Leggja allt sitt traust á gamla gengið gegn óttalausu Atalanta-liði Ingvi Þór Sæmundsson skrifar 16. mars 2021 14:11 Toni Kroos á ferðinni í fyrri leik Real Madrid og Atalanta sem spænska liðið vann, 0-1. getty/Antonio Villalba Sigursælasta lið í sögu Meistaradeildar Evrópu, Real Madrid, er með eins marks forskot fyrir seinni leikinn gegn Atalanta í sextán liða úrslitum keppninnar og treystir á reynsluna til að komast yfir þann hjalla. Real Madrid vann fyrri leik liðanna í Bergamo með einu marki gegn engu. Sá leikur breyttist strax á 17. mínútu þegar svissneski miðjumaðurinn Remo Freuler var rekinn af velli fyrir brot á Ferland Mendy. Eftir það þurfti hið sóknarglaða lið Atalanta að gera sér að góðu að verjast af öllum mætti og það tókst næstum því. En Mendy gerði Atalanta aftur grikk þegar hann skoraði með góðu hægri fótar skoti fyrir utan vítateig fjórum mínútum fyrir leikslok. Real Madrid vann því 0-1 sigur og fór með dýrmætt útivallarmark í farteskinu frá Ítalíu. Atalanta hefur unnið þrjá af fjórum leikjum sínum í ítölsku úrvalsdeildinni frá fyrri leiknum gegn Real Madrid. Eina tapið var fyrir toppliði Inter. Á meðan hefur Real Madrid leikið þrjá leiki í spænsku úrvalsdeildinni. Madrídingar gerðu jafntefli við Real Sociedad og Atlético Madrid en unnu Elche um helgina, 2-1, þar sem Karim Benzema skoraði bæði mörkin. Ómetanlegur Benzema Það er engum ofsögum sagt að Benzema sé mikilvægasti sóknarmaður Real Madrid. Raunar virðist hann vera sá eini sem getur skorað í liðinu. Frakkinn hefur skorað tuttugu mörk í öllum keppnum í vetur. Næstmarkahæsti leikmaður Real Madrid á tímabilinu, Casemiro, er með sex mörk. Á meðan er Atalanta með nóg af mönnum sem geta skorað. Kólumbísku framherjarnir Luis Muriel og Duván Zapata fara þar fremstir í flokki en þeir hafa samtals skorað 32 mörk í öllum keppnum í vetur. Ramos snýr aftur Muriel, Zapata og félagar í framlínu Atalanta þurfa þó að komast framhjá Sergio Ramos í leiknum í kvöld en hann er klár í slaginn á ný eftir meiðsli. Real Madrid hefur ekki dottið úr leik í útsláttarkeppni Meistaradeildarinnar með Ramos í liðinu síðan 2015. Hann var fjarri góðu gamni þegar Real Madrid féll úr leik fyrir Ajax 2019 og Manchester City í fyrra. Það vantar ekki þekkinguna og sigurhefðina í lið Real Madrid með þá Ramos, Benzema, Luka Modric og Toni Kroos í broddi fylkingar. Þeir voru allir í liði Real Madrid sem vann Meistaradeildina 2014 og svo þrjú ár í röð (2016-18). Gamla gengið hjá Real Madrid sem ætlar að koma liðinu í átta liða úrslit Meistaradeildarinnar.as Á forsíðu AS í dag var mynd af fjórmenningunum undir yfirskriftinni að Real Madrid þyrfti að treysta á þessa þrautreyndu kappa í leiknum í kvöld. Hársbreidd frá undanúrslitunum Öfugt við Real Madrid er ekki mikil Meistaradeildarreynsla í liði Atalanta sem er aðeins á öðru tímabili sínu í keppninni. Atalanta var hársbreidd frá því að komast í undanúrslit Meistaradeildarinnar í fyrra, sínu fyrsta tímabili í keppninni, en tapaði á grátlegan hátt fyrir Paris Saint-Germain, 2-1, í átta liða úrslitunum. Þrátt fyrir að staðan sé erfið og andstæðingurinn sterkur eru strákarnir hans Gians Piero Gasperini hvergi bangnir og munu væntanlega spila af sama óttaleysinu í kvöld og í flestum öðrum leikjum sínum. Leikur Real Madrid og Atalanta hefst klukkan 20:00 og verður sýndur beint á Stöð 2 Sport 2. Á sama tíma hefst leikur Manchester City og Borussia Mönchengladbach á Stöð 2 Sport 3. Upphitun fyrir leikina hefst klukkan 19:15 á Stöð 2 Sport og þeir verða svo gerðir upp í Meistaradeildarmessunni á sömu stöð klukkan 22:00. Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur. Meistaradeild Evrópu Mest lesið „Horft illum augum á þannig taktík í hlaupaheiminum“ Sport Töpuðu 15-0 í síðasta leik og mættu ekki til leiks í gær Íslenski boltinn Tilfinningaþrungin stund þegar Magnús Máni kom í mark Sport Sextán ára strákur tryggði Liverpool öll stigin Enski boltinn Yfirgaf æfingaferð Marseille í áfalli Fótbolti Eins og kleina þegar hún upplifði martröð spyrilsins Fótbolti Vann hálft maraþon, fæddi barn og varð svo meistari í heilu maraþoni Sport Fernandes ósáttur: „Dómarinn baðst ekki afsökunar“ Enski boltinn Elísa langfyrst fyrir Magnús Mána: „Þessi dagur er fyrir hann“ Sport Uppgjör: KR-Stjarnan 1-2 | Örvar kom Stjörnunni inn í titilbaráttuna Íslenski boltinn Fleiri fréttir Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Óskar Hrafn: Stundum hata ég fótbolta Jökull: Förum ekki hærra með svona frammistöðu Inter byrjar tímabilið á stórsigri Örvar: Tökum þessa þrjá punkta og förum brosandi heim Sextán ára strákur tryggði Liverpool öll stigin Uppgjör: KR-Stjarnan 1-2 | Örvar kom Stjörnunni inn í titilbaráttuna Ísak Andri lagði upp mark í langþráðum sigri Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks Markvörður ÍBV kominn með fimm gul spjöld í sumar Heljarmennið sem fagnaði eins og Schwarzenegger Sjáðu dramatíkina í Krikanum og mörkin fyrir norðan „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Fer í aðgerð á föstudag og frá í sex til átta mánuði Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Töpuðu 15-0 í síðasta leik og mættu ekki til leiks í gær Fernandes ósáttur: „Dómarinn baðst ekki afsökunar“ Sjáðu Grealish fara á kostum og öll mörkin í gær Fáni stuðningsmanna Palace til rannsóknar Mbappé afgreiddi Real Oviedo Albert lagði upp mark Fiorentina Sjá meira
Real Madrid vann fyrri leik liðanna í Bergamo með einu marki gegn engu. Sá leikur breyttist strax á 17. mínútu þegar svissneski miðjumaðurinn Remo Freuler var rekinn af velli fyrir brot á Ferland Mendy. Eftir það þurfti hið sóknarglaða lið Atalanta að gera sér að góðu að verjast af öllum mætti og það tókst næstum því. En Mendy gerði Atalanta aftur grikk þegar hann skoraði með góðu hægri fótar skoti fyrir utan vítateig fjórum mínútum fyrir leikslok. Real Madrid vann því 0-1 sigur og fór með dýrmætt útivallarmark í farteskinu frá Ítalíu. Atalanta hefur unnið þrjá af fjórum leikjum sínum í ítölsku úrvalsdeildinni frá fyrri leiknum gegn Real Madrid. Eina tapið var fyrir toppliði Inter. Á meðan hefur Real Madrid leikið þrjá leiki í spænsku úrvalsdeildinni. Madrídingar gerðu jafntefli við Real Sociedad og Atlético Madrid en unnu Elche um helgina, 2-1, þar sem Karim Benzema skoraði bæði mörkin. Ómetanlegur Benzema Það er engum ofsögum sagt að Benzema sé mikilvægasti sóknarmaður Real Madrid. Raunar virðist hann vera sá eini sem getur skorað í liðinu. Frakkinn hefur skorað tuttugu mörk í öllum keppnum í vetur. Næstmarkahæsti leikmaður Real Madrid á tímabilinu, Casemiro, er með sex mörk. Á meðan er Atalanta með nóg af mönnum sem geta skorað. Kólumbísku framherjarnir Luis Muriel og Duván Zapata fara þar fremstir í flokki en þeir hafa samtals skorað 32 mörk í öllum keppnum í vetur. Ramos snýr aftur Muriel, Zapata og félagar í framlínu Atalanta þurfa þó að komast framhjá