„Hefði viljað standa þetta af mér“ Sindri Sverrisson skrifar 29. nóvember 2021 11:31 Patrik Sigurður Gunnarsson bendir á að hann hafi engan veginn búist við því að samherji hans myndi ráðast á hann. Skjáskot/Discovery+ „Eftir á að hyggja hefði maður viljað standa þetta af sér, en ég er með áverka á hálsinum sem segja svolítið til um hversu fast höggið var,“ segir landsliðsmarkvörðurinn Patrik Sigurður Gunnarsson um það þegar liðsfélagi hans fékk rautt spjald eftir að hafa hrint Patrik. Patrik segir að í raun hafi mjög lítill aðdragandi verið að því þegar liðsfélagi hans hjá norska liðinu Viking, David Brekalo, missti stjórn á skapi sínu í gær. Viking hafði þá skorað tvö mörk seint í leiknum sem á endanum dugðu til 3-2 útisigurs gegn Kristiansund, í norsku úrvalsdeildinni í fótbolta. Brekalo fékk að líta rauða spjaldið á fimmtu mínútu uppbótartíma, fyrir að hrinda Patriki eins og sjá má hér að neðan. Hva er det som skjer med Viking?! Brekalo angriper egen keeper og blir utvist på overtid. Utrolige scener på tampen! pic.twitter.com/MdyvGQIHfv— Eurosport Norge (@EurosportNorge) November 28, 2021 Patrik tekur undir það að sér sárni að á samfélagsmiðlum og í fjölmiðlum sé fjallað um atvikið með þeim hætti að hann hafi „fiskað“ liðsfélaga sinn af velli með leikaraskap. „Ég slæ ekki frá mér, og hvort sem maður slær frá sér og leikmaðurinn dettur eða ekki þá er það rautt spjald. Mér sárnar smá að maður sé gerður að sökudólgi þó að ég hafi ekki slegið frá mér. En við gerðum báðir mistök, lærum af þessu og þetta er bara búið,“ segir Patrik. Have you ever seen anything like this before? — Eurosport UK (@Eurosport_UK) November 29, 2021 „Þetta gerðist eftir fyrirgjöf að okkar marki. Hann lét boltann fara og bjóst við því að ég myndi taka hann. Ég kallaði aldrei neitt og lét boltann vera, sem rúllaði svo aftur fyrir endalínu. Síðan sneri ég mér við og lét hann vita að ég hefði ekki sagt neitt, og að þá taki ég ekki boltann. Í hita leiksins koma fram tilfinningar og hann ýtti nokkrum sinnum frá sér. Rak hendurnar frá viðbeini og upp í háls,“ segir Patrik. Held að það þurfi talsvert högg til að fá áverka á hálsi Hann viðurkennir að í hægri endursýningu í sjónvarpi sé ef til vill skiljanlegt að atvikið líti þannig út að hann geri meira úr því en efni standi til. „Þetta „slow motion view“ lítur ekkert æðislega út fyrir mig sjálfan, þrátt fyrir að ég sé með áverka á hálsinum eftir hann og að þeir leikmenn sem sáu þetta á vellinum hafi séð að þetta var meira högg. Ég er nú ekki þekktur fyrir að leika og ég held það þurfi talsvert högg til þess að maður sé með áverka á hálsinum. Ef manni er ýtt í háls og ofar þá myndu flestir grípa um höfuðið. Ég bjóst líka ekki við þessu frá eigin leikmanni, svo ég var ekki í jafnvægi og þá er auðveldara að detta aftur fyrir sig. En ég hefði viljað standa þetta af mér,“ segir Patrik. „Ekkert vesen á milli okkar tveggja“ Patrik segir að þeir Brekalo hafi nánast strax verið farnir að geta gert grín að því sem gerðist. „Það var eiginlega farið að gera grín að þessu um leið og við löbbuðum inn í klefa. Það er búið að gera svolítið mikið úr þessu á samfélagsmiðlum. Það var ekkert vesen á milli okkar tveggja, hvorki fyrir né eftir, og við skildum bara sáttir eftir þetta. Við höfum haft gott samband, eins og oft er þegar leikmenn koma inn í lið á svipuðum tíma,“ segir Patrik en þeir Brekalo komu báðir til Viking í ágúst. Det er bare smil å se på Kvernberget Flystasjon Heia Viking! pic.twitter.com/TFHYVulcAh— Viking Fotball (@vikingfotball) November 28, 2021 „Hann [Brekalo] fór sjálfur í viðtal í norskum fjölmiðlum í gær og baðst afsökunar á þessu. Hann gerði auðvitað mistök með því að slá frá sér.