Fótbolti

James Milner frá Liverpool til Brighton

Jón Már Ferro skrifar
James Milner var frábær fyrir Liverpool í þau átta ár sem hann spilaði fyrir liðið.
James Milner var frábær fyrir Liverpool í þau átta ár sem hann spilaði fyrir liðið. vísir/Getty

James Milner, miðjumaður Liverpool, fer á frjálsri sölu til Brighton. Hann hefur verið hjá Liverpool í átta ár og er einungis 34 leikjum frá því að slá Gareth Barry við sem leikjahæsta leikmanni ensku Úrvalsdeildarinnar frá upphafi.

Samningur hins 37 ára gamla Milner við Brighton er til eins árs með möguleika á eins árs framlengingu.

Á tíma sínum hjá Liverpool spilaði Milner hvorki meira né minna en 332 leiki í öllum keppnum og vann meðal annars ensku Úrvalsdeildina árið 2020 og Meistaradeild Evrópu árið 2019.

Eins og stendur er Milner þriðji leikjahæsti leikmaður ensku úrvalsdeildarinnar. Einungis Ryan Giggs og Gareth Barry hafa spilað fleiri leiki.

Þessi gríðarlega reynslumikli leikmaður mun augljóslega bæta mikilli reynslu við Brighton liðið. Undir stjórn Ítalans, Roberto De Zerbi, spilar liðið einstaklega skemmtilegan fótbolta. Ekki nóg með að hann er skemmtilegur þá tryggði liðið sér sæti í Evrópudeild UEFA fyrir næsta tímabil, í fyrsta skipti í sögunni.

„Ég er býð James velkominn til Brighton og er mjög glaður að hafa klófest hann. Hann er frábær viðbót í okkar lið og ég er viss um að hann komi liðinu á næsta stig,“ segir De Zerbi.

Enski boltinn

Mest lesið


Fleiri fréttir

Sjá meira


×

Mest lesið