Play sér ekki lengur fram á hagnað Árni Sæberg skrifar 7. september 2023 11:04 Birgir Jónsson er forstjóri Play. Stöð 2/ARnar Hækkun eldsneytisverðs og aðrar almennar kostnaðarhækkanir hafa neikvæð áhrif á afkomu flugfélagsins Play á seinni hluta ársins 2023. Því gerir félagið ekki lengur ráð fyrir því að afkoma ársins verði jákvæð. Þetta segir í fréttatilkynningu um farþegatölur ágústmánaðar. Þar segir að félagið hafi flutt 184.926 farþega í ágúst, sem sé 70 prósent aukning frá ágúst í fyrra þegar félagið flutti 108.622 farþega. Sætanýtingin í ágúst hafi verið 88,9 prósent, samanborið við 86,9 prósent í ágúst árið 2022. Stundvísi Play í liðnum ágúst hafi verið 90,1 prósent. Af þeim farþegum sem flugu með Play í ágúst hafi 22,1 prósent verið að ferðast frá Íslandi, 35 prósent til Íslands og 42,9 prósent hafi verið tengifarþegar. Margir áfangastaðir í leiðakerfi Play hafi verið með yfir níutíu prósent sætanýtingu í mánuðinum en þar af hafi Prag, Toronto og Barselóna með yfir 95 prósent sætanýtingu. Meðal hliðartekjur á hvern farþega haldi áfram að aukast, en þær hafi verið þriðjungi hærri í ágúst 2023, samanborið við ágúst 2022. Play sjái fram á áframhaldandi vöxt hliðartekna á komandi mánuðum. Sjá fram á tækifæri til vaxtar en ekki hagnað Þá segir að félagið sjái áfram mörg tækifæri til vaxtar og vinni að því að stækka flota sinn á næstu árum. Play hafi þegar skrifað undir viljayfirlýsingu sem tryggir félaginu tvær nýjar Airbus A320neo farþegaþotur fyrir sumarið 2025. Frekari viðræður standi yfir um stækkun flotans fyrir 2024 og 2025 og greint verði frá niðurstöðu þeirra þegar þeim lýkur. Play sé í góðri stöðu nú þegar hausta tekur og veturinn nálgast. Sætanýting sé umtalsvert hærri sem og tekjur á hvern farþega frá fyrra ári og eftirspurnin á lykilmörkuðum sterk. Félagið sé hins vegar með augun á hugsanlegum áhrifum verðbólgu og hækkandi framfærslukostnaðar á eftirspurnina yfir veturinn. Það þýði að erfiðara mun reynast að spá fyrir um horfur á fjórða ársfjórðungi og lengra fram í veturinn, líkt og önnur flugfélög víða um veröld hafi nýverið verið að greina frá. Eins og fram hafi komið í uppgjörskynningum á undanförnum ársfjórðungum hafi rekstrarafkoma (EBIT) það sem af er ári verið til samræmis við áætlanir stjórnenda sem gerðu ráð fyrir að EBIT afkoma félagsins yrði lítillega jákvæð fyrir árið í heild sinni (FY23). Rekstrarafkoma (EBIT) það sem af er þessum ársfjórðungi hafi verið mjög góð og umtalsverður rekstrarbati átt sér stað, hvort sem horft er til sama tímabils í fyrra eða síðasta ársfjórðungs. Frá lokum síðasta ársfjórðungs (Q2) hafi flugvélaeldsneyti, sem sé langstærsti einstaki kostnaðarliður félagsins, hækkað um fjórðung. Ein af lykilforsendum fyrir afkomuspá ársins hafi verið stöðugt eldsneytisverð og þessi mikla hækkun, ásamt öðrum almennum kostnaðarhækkunum vegna verðbólgu í heiminum, muni hafa neikvæð áhrif á afkomu félagsins seinni hluta ársins 2023. „Því gerum við ekki ráð fyrir að EBIT afkoma ársins 2023 verði jákvæð eins og áður hafði verið spáð en þó er ljóst að um mjög umtalsverðan viðsnúning í rekstri verður að ræða frá fyrra ári og að lausafjárstaða félagsins verði áfram heilbrigð.