið í í síðustu leikjum. Elvar Örn Jónsson, vinstri skytta - 4 (2 mörk - 29:05 mín.) Skilaði frábæru verki í varnarleiknum og einn albesti varnarmaður íslenska liðsins. Fékk á lúðurinn eftir tíu mínútur. Það virtist slá hann út af laginu. Á mikið inni. Næstu leikur munu skera úr um hvert hann er kominn. Gísli Þorgeir Kristjánsson, leikstjórnandi - 4 (5 mörk - 22:42 mín.) Gísli spilaði af fítonskrafti gegn Alsír en það tók hann tíma að finna takt í leiknum gegn Marokkó í kvöld. Hann náði sér hins vegar vel á strik þegar líða fór á leikinn og er leikstjórnandi sem íslenska liðinu hefur sárlega vantað. Viggó Kristjánsson, hægri skytta - 5 (6 mörk - 39:00 mín.) Viggó var frábær í fyrri hálfleiknum og spilaði þá sinn besta leik. Gríðarlega kvikur og frábær gegnumbrotsmaður. Átti einnig góða kafla í varnarleiknum. Náði ekki alveg að fylgja góðum leik í fyrri hálfleiknum eftir í þeim síðari. Engu að síður frábær leikur. Arnór Þór Gunnarsson, hægra horn - 3 (1 mark - 30:00 mín.) Arnór spilaði fyrri hálfleikinn að vanda. Fékk úr litlu að moða og sóttist líka eftir litlu. Maður sem á mikið inni og kannski kemur hann sterkari inn í milliriðlinum þegar andstæðingarnir verða erfiðari. Arnar Freyr Arnarsson, lína - 4 (1 mark - 37:44 mín.) Hnökralaus leikur hjá Arnari Frey. Hefur fest sig í sessi sem þristur. Gríðarlega líkamlega sterkur og öflugur. Verður vonandi betri með árunum. Sannkallaður vinnuþjarkur. Ýmir Örn Gíslason, vörn - 5 (6 stopp - 38:16 mín.) Það er hrein unun að fylgjast með píparanum í hjarta íslensku varnarinnar. Hann stígur vart feilspor, leggur sig allan fram og smitar út frá sér með krafti sínum og dugnaði. - Menn sem komu inn af bekknum í leiknum - Ólafur Guðmundsson, vinstri skytta - 5 (6 mörk - 30:55 mín.) Ólafur átti frábæran leik frá upphafi til enda. Öflugur í sókninni og í vörninni er ekki hægt að kvarta yfir hans framlagi. Vonandi hefur hann fengið það sjálfstraust sem þarf til að fleyta liðinu yfir erfiðari hjalla en í síðustu leikjum. Frábært framlag. Ágúst Elí Björgvinsson, mark - 3 (3 varin skot- 6:03 mín.) Kom inn í markið undir lokin sem er ekki alltaf auðvelt. Náði að klukka nokkra bolta og virðist sterkari og betri eftir dvöl sína hjá Kolding í Danmörku. Sigvaldi Guðjónsson, hægra horn - 4 (2 mörk - 30:00 mín.) Sigvaldi spilaði síðari hálfleikinn sem fyrr. Skilaði sínu. Leikmaður sem þarf betri þjónustu. Við þurfum ekki að ræða hæfileikana. Bara spurning hvenær hann nær alvöru leik. Kristján Örn Kristjánsson, hægri skytta - 3 (2 mörk - 4:03 mín.) Frábær innkoma á sínu fyrsta stórmóti og tvær neglur í skeytin. Skytta af guðs náð. Þetta er maðurinn sem okkur hefur vantað hægra megin á vellinum. Vonandi fær hann tækifæri í milliriðlinum til að sýna hvað í honum býr. Alexander Petersson, hægri skytta - 4 (0 mörk - 17:34 mín.) Alexander gefur liðinu ótrúlega mikið. Nærvera hans hjálpar ungum leikmönnum Íslands. Maður sem leggur sig alltaf hundrað prósent fram sem er til eftirbreytni fyrir þá yngri sem eru að taka við keflinu. Elliði Snær Viðarsson, lína - 4 (1 mark - 20:16 mín.) Elliði verður sterkari með hverjum leiknum. Virkar oft klaufalegur í brotum sem verður að skrifast á reynsluleysi á stóra sviðinu. Er að festa sig í sessi sem einn af lykilvarnarmönnum íslenska liðsins. Oddur Grétarsson, vinstra horn - spilaði of lítið Magnús Óli Magnússon, leikstjórnandi - spilaði of lítið Guðmundur Guðmundsson, þjálfari - 5 Íslenska liðið náði takmarki sínu á þessu heimsmeistaramóti en Guðmundur ætlaði að koma liðinu í milliriðla. Nú vandast hins vegar verkið og áskorunin er sannarlega stór hvort íslenska liðið sé komið á þann stað að geta keppt við þá bestu. Næstkomandi sunnudag fáum við og Guðmundur svör við því. Útskýring á einkunnum: 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur HM 2021 í handbolta Tengdar fréttir Einkunnir strákanna okkar á móti Alsír: Gísli og Bjarki bestir af mörgum góðum Það voru margir að spila vel í íslenska landsliðinu í stórsigri á Alsírbúum og tveir leikmenn fengu fullt hús í einkunnagjöf okkar. 