„Svo skilst mér að Ásgeir sé á svo svakalegum samningi“ Ingvi Þór Sæmundsson skrifar 27. febrúar 2023 14:31 Það var glatt á hjalla hjá þjálfurum Hauka og FH, Ásgeiri Erni Hallgrímssyni og Sigursteini Arndal, í aðdraganda leiksins stóra. stöð 2 sport Ásgeir Örn Hallgrímsson og Sigursteinn Arndal verða andstæðingar í kvöld þegar Haukar mæta FH í Hafnarfjarðarslagnum í Olís-deild karla. En venjulega eru þeir samherjar enda vinna þeir saman hjá Vodafone. Tvö stig og bæjarstoltið eru undir í kvöld þegar Haukar taka á móti FH í stórleik umferðarinnar í Olís-deildinni. „Þetta eru frábærir leikir og einir af stóru leikjunum í deildakeppninni fyrir okkur. Það er mikill spenningur og mikið gaman og allir hlakka til,“ sagði Ásgeir þegar blaðamaður hitti þá Sigurstein á 4. hæð Suðurlandsbrautar 8 þar sem þeir starfa saman á fyrirtækjasviði Vodafone. Haukarnir hans Ásgeirs Arnar eru í 8. sæti Olís-deildarinnar.vísir/diego „Það þarf ekkert að fara sérstaklega yfir það á dagatalinu hvenær þessir leikir eru. Menn vita hvar þeir liggja. Það virðist ekki skipta máli hvar liðin eru í deildinni, þessir leikir leitast oftast í að vera hrikalega spennandi og skemmtilegir. Þetta eru sérstakir leikir.“ Auka fiðringur og spenningur Ásgeir tekur þátt í sínum fyrsta Hafnarfjarðarslag sem þjálfari í kvöld og hann segir tilhlökkunina mikla. „Mér líst mjög vel á það. Þetta er svipað eins og sem leikmaður. Það er auka fiðringur og spenningur í manni. Maður kíkir kannski á fimm fleiri klippur en maður er vanur,“ sagði Ásgeir. FH-ingar geta styrkt stöðu sína í 2. sæti deildarinnar með sigri á Ásvöllum í kvöld.vísir/hulda margrét FH hefur ekki unnið á Ásvöllum í fimm ár. Sigursteinn segir sína menn stefna á að breyta því í kvöld. „Við ætlum okkur að sjálfsögðu að vinna en gerum okkur grein fyrir því að það verður mjög erfitt,“ sagði Sigursteinn. Rígurinn er æðislegur Þeir segja að leikir Hauka og FH skipti jafn miklu máli nú sem áður og leikirnir séu mjög mikilvægir fyrir bæjarbúa í Hafnarfirði. „Mér finnst rígurinn vera svipaður. Þetta skiptir alveg máli. Það er fullt af krökkum sem fara annað hvort með kassann út í fyrramálið eða ekki. Og þannig á þetta að vera. Rígurinn er æðislegur fyrir bæði liðin. Ég á marga góða vini sem eru FH-ingar en þetta er samt leikurinn sem mig langar mest að vinna á tímabilinu,“ sagði Ásgeir. Klippa: Viðtal við Ásgeir Örn og Sigurstein „Þetta skiptir ótrúlega miklu máli. Rígurinn gerir okkur líka góð. Hann er hvetjandi og þetta ýtir mönnum í að gera betur. Hvort sem þetta eru börn eða fullorðnir, þá er þetta eitthvað sem er rætt á kaffistofum á morgun. Ég vil eindregið hvetja alla til að mæta og láta sig hlutina varða. Svo skilst mér að Ásgeir sé á svo svakalegum samningi að það veiti ekki af því að fá eitthvað í kassann,“ sagði Sigursteinn léttur. Bera saman bækurnar Sem fyrr sagði vinna þeir Ásgeir og Sigursteinn saman og að þeirra sögn gengur það glimrandi vel. „Þetta hefur farið mjög vel saman