“ Á leið í viðræður við Brentford Eftir sigurinn í gær er allt útlit fyrir að Viking endi í 3. sæti norsku úrvalsdeildarinnar en liðið vantar aðeins eitt stig úr síðustu tveimur leikjunum til að tryggja sér það, og þar með Evrópusæti, eftir að hafa verið í 6. sæti þegar Patrik kom. Hann er hjá Viking að láni frá enska úrvalsdeildarfélaginu Brentford og mun að óbreyttu snúa aftur til Englands í árslok en Patrik mun á næstunni ræða við forráðamenn Brentford um framhaldið. Norski boltinn Mest lesið Fyrirliði Bandaríkjanna ver gjammandi stuðningsmennina Golf Sagði áhorfanda að naglhalda kjafti Golf Nik hættir með Breiðablik og tekur við Kristianstad Íslenski boltinn Sveinn Aron skoraði beint úr aukaspyrnu Fótbolti Evrópa með afgerandi forystu fyrir lokadaginn Golf Slot varpaði sökinni á Frimpong Enski boltinn „Sætið tryggt og nú er að klára forsetabikarinn“ Íslenski boltinn Sjáðu allt það helsta úr enska boltanum í gær Enski boltinn Dagskráin í dag: Þéttur pakki úr ýmsum áttum Sport Óskar svaraði syngjandi Skagamönnum: „Ekki fagna of mikið“ Íslenski boltinn Fleiri fréttir Slæm byrjun Chelsea skilaði Bayern sigri Aðeins sá sjötti til að skora tvö sjálfmörk í einum leik Slot varpaði sökinni á Frimpong Nik hættir með Breiðablik og tekur við Kristianstad Sjáðu allt það helsta úr enska boltanum í gær Sveinn Aron skoraði beint úr aukaspyrnu „Sætið tryggt og nú er að klára forsetabikarinn“ Sjáðu mörkin úr Bestu-deild karla í kvöld Uppgjörið: Keflavík - HK 4-0 | Keflavík í Bestu deildina Sunderland á fljúgandi siglingu upp töfluna Fyrsta stig Úlfanna í hús Uppgjörið: Fram - FHL 4-0 | Framarar áfram í deild þeirra bestu Óskar svaraði syngjandi Skagamönnum: „Ekki fagna of mikið“ Uppgjörið: FH - Breiðablik 1-1 | Fjörugum og viðburðarríkum leik lauk með jafntefli í Krikanum Uppgjörið: ÍA - KR 3-2 | Skagamenn á sigurbraut Tvö sjálfsmörk og tvö frá Haaland í sigri City Amorim svekktur: „Þetta er mjög sárt“ Nuno tekinn við West Ham Atlético skoraði fimm í borgarslagnum Palace eina ósigraða liðið eftir dísætan sigur á Liverpool Skoruðu þrjú manni fleiri gegn Chelsea Fernandes klikkaði á víti og United tapaði fyrir Brentford Rúnar gerir nýjan samning við Fram Nuno að taka við West Ham „Held að skipið sé siglt að maður verði kallaður í landsliðið“ Potter rekinn frá West Ham „Lærðum það í fyrra hvað það er leiðinlegt að tapa“ Ársbann frá fótbolta fyrir skjalafals Stórveldaslagur „upp á líf og dauða“ Víkingur vann bikarinn úr aukaspyrnum Sjá meira
Patrik segir að í raun hafi mjög lítill aðdragandi verið að því þegar liðsfélagi hans hjá norska liðinu Viking, David Brekalo, missti stjórn á skapi sínu í gær. Viking hafði þá skorað tvö mörk seint í leiknum sem á endanum dugðu til 3-2 útisigurs gegn Kristiansund, í norsku úrvalsdeildinni í fótbolta. Brekalo fékk að líta rauða spjaldið á fimmtu mínútu uppbótartíma, fyrir að hrinda Patriki eins og sjá má hér að neðan. Hva er det som skjer med Viking?! Brekalo angriper egen keeper og blir utvist på overtid. Utrolige scener på tampen! pic.twitter.com/MdyvGQIHfv— Eurosport Norge (@EurosportNorge) November 28, 2021 Patrik tekur undir það að sér sárni að á samfélagsmiðlum og í fjölmiðlum sé fjallað um atvikið með þeim hætti að hann hafi „fiskað“ liðsfélaga sinn af velli með leikaraskap. „Ég slæ ekki frá mér, og hvort sem maður slær frá sér og leikmaðurinn dettur eða ekki þá er það rautt spjald. Mér sárnar smá að maður sé gerður að sökudólgi þó að ég hafi ekki slegið frá mér. En við gerðum báðir mistök, lærum af þessu og þetta er bara búið,“ segir Patrik. Have you ever seen anything like this before? — Eurosport UK (@Eurosport_UK) November 29, 2021 „Þetta gerðist eftir fyrirgjöf að okkar marki. Hann lét boltann fara og bjóst við því að ég myndi taka hann. Ég kallaði aldrei neitt og lét boltann vera, sem rúllaði svo aftur fyrir endalínu. Síðan sneri ég mér við og lét hann vita að ég hefði ekki sagt neitt, og að þá taki ég ekki boltann. Í hita leiksins koma fram tilfinningar og hann ýtti nokkrum sinnum frá sér. Rak hendurnar frá viðbeini og upp í háls,“ segir Patrik. Held að það þurfi talsvert högg til að fá áverka á hálsi Hann viðurkennir að í hægri endursýningu í sjónvarpi sé ef til vill skiljanlegt