16. janúar 2021 22:05 Einkunnir strákanna okkar á móti Portúgal: Bjarki og Ýmir bestir í kvöld Vísir fór eins og vanalega yfir frammistöðu íslensku strákanna í leiknum í kvöld. 14. janúar 2021 22:11 Mest lesið Hafi rætt við Rúnar og Börk og allir jafn undrandi Íslenski boltinn Segja Frey hafa logið að leikmönnum Fótbolti Mörkin úr Bestu: Sjáðu perlur Gylfa og Ísaks Íslenski boltinn Ótrúleg bæting í Bakgarðshlaupinu: „Allt hægt ef viljinn er fyrir hendi“ Sport Eyddi Instagram eftir kynferðisleg skilaboð Fótbolti Fyrrum lögmaður Trump vill í enska boltann Enski boltinn Þarf ekkert að taka afa bak við hlöðu og skjóta hann Körfubolti Sólveig keppti ólétt og á leið í þungunarrof Sport Hafa ekki heyrt frá Hearts: „Kom mér jafn mikið á óvart og þér“ Íslenski boltinn Þarf vernd lögreglu vegna reiði Rómverja Fótbolti Fleiri fréttir Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Sjá meira
Íslenska handboltalandsliðið vann átta marka sigur á Marokkó, 31-23, í þriðja og síðasta leik sínum í F-riðli á heimsmeistaramótinu í Egyptalandi Íslensku strákarnir gerðu það sem þurfti til að landa frekar þægilegum sigri í kvöld og tryggja sig endanlega með tvö stig inn í milliriðil. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Viggó Kristjánsson og Ólafur Guðmundsson hafa nýtt tækifærin sín vel í síðustu leikjum og þeir voru bestu leikmenn íslenska liðsins í kvöld að mati okkar. Saman voru þeir með tíu mörk í fyrri hálfleiknum og skoruðu sex mörk hvor. Björgvin Páll Gústavsson sýndi líka mjög góða frammistöðu í markinu annan leikinn í röð. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Marokkó: - Byrjunarlið Íslands í leiknum - Björgvin Páll Gústavsson, mark - 5 (13 varin skot- 52:58 mín.) Átti frábæran leik annan leikinn í röð. Margir hafa haft efasemdir um Björgvin Pál en hann hefur heldur betur þaggað niðri í mönnum. Okkar langbesti markvörður. Bjarki Már Elísson, vinstra horn - 4 (4/2 mörk - 55:44 mín.) Bjarki Már hefur verið á flugi í síðustu leikjum íslenska landsliðsins en hann lækkaði flugið í leiknum gegn Marokkó. Hann fann ekki alveg þann rytma og takt sem hann hefur verið í í síðustu leikjum. Elvar Örn Jónsson, vinstri skytta - 4 (2 mörk - 29:05 mín.) Skilaði frábæru verki í varnarleiknum og einn albesti varnarmaður íslenska liðsins. Fékk á lúðurinn eftir tíu mínútur. Það virtist slá hann út af laginu. Á mikið inni. Næstu leikur munu skera úr um hvert hann er kominn. Gísli Þorgeir Kristjánsson, leikstjórnandi - 4 (5 mörk - 22:42 mín.) Gísli spilaði af fítonskrafti gegn Alsír en það tók hann tíma að finna takt í leiknum gegn Marokkó í kvöld. Hann náði sér hins vegar vel á strik þegar líða fór á leikinn og er leikstjórnandi sem íslenska liðinu hefur sárlega vantað. Viggó Kristjánsson, hægri skytta - 5 (6 mörk - 39:00 mín.) Viggó var frábær í fyrri hálfleiknum og spilaði þá sinn besta leik. Gríðarlega kvikur og frábær gegnumbrotsmaður. Átti einnig góða kafla í varnarleiknum. Náði ekki alveg að fylgja góðum leik í fyrri hálfleiknum eftir í þeim síðari. Engu að síður frábær leikur. Arnór Þór Gunnarsson, hægra horn - 3 (1 mark - 30:00 mín.) Arnór spilaði fyrri hálfleikinn að vanda. Fékk úr litlu að moða og sóttist líka eftir litlu. Maður sem á mikið inni og kannski kemur hann sterkari inn í milliriðlinum þegar andstæðingarnir verða erfiðari. Arnar Freyr Arnarsson, lína - 4 (1 mark - 37:44 mín.) Hnökralaus leikur hjá Arnari Frey. Hefur fest sig í sessi sem þristur. Gríðarlega líkamlega sterkur og öflugur. Verður vonandi betri með árunum. Sannkallaður vinnuþjarkur. Ýmir Örn Gíslason, vörn - 5 (6 stopp - 38:16 mín.) Það er hrein unun að fylgjast með píparanum í hjarta íslensku varnarinnar. Hann stígur vart