Sigldu í Strand í St. Gallen Ingvi Þór Sæmundsson skrifar 24. janúar 2021 10:32 Kjetil Strand reynir að stöðva Guðjón Val Sigurðsson í frægum leik Noregs og Íslands á EM 2006. epa/REGINA KUEHNE Ísland mætir Noregi í þriðja og síðasta leik sínum í milliriðli III á heimsmeistaramótinu í Egyptalandi í dag. Þetta er jafnframt lokaleikur Íslendinga á HM. Leikurinn hefst klukkan 17:00 og verður í beinni textalýsingu á Vísi. Ísland og Noregur hafa átta sinnum mæst á stórmótum og er tölfræðin Íslendingum í hag. Ísland hefur unnið sex leiki og Noregur tvo. Hér fyrir neðan má lesa um fjóra eftirminnilega leiki Íslands og Noregs á stórmótum. Ísland 32-28 Noregur, HM 1997 Ótrúlegt en satt mættust Ísland og Noregur ekki á stórmóti fyrr en 1997, í sextán liða úrslitum á HM í Kumamoto. Ísland var tveimur mörkum undir eftir fyrri hálfleikinn, 13-15, en náði undirtökunum um miðjan seinni hálfleik og landaði fjögurra marka sigri, 32-28. Róbert Julian Duranona, sem var á sínu fyrsta stórmóti, lék einn sinn besta landsleik og skoraði sex mörk. Eftir leikinn sagði norskur fréttamaður, sem lýsti leiknum á TV 2, að Norðmenn hefðu tapað fyrir Kúbumanni en ekki Íslendingum. Ísland endaði að lokum í 5. sæti á HM 1997 sem er enn besti árangur Íslands á heimsmeistaramóti. Mörk Íslands: Geir Sveinsson 7, Róbert Julian Duranona 7, Patrekur Jóhannesson 6, Valdimar Grímsson 5/1, Gústaf Bjarnason 4, Ólafur Stefánsson 3, Dagur Sigurðsson 1. Ísland 33-36 Noregur, EM 2006 Því miður er erfitt að gleyma frammistöðu Norðmannsins Kjetils Strand gegn Íslandi í milliriðli á EM 2006 í Sviss. Strand leit út eins og besti leikmaður heims í leiknum og skoraði hvorki fleiri né færri en nítján mörk. Aldrei hefur leikmaður norska landsliðsins skorað jafn mörg mörk í einum og sama leiknum. Strand skoraði meðal annars níu af fyrstu ellefu mörkum Noregs. Mörkin nítján skoraði Strand þrátt fyrir að vera rétthent skytta sem spilaði hægra megin fyrir utan. Það breytti engu og hann skoraði nánast úr hverju einasta skoti sem hann tók. Ísland var yfir í hálfleik, 16-14, en bensínið var búið undir lokin enda hafði íslenska liðið orðið fyrir miklum skakkaföllum á EM. Noregur vann að lokum með þriggja marka mun, 33-36. Mörk Íslands: Ólafur Stefánsson 9/4, Guðjón Valur Sigurðsson 6, Róbert Gunnarsson 5, Snorri Steinn Guðjónsson 5, Ásgeir Örn Hallgrímsson 4, Sigfús Sigurðsson 2, Heimir Örn Árnason 1, Arnór Atlason 1. Ísland 29-22 Noregur, HM 2011 Ísland kláraði fullkomna riðlakeppni á HM 2011 í Svíþjóð með því að vinna Noreg með sjö marka mun, 29-22. Mikil harka var í leiknum og jafnræði með liðunum í fyrri hálfleik. Staðan að honum loknum var jöfn, 12-12. Í seinni hálfleiknum skelltu Íslendingar í lás í vörninni og héldu Norðmönnum í aðeins tíu mörkum. Björgvin Páll Gústavsson átti einn sinn besta landsleik og varði helming þeirra skot sem hann fékk á sig. Snorri Steinn Guðjónsson skoraði sjö mörk og Alexander Petersson fimm en sá síðarnefndi var valinn í úrvalslið mótsins. Því miður reyndist þetta síðasti sigur Íslands á HM 2011 og niðurstaðan varð 6. sæti sem er samt næstbesti árangur íslenska liðsins á heimsmeistaramóti. Mörk Íslands: Snorri Steinn Guðjónsson 7/3, Alexander Petersson 5, Aron Pálmarsson 4, Þórir Ólafsson 3/1, Guðjón Valur Sigurðsson 3, Ólafur Stefánsson 3, Róbert Gunnarsson 