að atvikið líti þannig út að hann geri meira úr því en efni standi til. „Þetta „slow motion view“ lítur ekkert æðislega út fyrir mig sjálfan, þrátt fyrir að ég sé með áverka á hálsinum eftir hann og að þeir leikmenn sem sáu þetta á vellinum hafi séð að þetta var meira högg. Ég er nú ekki þekktur fyrir að leika og ég held það þurfi talsvert högg til þess að maður sé með áverka á hálsinum. Ef manni er ýtt í háls og ofar þá myndu flestir grípa um höfuðið. Ég bjóst líka ekki við þessu frá eigin leikmanni, svo ég var ekki í jafnvægi og þá er auðveldara að detta aftur fyrir sig. En ég hefði viljað standa þetta af mér,“ segir Patrik. „Ekkert vesen á milli okkar tveggja“ Patrik segir að þeir Brekalo hafi nánast strax verið farnir að geta gert grín að því sem gerðist. „Það var eiginlega farið að gera grín að þessu um leið og við löbbuðum inn í klefa. Það er búið að gera svolítið mikið úr þessu á samfélagsmiðlum. Það var ekkert vesen á milli okkar tveggja, hvorki fyrir né eftir, og við skildum bara sáttir eftir þetta. Við höfum haft gott samband, eins og oft er þegar leikmenn koma inn í lið á svipuðum tíma,“ segir Patrik en þeir Brekalo komu báðir til Viking í ágúst. Det er bare smil å se på Kvernberget Flystasjon Heia Viking! pic.twitter.com/TFHYVulcAh— Viking Fotball (@vikingfotball) November 28, 2021 „Hann [Brekalo] fór sjálfur í viðtal í norskum fjölmiðlum í gær og baðst afsökunar á þessu. Hann gerði auðvitað mistök með því að slá frá sér.“ Á leið í viðræður við Brentford Eftir sigurinn í gær er allt útlit fyrir að Viking endi í 3. sæti norsku úrvalsdeildarinnar en liðið vantar aðeins eitt stig úr síðustu tveimur leikjunum til að tryggja sér það, og þar með Evrópusæti, eftir að hafa verið í 6. sæti þegar Patrik kom. Hann er hjá Viking að láni frá enska úrvalsdeildarfélaginu Brentford og mun að óbreyttu snúa aftur til Englands í árslok en Patrik mun á næstunni ræða við forráðamenn Brentford um framhaldið.
Norski boltinn Mest lesið Fyrirliði Bandaríkjanna ver gjammandi stuðningsmennina Golf Sagði áhorfanda að naglhalda kjafti Golf Nik hættir með Breiðablik og tekur við Kristianstad Íslenski boltinn Sveinn Aron skoraði beint úr aukaspyrnu Fótbolti Evrópa með afgerandi forystu fyrir lokadaginn Golf Slot varpaði sökinni á Frimpong Enski boltinn „Sætið tryggt og nú er að klára forsetabikarinn“ Íslenski boltinn Sjáðu allt það helsta úr enska boltanum í gær Enski boltinn Dagskráin í dag: Þéttur pakki úr ýmsum áttum Sport Óskar svaraði syngjandi Skagamönnum: „Ekki fagna of mikið“ Íslenski boltinn Fleiri fréttir Slæm byrjun Chelsea skilaði Bayern sigri Aðeins sá sjötti til að skora tvö sjálfmörk í einum leik Slot varpaði sökinni á Frimpong Nik hættir með Breiðablik og tekur við Kristianstad Sjáðu allt það helsta úr enska boltanum í gær Sveinn Aron skoraði beint úr aukaspyrnu „Sætið tryggt og nú er að klára forsetabikarinn“ Sjáðu mörkin úr Bestu-deild karla í kvöld Uppgjörið: Keflavík - HK 4-0 | Keflavík í Bestu deildina Sunderland á fljúgandi siglingu upp töfluna Fyrsta stig Úlfanna í hús Uppgjörið: Fram - FHL 4-0 | Framarar áfram í deild þeirra bestu Óskar svaraði syngjandi Skagamönnum: „Ekki fagna of mikið“ Uppgjörið: FH - Breiðablik 1-1 | Fjörugum og viðburðarríkum leik lauk með jafntefli í Krikanum Uppgjörið: ÍA - KR 3-2 | Skagamenn á sigurbraut Tvö sjálfsmörk og tvö frá Haaland í sigri City Amorim svekktur: „Þetta er mjög sárt“ Nuno tekinn við West Ham Atlético skoraði fimm í borgarslagnum Palace eina ósigraða liðið eftir dísætan sigur á Liverpool Skoruðu þrjú manni fleiri gegn Chelsea Fernandes klikkaði á víti og United tapaði fyrir Brentford Rúnar gerir nýjan samning við Fram Nuno að taka við West Ham „Held að skipið sé siglt að maður verði kallaður í landsliðið“ Potter rekinn frá West Ham „Lærðum það í fyrra hvað það er leiðinlegt að tapa“ Ársbann frá fótbolta fyrir skjalafals Stórveldaslagur „upp á líf og dauða“ Víkingur vann bikarinn úr aukaspyrnum Sjá meira