“ Með því besta í bransanum „Ágúst gekk mjög vel í flugrekstri PLAY þar sem sætanýting var 89% og stundvísi upp á 90% sem er með því besta sem finnst í fluggeiranum. Við nálgumst nú sumarlok og það er þegar ljóst að við erum mjög stolt af frammistöðunni það sem af er ári. Við sjáum enn tækifæri á markaði og höfum þess vegna hafið skipulagningu á frekari vexti á komandi árum. Við höfum staðfest tvær nýjar A320neo farþegaþotur sem bætast við flotann árið 2025 og erum í viðræðum um frekari stækkun í nálægri framtíð. Það er jákvætt að við sjáum enn hærri tekjur á farþega samanborið við fyrra ár og betri sætanýtingu nú þegar veturinn nálgast og eftirspurnin er fremur kröftug á flestum lykilmörkuðum. Við leggjum áfram áherslu á að halda kostnaðargrunninum eins lágum og unnt er og að vera sveigjanleg í leiðakerfinu til aðlagast síbreytilegu umhverfi. Okkar frábæra teymi sem starfar hjá PLAY hefur skilað framúrskarandi starfi og þess vegna er ánægjulegt að sjá áhöfnina okkar hljóta tilnefningu frá USA Today. Þegar þetta er ritað var áhöfnin í fyrsta sæti í kosningu á vegum þessa stóra bandaríska miðils. Þetta er glæsilegt afrek fyrir áhöfnina sem hefur aðeins verið að störfum í tvö ár hjá okkar unga flugfélagi,“ er haft eftir Birgi Jónssyni, forstjóra Play. Play Fréttir af flugi Mest lesið Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Viðkvæm staða í björgunaraðgerðum Play Europe Viðskipti innlent „Við munum gæta réttar kröfuhafa í hvívetna“ Viðskipti innlent Isavia gefur strandaglópum engin grið Viðskipti innlent Búið að greiða laun og barnabætur Viðskipti innlent Gjörbreyttar kröfur og vinna ekki lengur aðeins til að hafa í sig og á Atvinnulíf Horfa fram á tugmilljarða samdrátt og bíða í ofvæni eftir loðnufréttum Viðskipti innlent Hvetur stjórnvöld til að veita ferðaskrifstofum lán eins og í Covid Viðskipti innlent Sýn og Creditinfo í samstarf um Framúrskarandi fyrirtæki Framúrskarandi fyrirtæki Fleiri fréttir Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Icelandair geti ekki svarað fyrir orðræðuna Sjá meira
Þetta segir í fréttatilkynningu um farþegatölur ágústmánaðar. Þar segir að félagið hafi flutt 184.926 farþega í ágúst, sem sé 70 prósent aukning frá ágúst í fyrra þegar félagið flutti 108.622 farþega. Sætanýtingin í ágúst hafi verið 88,9 prósent, samanborið við 86,9 prósent í ágúst árið 2022. Stundvísi Play í liðnum ágúst hafi verið 90,1 prósent. Af þeim farþegum sem flugu með Play í ágúst hafi 22,1 prósent verið að ferðast frá Íslandi, 35 prósent til Íslands og 42,9 prósent hafi verið tengifarþegar. Margir áfangastaðir í leiðakerfi Play hafi verið með yfir níutíu prósent sætanýtingu í mánuðinum en þar af hafi Prag, Toronto og Barselóna með yfir 95 prósent sætanýtingu. Meðal hliðartekjur á hvern farþega haldi áfram að aukast, en þær hafi verið þriðjungi hærri í ágúst 2023, samanborið við ágúst 2022. Play sjái fram á áframhaldandi vöxt hliðartekna á komandi mánuðum. Sjá fram á tækifæri til vaxtar en ekki hagnað Þá segir að félagið sjái áfram mörg tækifæri til vaxtar og vinni að því að stækka flota sinn á næstu árum. Play hafi þegar skrifað undir viljayfirlýsingu sem tryggir félaginu tvær nýjar Airbus A320neo farþegaþotur fyrir sumarið 2025. Frekari viðræður standi yfir um stækkun flotans fyrir 2024 og 2025 og greint verði frá niðurstöðu þeirra þegar þeim lýkur. Play sé í góðri stöðu nú þegar hausta tekur og veturinn nálgast. Sætanýting sé umtalsvert hærri sem og tekjur á hvern farþega frá fyrra ári og eftirspurnin á lykilmörkuðum sterk. Félagið sé hins vegar með augun á hugsanlegum áhrifum