hingað til allavegana. Það er flott. Steini var einn af þeim fyrstu sem óskaði mér til hamingju þegar ég tók við Haukunum. Við berum stundum saman bækur okkar,“ sagði Ásgeir og spurði Sigurstein svo hvort samstarfið væri ekki gott. Sigursteinn er á sínu fjórða tímabili sem þjálfari FH.vísir/hulda margrét „Algjörlega. Það er virðing og vinskapur. Auðvitað er ég FH-ingur og geri allt til að klára dæmið en þess á milli styður maður Ásgeir til góðra verka.“ Fyrsti og síðasti hittingurinn í dag Þeir félagar hittust í fyrsta sinn í dag þegar viðtalið var tekið um hádegið og því hafði ekki enn reynt á hvort það væri starfhæft á hæðinni. „Ætli við látum þetta ekki verða það síðasta í dag,“ sagði Sigursteinn. „Ætli við sleppum ekki löngunni í dag,“ sagði Ásgeir og Sigursteinn skaut þá inn í að hann færi beint á salatbarinn í mötuneytinu. Úr fyrri leik Hauka og FH á tímabilinu. FH-ingar unnu hann, 27-26.vísir/hulda margrét Leikur Hauka og FH hefst klukkan 19:30 og verður sýndur beint á Stöð 2 Sport. Upphitun Seinni bylgjunnar hefst klukkan 19:15. Olís-deild karla FH Haukar Hafnarfjörður Mest lesið Túfa rekinn frá Val Íslenski boltinn Leyndarmáli ljóstrað upp þegar Heimir og Björn kvöddu Íslenski boltinn „Varnarleikurinn er bara stórslys“ Enski boltinn Hlupu inn á Formúlu 1-brautina: „Ég hefði getað drepið þá“ Formúla 1 Hljóp í tólf klukkutíma rifbeinsbrotinn Sport Öllu búin skildi snjóspáin raungerast Fótbolti Setja fjórtán milljarða í kvennadeildina Fótbolti Blaðamannafundur KSÍ: Þorsteinn og Glódís sátu fyrir svörum Fótbolti Hárið í hættu hjá United manninum Enski boltinn Stefán Kári og Bjarki Fannar tóku báðir Íslandsmet af Arnari Péturs Sport Fleiri fréttir Gísli bjó til meira en þriðjung markanna Haukur magnaður í sigri Löwen Blær skoraði þrjú og lagði upp jöfnunarmarkið KA/Þór sótti sigur gegn Fram og stigalausar Stjörnukonur Fram kjöldró HK og spenna í Eyjum Meistararnir unnu gegn ÍBV og ÍR hafði betur gegn Selfyssingum Donni og félagar björguðu stigi undir lokin Afturelding komst upp að hlið Hauka Seldu bleika búninginn hennar Herrem fyrir meira en milljón „Leið vel þegar ég fór inn úr færinu“ Uppgjörið FH - Haukar 27-26 | Birgir Már tryggði FH sigur eftir spennutrylli Bernard fór mikinn en Valsmenn sluppu með sigurinn Fyrsti sigur Þórsara síðan í byrjun september Ómar Ingi með fullkomnan leik í Meistaradeildinni Guðjón Valur og lærisveinar hársbreidd frá því að vinna Kiel Hlakka til að sjá Viktor Gísla aftur og senda honum skilaboð Neyddar í sömu stöðu og Ísland og límdu melónur á skóna Hatar hvítu stuttbuxurnar Fjölga stórmótum landsliða í handboltanum Allt jafnt í bikarslag íslensku stelpnanna Orri fagnaði í Íslendingaslag í Meistaradeildinni Hjartavandamál halda Reyni frá keppni Stórar breytingar á Evrópukeppnum í handbolta Framarar töpuðu aftur á heimavelli í Evrópudeildinni Magdeburg komst örugglega áfram í sextán liða úrslitin Íslensku strákarnir áberandi í Evrópudeildinni „Stærri og sterkari en liðin sem við þekkjum hérna heima“ Viktor til liðs við frænda sinn og bróður Uppgjörið: Portúgal - Ísland 26-25 | Annar eltingaleikur íslenska liðsins endar með öðru tapi Kom að fjórtán mörkum í stórsigri á Leipzig Sjá meira