2, Ingimundur Ingimundarson 1, Arnór Atlason 1. Ísland 31-26 Noregur, EM 2014 Á síðasta virkilega góða stórmóti Íslendinga, EM 2014, unnu þeir Norðmenn með fimm marka mun í fyrsta leik sínum í A-riðli, 31-26. Þetta var fjórði sigur Íslands á Noregi á stórmóti í röð. Guðjón Valur Sigurðsson fór mikinn í leiknum og skoraði níu mörk. Hann var næstmarkahæsti leikmaður EM 2014 og valinn í úrvalslið mótsins. Ásgeir Örn Hallgrímsson skoraði sex mörk eftir erfiða byrjun en EM var hans besta stórmót á ferlinum. Íslendingar lögðu grunninn að sigrinum með frábærum fyrri hálfleik þar sem þeir skoruðu sextán mörk gegn tíu þrátt fyrir að Aron Pálmarsson hafi meiðst snemma leiks. Norðmenn náðu aldrei að minnka muninn í minna en þrjú mörk í seinni hálfleik og sigur Íslendinga var aldrei í hættu. Ísland endaði að lokum í 5. sæti á EM 2014 eftir sigur á Póllandi, 28-27, í lokaleik sínum á mótinu. Mörk Íslands: Guðjón Valur Sigurðsson 9/2, Ásgeir Örn Hallgrímsson 6, Rúnar Kárason 4, Arnór Atlason 3, Þórir Ólafsson 3, Snorri Steinn Guðjónsson 3/2, Aron Pálmarsson 2, Vignir Svavarsson 1. HM 2021 í handbolta Mest lesið Reiddist Guðjóni og hætti í landsliðinu: „Þér er ekki fyrirgefið fyrir svona“ Fótbolti Undrabarnið í aðalhlutverki í sýningu Spánverja Fótbolti Földu sig inn á klósetti í 27 klukkutíma og sáu úrslitaleikinn fritt Fótbolti Elín Klara og Reynir Þór valin best Handbolti „Spenntur að spila á móti svona stórum gæjum“ Fótbolti Kerkez spilar ekki með Ungverjum: Sagður á leið til Liverpool að skrifa undir Enski boltinn Til í að taka af sér tána til að komast fyrr inn á völlinn Sport Dagskráin: Íslenska karlalandsliðið í fótbolta mætir Skotum Sport Dómari í enska boltanum segist hata VAR Enski boltinn Undrabarnið nú verðmætasti knattspyrnumaður heims Fótbolti Fleiri fréttir Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ Sjá meira
Ísland og Noregur hafa átta sinnum mæst á stórmótum og er tölfræðin Íslendingum í hag. Ísland hefur unnið sex leiki og Noregur tvo. Hér fyrir neðan má lesa um fjóra eftirminnilega leiki Íslands og Noregs á stórmótum. Ísland 32-28 Noregur, HM 1997 Ótrúlegt en satt mættust Ísland og Noregur ekki á stórmóti fyrr en 1997, í sextán liða úrslitum á HM í Kumamoto. Ísland var tveimur mörkum undir eftir fyrri hálfleikinn, 13-15, en náði undirtökunum um miðjan seinni hálfleik og landaði fjögurra marka sigri, 32-28. Róbert Julian Duranona, sem var á sínu fyrsta stórmóti, lék einn sinn besta landsleik og skoraði sex mörk. Eftir leikinn sagði norskur fréttamaður, sem lýsti leiknum á TV 2, að Norðmenn hefðu tapað fyrir Kúbumanni en ekki Íslendingum. Ísland endaði að lokum í 5. sæti á HM 1997 sem er enn besti árangur Íslands á heimsmeistaramóti. Mörk Íslands: Geir Sveinsson 7, Róbert Julian Duranona 7, Patrekur Jóhannesson 6, Valdimar Grímsson 5/1, Gústaf Bjarnason 4, Ólafur Stefánsson 3, Dagur Sigurðsson 1. Ísland 33-36 Noregur, EM 2006 Því miður er erfitt að gleyma frammistöðu Norðmannsins Kjetils Strand gegn Íslandi í milliriðli á EM 2006 í Sviss. Strand leit út eins og besti leikmaður heims í leiknum og skoraði hvorki fleiri né færri en nítján mörk. Aldrei hefur leikmaður norska landsliðsins skorað jafn mörg mörk í einum og sama leiknum. Strand skoraði meðal annars níu af fyrstu ellefu mörkum Noregs. Mörkin nítján skoraði