Sergio Ramos í leiknum í kvöld en hann er klár í slaginn á ný eftir meiðsli. Real Madrid hefur ekki dottið úr leik í útsláttarkeppni Meistaradeildarinnar með Ramos í liðinu síðan 2015. Hann var fjarri góðu gamni þegar Real Madrid féll úr leik fyrir Ajax 2019 og Manchester City í fyrra. Það vantar ekki þekkinguna og sigurhefðina í lið Real Madrid með þá Ramos, Benzema, Luka Modric og Toni Kroos í broddi fylkingar. Þeir voru allir í liði Real Madrid sem vann Meistaradeildina 2014 og svo þrjú ár í röð (2016-18). Gamla gengið hjá Real Madrid sem ætlar að koma liðinu í átta liða úrslit Meistaradeildarinnar.as Á forsíðu AS í dag var mynd af fjórmenningunum undir yfirskriftinni að Real Madrid þyrfti að treysta á þessa þrautreyndu kappa í leiknum í kvöld. Hársbreidd frá undanúrslitunum Öfugt við Real Madrid er ekki mikil Meistaradeildarreynsla í liði Atalanta sem er aðeins á öðru tímabili sínu í keppninni. Atalanta var hársbreidd frá því að komast í undanúrslit Meistaradeildarinnar í fyrra, sínu fyrsta tímabili í keppninni, en tapaði á grátlegan hátt fyrir Paris Saint-Germain, 2-1, í átta liða úrslitunum. Þrátt fyrir að staðan sé erfið og andstæðingurinn sterkur eru strákarnir hans Gians Piero Gasperini hvergi bangnir og munu væntanlega spila af sama óttaleysinu í kvöld og í flestum öðrum leikjum sínum. Leikur Real Madrid og Atalanta hefst klukkan 20:00 og verður sýndur beint á Stöð 2 Sport 2. Á sama tíma hefst leikur Manchester City og Borussia Mönchengladbach á Stöð 2 Sport 3. Upphitun fyrir leikina hefst klukkan 19:15 á Stöð 2 Sport og þeir verða svo gerðir upp í Meistaradeildarmessunni á sömu stöð klukkan 22:00. Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
Meistaradeild Evrópu Mest lesið „Horft illum augum á þannig taktík í hlaupaheiminum“ Sport Töpuðu 15-0 í síðasta leik og mættu ekki til leiks í gær Íslenski boltinn Tilfinningaþrungin stund þegar Magnús Máni kom í mark Sport Sextán ára strákur tryggði Liverpool öll stigin Enski boltinn Yfirgaf æfingaferð Marseille í áfalli Fótbolti Eins og kleina þegar hún upplifði martröð spyrilsins Fótbolti Vann hálft maraþon, fæddi barn og varð svo meistari í heilu maraþoni Sport Fernandes ósáttur: „Dómarinn baðst ekki afsökunar“ Enski boltinn Elísa langfyrst fyrir Magnús Mána: „Þessi dagur er fyrir hann“ Sport Uppgjör: KR-Stjarnan 1-2 | Örvar kom Stjörnunni inn í titilbaráttuna Íslenski boltinn Fleiri fréttir Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Óskar Hrafn: Stundum hata ég fótbolta Jökull: Förum ekki hærra með svona frammistöðu Inter byrjar tímabilið á stórsigri Örvar: Tökum þessa þrjá punkta og förum brosandi heim Sextán ára strákur tryggði Liverpool öll stigin Uppgjör: KR-Stjarnan 1-2 | Örvar kom Stjörnunni inn í titilbaráttuna Ísak Andri lagði upp mark í langþráðum sigri Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks Markvörður ÍBV kominn með fimm gul spjöld í sumar Heljarmennið sem fagnaði eins og Schwarzenegger Sjáðu dramatíkina í Krikanum og mörkin fyrir norðan „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Fer í aðgerð á föstudag og frá í sex til átta mánuði Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Töpuðu 15-0 í síðasta leik og mættu ekki til leiks í gær Fernandes ósáttur: „Dómarinn baðst ekki afsökunar“ Sjáðu Grealish fara á kostum og öll mörkin í gær Fáni stuðningsmanna Palace til rannsóknar Mbappé afgreiddi Real Oviedo Albert lagði upp mark Fiorentina Sjá meira