Tvö stig og bæjarstoltið eru undir í kvöld þegar Haukar taka á móti FH í stórleik umferðarinnar í Olís-deildinni. „Þetta eru frábærir leikir og einir af stóru leikjunum í deildakeppninni fyrir okkur. Það er mikill spenningur og mikið gaman og allir hlakka til,“ sagði Ásgeir þegar blaðamaður hitti þá Sigurstein á 4. hæð Suðurlandsbrautar 8 þar sem þeir starfa saman á fyrirtækjasviði Vodafone. Haukarnir hans Ásgeirs Arnar eru í 8. sæti Olís-deildarinnar.vísir/diego „Það þarf ekkert að fara sérstaklega yfir það á dagatalinu hvenær þessir leikir eru. Menn vita hvar þeir liggja. Það virðist ekki skipta máli hvar liðin eru í deildinni, þessir leikir leitast oftast í að vera hrikalega spennandi og skemmtilegir. Þetta eru sérstakir leikir.“ Auka fiðringur og spenningur Ásgeir tekur þátt í sínum fyrsta Hafnarfjarðarslag sem þjálfari í kvöld og hann segir tilhlökkunina mikla. „Mér líst mjög vel á það. Þetta er svipað eins og sem leikmaður. Það er auka fiðringur og spenningur í manni. Maður kíkir kannski á fimm fleiri klippur en maður er vanur,“ sagði Ásgeir. FH-ingar geta styrkt stöðu sína í 2. sæti deildarinnar með sigri á Ásvöllum í kvöld.vísir/hulda margrét FH hefur ekki unnið á Ásvöllum í fimm ár. Sigursteinn segir sína menn stefna á að breyta því í kvöld. „Við ætlum okkur að sjálfsögðu að vinna en gerum okkur grein fyrir því að það verður mjög erfitt,“ sagði Sigursteinn. Rígurinn er æðislegur Þeir segja að leikir Hauka og FH skipti jafn miklu máli nú sem áður og leikirnir séu mjög mikilvægir fyrir bæjarbúa í Hafnarfirði. „Mér finnst rígurinn vera svipaður. Þetta skiptir alveg máli. Það er fullt af krökkum sem fara annað hvort með kassann út í fyrramálið eða ekki. Og þannig á þetta að vera. Rígurinn er æðislegur fyrir bæði liðin. Ég á marga góða vini sem eru FH-ingar en þetta er samt leikurinn sem mig langar mest að vinna á tímabilinu,“ sagði Ásgeir. Klippa: Viðtal við Ásgeir Örn og Sigurstein „Þetta skiptir ótrúlega miklu máli. Rígurinn gerir okkur líka góð. Hann er hvetjandi og þetta ýtir mönnum í að gera betur. Hvort sem þetta eru börn eða fullorðnir, þá er þetta eitthvað sem er rætt á kaffistofum á morgun. Ég vil eindregið hvetja alla til að mæta og láta sig hlutina varða. Svo skilst mér að Ásgeir sé á svo svakalegum samningi að það veiti ekki af því að fá eitthvað í kassann,“ sagði Sigursteinn léttur. Bera saman bækurnar Sem fyrr sagði vinna þeir Ásgeir og Sigursteinn saman og að þeirra sögn gengur það glimrandi vel. „Þetta hefur farið mjög vel saman hingað til allavegana. Það er flott. Steini var einn af þeim fyrstu sem óskaði mér til hamingju þegar ég tók við Haukunum. Við berum stundum saman bækur okkar,“ sagði Ásgeir og spurði Sigurstein svo hvort samstarfið væri ekki gott. Sigursteinn er á sínu fjórða tímabili sem þjálfari FH.vísir/hulda margrét „Algjörlega. Það er virðing og vinskapur. Auðvitað er ég FH-ingur og geri allt til að klára dæmið en þess á milli styður maður Ásgeir til góðra verka.