verðbólgu og hækkandi framfærslukostnaðar á eftirspurnina yfir veturinn. Það þýði að erfiðara mun reynast að spá fyrir um horfur á fjórða ársfjórðungi og lengra fram í veturinn, líkt og önnur flugfélög víða um veröld hafi nýverið verið að greina frá. Eins og fram hafi komið í uppgjörskynningum á undanförnum ársfjórðungum hafi rekstrarafkoma (EBIT) það sem af er ári verið til samræmis við áætlanir stjórnenda sem gerðu ráð fyrir að EBIT afkoma félagsins yrði lítillega jákvæð fyrir árið í heild sinni (FY23). Rekstrarafkoma (EBIT) það sem af er þessum ársfjórðungi hafi verið mjög góð og umtalsverður rekstrarbati átt sér stað, hvort sem horft er til sama tímabils í fyrra eða síðasta ársfjórðungs. Frá lokum síðasta ársfjórðungs (Q2) hafi flugvélaeldsneyti, sem sé langstærsti einstaki kostnaðarliður félagsins, hækkað um fjórðung. Ein af lykilforsendum fyrir afkomuspá ársins hafi verið stöðugt eldsneytisverð og þessi mikla hækkun, ásamt öðrum almennum kostnaðarhækkunum vegna verðbólgu í heiminum, muni hafa neikvæð áhrif á afkomu félagsins seinni hluta ársins 2023. „Því gerum við ekki ráð fyrir að EBIT afkoma ársins 2023 verði jákvæð eins og áður hafði verið spáð en þó er ljóst að um mjög umtalsverðan viðsnúning í rekstri verður að ræða frá fyrra ári og að lausafjárstaða félagsins verði áfram heilbrigð.“ Með því besta í bransanum „Ágúst gekk mjög vel í flugrekstri PLAY þar sem sætanýting var 89% og stundvísi upp á 90% sem er með því besta sem finnst í fluggeiranum. Við nálgumst nú sumarlok og það er þegar ljóst að við erum mjög stolt af frammistöðunni það sem af er ári. Við sjáum enn tækifæri á markaði og höfum þess vegna hafið skipulagningu á frekari vexti á komandi árum. Við höfum staðfest tvær nýjar A320neo farþegaþotur sem bætast við flotann árið 2025 og erum í viðræðum um frekari stækkun í nálægri framtíð. Það er jákvætt að við sjáum enn hærri tekjur á farþega samanborið við fyrra ár og betri sætanýtingu nú þegar veturinn nálgast og eftirspurnin er fremur kröftug á flestum lykilmörkuðum. Við leggjum áfram áherslu á að halda kostnaðargrunninum eins lágum og unnt er og að vera sveigjanleg í leiðakerfinu til aðlagast síbreytilegu umhverfi. Okkar frábæra teymi sem starfar hjá PLAY hefur skilað framúrskarandi starfi og þess vegna er ánægjulegt að sjá áhöfnina okkar hljóta tilnefningu frá USA Today. Þegar þetta er ritað var áhöfnin í fyrsta sæti í kosningu á vegum þessa stóra bandaríska miðils. Þetta er glæsilegt afrek fyrir áhöfnina sem hefur aðeins verið að störfum í tvö ár hjá okkar unga flugfélagi,“ er haft eftir Birgi Jónssyni, forstjóra Play.
Play Fréttir af flugi Mest lesið Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Viðkvæm staða í björgunaraðgerðum Play Europe Viðskipti innlent „Við munum gæta réttar kröfuhafa í hvívetna“ Viðskipti innlent Isavia gefur strandaglópum engin grið Viðskipti innlent Búið að greiða laun og barnabætur Viðskipti innlent Gjörbreyttar kröfur og vinna ekki lengur aðeins til að hafa í sig og á Atvinnulíf Horfa fram á tugmilljarða samdrátt og bíða í ofvæni eftir loðnufréttum Viðskipti innlent Hvetur stjórnvöld til að veita ferðaskrifstofum lán eins og í Covid Viðskipti innlent Sýn og Creditinfo í samstarf um Framúrskarandi fyrirtæki Framúrskarandi fyrirtæki Fleiri fréttir Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Icelandair geti ekki svarað fyrir orðræðuna Sjá meira