feilspor, leggur sig allan fram og smitar út frá sér með krafti sínum og dugnaði. - Menn sem komu inn af bekknum í leiknum - Ólafur Guðmundsson, vinstri skytta - 5 (6 mörk - 30:55 mín.) Ólafur átti frábæran leik frá upphafi til enda. Öflugur í sókninni og í vörninni er ekki hægt að kvarta yfir hans framlagi. Vonandi hefur hann fengið það sjálfstraust sem þarf til að fleyta liðinu yfir erfiðari hjalla en í síðustu leikjum. Frábært framlag. Ágúst Elí Björgvinsson, mark - 3 (3 varin skot- 6:03 mín.) Kom inn í markið undir lokin sem er ekki alltaf auðvelt. Náði að klukka nokkra bolta og virðist sterkari og betri eftir dvöl sína hjá Kolding í Danmörku. Sigvaldi Guðjónsson, hægra horn - 4 (2 mörk - 30:00 mín.) Sigvaldi spilaði síðari hálfleikinn sem fyrr. Skilaði sínu. Leikmaður sem þarf betri þjónustu. Við þurfum ekki að ræða hæfileikana. Bara spurning hvenær hann nær alvöru leik. Kristján Örn Kristjánsson, hægri skytta - 3 (2 mörk - 4:03 mín.) Frábær innkoma á sínu fyrsta stórmóti og tvær neglur í skeytin. Skytta af guðs náð. Þetta er maðurinn sem okkur hefur vantað hægra megin á vellinum. Vonandi fær hann tækifæri í milliriðlinum til að sýna hvað í honum býr. Alexander Petersson, hægri skytta - 4 (0 mörk - 17:34 mín.) Alexander gefur liðinu ótrúlega mikið. Nærvera hans hjálpar ungum leikmönnum Íslands. Maður sem leggur sig alltaf hundrað prósent fram sem er til eftirbreytni fyrir þá yngri sem eru að taka við keflinu. Elliði Snær Viðarsson, lína - 4 (1 mark - 20:16 mín.) Elliði verður sterkari með hverjum leiknum. Virkar oft klaufalegur í brotum sem verður að skrifast á reynsluleysi á stóra sviðinu. Er að festa sig í sessi sem einn af lykilvarnarmönnum íslenska liðsins. Oddur Grétarsson, vinstra horn - spilaði of lítið Magnús Óli Magnússon, leikstjórnandi - spilaði of lítið Guðmundur Guðmundsson, þjálfari - 5 Íslenska liðið náði takmarki sínu á þessu heimsmeistaramóti en Guðmundur ætlaði að koma liðinu í milliriðla. Nú vandast hins vegar verkið og áskorunin er sannarlega stór hvort íslenska liðið sé komið á þann stað að geta keppt við þá bestu. Næstkomandi sunnudag fáum við og Guðmundur svör við því. Útskýring á einkunnum: 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur
Útskýring á einkunnum: 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur
HM 2021 í handbolta Tengdar fréttir Einkunnir strákanna okkar á móti Alsír: Gísli og Bjarki bestir af mörgum góðum Það voru margir að spila vel í íslenska landsliðinu í stórsigri á Alsírbúum og tveir leikmenn fengu fullt hús í einkunnagjöf okkar. 16. janúar 2021 22:05 Einkunnir strákanna okkar á móti Portúgal: Bjarki og Ýmir bestir í kvöld Vísir fór eins og vanalega yfir frammistöðu íslensku strákanna í leiknum í kvöld. 14. janúar 2021 22:11 Mest lesið Hafi rætt við Rúnar og Börk og allir jafn undrandi Íslenski boltinn Segja Frey hafa logið að leikmönnum Fótbolti Mörkin úr Bestu: Sjáðu perlur Gylfa og Ísaks Íslenski boltinn Ótrúleg bæting í Bakgarðshlaupinu: „Allt hægt ef viljinn er fyrir hendi“ Sport Eyddi Instagram eftir kynferðisleg skilaboð Fótbolti Fyrrum lögmaður Trump vill í enska boltann Enski boltinn Þarf ekkert að taka afa bak við hlöðu og skjóta hann Körfubolti Sólveig keppti ólétt og á leið í þungunarrof Sport Hafa ekki heyrt frá Hearts: „Kom mér jafn mikið á óvart og þér“ Íslenski boltinn Þarf vernd lögreglu vegna reiði Rómverja Fótbolti Fleiri fréttir Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Sjá meira
Einkunnir strákanna okkar á móti Alsír: Gísli og Bjarki bestir af mörgum góðum Það voru margir að spila vel í íslenska landsliðinu í stórsigri á Alsírbúum og tveir leikmenn fengu fullt hús í einkunnagjöf okkar. 16. janúar 2021 22:05
Einkunnir strákanna okkar á móti Portúgal: Bjarki og Ýmir bestir í kvöld Vísir fór eins og vanalega yfir frammistöðu íslensku strákanna í leiknum í kvöld. 14. janúar 2021 22:11