“ Fyrsti og síðasti hittingurinn í dag Þeir félagar hittust í fyrsta sinn í dag þegar viðtalið var tekið um hádegið og því hafði ekki enn reynt á hvort það væri starfhæft á hæðinni. „Ætli við látum þetta ekki verða það síðasta í dag,“ sagði Sigursteinn. „Ætli við sleppum ekki löngunni í dag,“ sagði Ásgeir og Sigursteinn skaut þá inn í að hann færi beint á salatbarinn í mötuneytinu. Úr fyrri leik Hauka og FH á tímabilinu. FH-ingar unnu hann, 27-26.vísir/hulda margrét Leikur Hauka og FH hefst klukkan 19:30 og verður sýndur beint á Stöð 2 Sport. Upphitun Seinni bylgjunnar hefst klukkan 19:15.
Olís-deild karla FH Haukar Hafnarfjörður Mest lesið Túfa rekinn frá Val Íslenski boltinn Leyndarmáli ljóstrað upp þegar Heimir og Björn kvöddu Íslenski boltinn „Varnarleikurinn er bara stórslys“ Enski boltinn Hlupu inn á Formúlu 1-brautina: „Ég hefði getað drepið þá“ Formúla 1 Hljóp í tólf klukkutíma rifbeinsbrotinn Sport Öllu búin skildi snjóspáin raungerast Fótbolti Setja fjórtán milljarða í kvennadeildina Fótbolti Blaðamannafundur KSÍ: Þorsteinn og Glódís sátu fyrir svörum Fótbolti Hárið í hættu hjá United manninum Enski boltinn Stefán Kári og Bjarki Fannar tóku báðir Íslandsmet af Arnari Péturs Sport Fleiri fréttir Gísli bjó til meira en þriðjung markanna Haukur magnaður í sigri Löwen Blær skoraði þrjú og lagði upp jöfnunarmarkið KA/Þór sótti sigur gegn Fram og stigalausar Stjörnukonur Fram kjöldró HK og spenna í Eyjum Meistararnir unnu gegn ÍBV og ÍR hafði betur gegn Selfyssingum Donni og félagar björguðu stigi undir lokin Afturelding komst upp að hlið Hauka Seldu bleika búninginn hennar Herrem fyrir meira en milljón „Leið vel þegar ég fór inn úr færinu“ Uppgjörið FH - Haukar 27-26 | Birgir Már tryggði FH sigur eftir spennutrylli Bernard fór mikinn en Valsmenn sluppu með sigurinn Fyrsti sigur Þórsara síðan í byrjun september Ómar Ingi með fullkomnan leik í Meistaradeildinni Guðjón Valur og lærisveinar hársbreidd frá því að vinna Kiel Hlakka til að sjá Viktor Gísla aftur og senda honum skilaboð Neyddar í sömu stöðu og Ísland og límdu melónur á skóna Hatar hvítu stuttbuxurnar Fjölga stórmótum landsliða í handboltanum Allt jafnt í bikarslag íslensku stelpnanna Orri fagnaði í Íslendingaslag í Meistaradeildinni Hjartavandamál halda Reyni frá keppni Stórar breytingar á Evrópukeppnum í handbolta Framarar töpuðu aftur á heimavelli í Evrópudeildinni Magdeburg komst örugglega áfram í sextán liða úrslitin Íslensku strákarnir áberandi í Evrópudeildinni „Stærri og sterkari en liðin sem við þekkjum hérna heima“ Viktor til liðs við frænda sinn og bróður Uppgjörið: Portúgal - Ísland 26-25 | Annar eltingaleikur íslenska liðsins endar með öðru tapi Kom að fjórtán mörkum í stórsigri á Leipzig Sjá meira