Strand þrátt fyrir að vera rétthent skytta sem spilaði hægra megin fyrir utan. Það breytti engu og hann skoraði nánast úr hverju einasta skoti sem hann tók. Ísland var yfir í hálfleik, 16-14, en bensínið var búið undir lokin enda hafði íslenska liðið orðið fyrir miklum skakkaföllum á EM. Noregur vann að lokum með þriggja marka mun, 33-36. Mörk Íslands: Ólafur Stefánsson 9/4, Guðjón Valur Sigurðsson 6, Róbert Gunnarsson 5, Snorri Steinn Guðjónsson 5, Ásgeir Örn Hallgrímsson 4, Sigfús Sigurðsson 2, Heimir Örn Árnason 1, Arnór Atlason 1. Ísland 29-22 Noregur, HM 2011 Ísland kláraði fullkomna riðlakeppni á HM 2011 í Svíþjóð með því að vinna Noreg með sjö marka mun, 29-22. Mikil harka var í leiknum og jafnræði með liðunum í fyrri hálfleik. Staðan að honum loknum var jöfn, 12-12. Í seinni hálfleiknum skelltu Íslendingar í lás í vörninni og héldu Norðmönnum í aðeins tíu mörkum. Björgvin Páll Gústavsson átti einn sinn besta landsleik og varði helming þeirra skot sem hann fékk á sig. Snorri Steinn Guðjónsson skoraði sjö mörk og Alexander Petersson fimm en sá síðarnefndi var valinn í úrvalslið mótsins. Því miður reyndist þetta síðasti sigur Íslands á HM 2011 og niðurstaðan varð 6. sæti sem er samt næstbesti árangur íslenska liðsins á heimsmeistaramóti. Mörk Íslands: Snorri Steinn Guðjónsson 7/3, Alexander Petersson 5, Aron Pálmarsson 4, Þórir Ólafsson 3/1, Guðjón Valur Sigurðsson 3, Ólafur Stefánsson 3, Róbert Gunnarsson 2, Ingimundur Ingimundarson 1, Arnór Atlason 1. Ísland 31-26 Noregur, EM 2014 Á síðasta virkilega góða stórmóti Íslendinga, EM 2014, unnu þeir Norðmenn með fimm marka mun í fyrsta leik sínum í A-riðli, 31-26. Þetta var fjórði sigur Íslands á Noregi á stórmóti í röð. Guðjón Valur Sigurðsson fór mikinn í leiknum og skoraði níu mörk. Hann var næstmarkahæsti leikmaður EM 2014 og valinn í úrvalslið mótsins. Ásgeir Örn Hallgrímsson skoraði sex mörk eftir erfiða byrjun en EM var hans besta stórmót á ferlinum. Íslendingar lögðu grunninn að sigrinum með frábærum fyrri hálfleik þar sem þeir skoruðu sextán mörk gegn tíu þrátt fyrir að Aron Pálmarsson hafi meiðst snemma leiks. Norðmenn náðu aldrei að minnka muninn í minna en þrjú mörk í seinni hálfleik og sigur Íslendinga var aldrei í hættu. Ísland endaði að lokum í 5. sæti á EM 2014 eftir sigur á Póllandi, 28-27, í lokaleik sínum á mótinu. Mörk Íslands: Guðjón Valur Sigurðsson 9/2, Ásgeir Örn Hallgrímsson 6, Rúnar Kárason 4, Arnór Atlason 3, Þórir Ólafsson 3, Snorri Steinn Guðjónsson 3/2, Aron Pálmarsson 2, Vignir Svavarsson 1.
HM 2021 í handbolta Mest lesið Reiddist Guðjóni og hætti í landsliðinu: „Þér er ekki fyrirgefið fyrir svona“ Fótbolti Undrabarnið í aðalhlutverki í sýningu Spánverja Fótbolti Földu sig inn á klósetti í 27 klukkutíma og sáu úrslitaleikinn fritt Fótbolti Elín Klara og Reynir Þór valin best Handbolti „Spenntur að spila á móti svona stórum gæjum“ Fótbolti Kerkez spilar ekki með Ungverjum: Sagður á leið til Liverpool að skrifa undir Enski boltinn Til í að taka af sér tána til að komast fyrr inn á völlinn Sport Dagskráin: Íslenska karlalandsliðið í fótbolta mætir Skotum Sport Dómari í enska boltanum segist hata VAR Enski boltinn Undrabarnið nú verðmætasti knattspyrnumaður heims Fótbolti Fleiri fréttir Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ Sjá meira