Meistararnir unnu loksins sinn fyrsta sigur Hjörtur Leó Guðjónsson skrifar 3. október 2023 22:43 Stórmeistarar Atlantic unnu loksins sinn fyrsta sigur á tímabilinu er liðið mætti Breiðablik í þriðju umferð Ljósleiðaradeildarinnar í Counter-Strike í kvöld. Viðureignin fór fram á Overpass þar sem Breiðablik tók fyrstu lotu, en þeir hófu leikinn í vörn. Atlantic sló þó ekki slöku við og kom sér fljótt aftur inn í leikinn og tók þá þrjár lotur í röð, staðan þá 1-3. Blikar svöruðu Atlantic-mönnum þá í sömu mynt og tóku þrjár lotur til baka. Atlantic fór þá að spila ögn djarfari sóknarleik og sigraði Blika í mörgum einvígum. Sóknarspil þeirra borgaði sig heldur betur en þeir tóku allar lotur nema tvær sem eftir lifði hálfleiks. Staðan í hálfleik: 6-9 Atlantic kom sér fyrir í varnarstöður í seinni hálfleik, en Blikar tóku þó skammbyssulotuna eins og í fyrri hálfleik. Áfram unnu Blikar lotur og komu leiknum í jafna stöðu; 9-9. Blikar svöruðu öllu sem Atlantic spilaði fram vel í byrjun seinni hálfleiks en Atlantic náði þó að vinna sig í gegnum leikmenn Breiðabliks og tók lotur til baka. Í stöðunni 11-11 setti Atlantic í næsta gír og stjórnaði leiknum vel og sókn Breiðabliks hafði engin svör. Atlantic spilaði af meira og meira öryggi eftir því sem sigurinn færðist nær og eftir spennandi byrjun á seinni hálfleik varð hann einsleitur undir lokin og Atlantic tók sinn fyrsta sigur á tímabilinu. Lokatölur: 11-16 Fyrsti sigur Atlantic er þar með staðreynd en leikmenn Breiðabliks munu velta því fyrir sér hvernig þeir hefðu getað spilað lokaloturnar betur. Þó þurfa þeir að sætta sig við 9. sæti deildarinnar þar sem Atlantic er fyrir ofan þá, þó jafnir þeim á stigum. Stórmeistararnir í Atlantic geta þó andað ögn léttar, en þeir eiga þó stórt verkefni frammi fyrir sér ef þeir vilja eiga erindi í toppslaginn á þessu tímabili. Rafíþróttir Ljósleiðaradeildin Mest lesið Í beinni: KA - Silkeborg | Langþráður Evrópuleikur á Akureyri Fótbolti Íslensk landsliðskona skrifar um glímu sína við átröskun Handbolti Trump gæti bannað Brasilíumönnum að mæta á HM í fótbolta Fótbolti Þurfa að sanna að þær séu konur áður en þær fá að keppa á HM Sport McGregor tapaði áfrýjun og þarf að borga konunni sem hann nauðgaði Sport Þrír verða heima meðan landsliðið fer til Ítalíu Körfubolti Breyttir tímar hjá Man. United: Höjlund skoraði í stórsigri Enski boltinn Eigendur Liverpool eyða meira í Isak en í að kaupa fótboltafélag í Madrid Enski boltinn Brady í Birmingham þáttum: Efaðist strax um Rooney og kallaði leikmennina lata Enski boltinn Of falleg saga til að vera ekki skrifuð í skýin Golf
Viðureignin fór fram á Overpass þar sem Breiðablik tók fyrstu lotu, en þeir hófu leikinn í vörn. Atlantic sló þó ekki slöku við og kom sér fljótt aftur inn í leikinn og tók þá þrjár lotur í röð, staðan þá 1-3. Blikar svöruðu Atlantic-mönnum þá í sömu mynt og tóku þrjár lotur til baka. Atlantic fór þá að spila ögn djarfari sóknarleik og sigraði Blika í mörgum einvígum. Sóknarspil þeirra borgaði sig heldur betur en þeir tóku allar lotur nema tvær sem eftir lifði hálfleiks. Staðan í hálfleik: 6-9 Atlantic kom sér fyrir í varnarstöður í seinni hálfleik, en Blikar tóku þó skammbyssulotuna eins og í fyrri hálfleik. Áfram unnu Blikar lotur og komu leiknum í jafna stöðu; 9-9. Blikar svöruðu öllu sem Atlantic spilaði fram vel í byrjun seinni hálfleiks en Atlantic náði þó að vinna sig í gegnum leikmenn Breiðabliks og tók lotur til baka. Í stöðunni 11-11 setti Atlantic í næsta gír og stjórnaði leiknum vel og sókn Breiðabliks hafði engin svör. Atlantic spilaði af meira og meira öryggi eftir því sem sigurinn færðist nær og eftir spennandi byrjun á seinni hálfleik varð hann einsleitur undir lokin og Atlantic tók sinn fyrsta sigur á tímabilinu. Lokatölur: 11-16 Fyrsti sigur Atlantic er þar með staðreynd en leikmenn Breiðabliks munu velta því fyrir sér hvernig þeir hefðu getað spilað lokaloturnar betur. Þó þurfa þeir að sætta sig við 9. sæti deildarinnar þar sem Atlantic er fyrir ofan þá, þó jafnir þeim á stigum. Stórmeistararnir í Atlantic geta þó andað ögn léttar, en þeir eiga þó stórt verkefni frammi fyrir sér ef þeir vilja eiga erindi í toppslaginn á þessu tímabili.
Rafíþróttir Ljósleiðaradeildin Mest lesið Í beinni: KA - Silkeborg | Langþráður Evrópuleikur á Akureyri Fótbolti Íslensk landsliðskona skrifar um glímu sína við átröskun Handbolti Trump gæti bannað Brasilíumönnum að mæta á HM í fótbolta Fótbolti Þurfa að sanna að þær séu konur áður en þær fá að keppa á HM Sport McGregor tapaði áfrýjun og þarf að borga konunni sem hann nauðgaði Sport Þrír verða heima meðan landsliðið fer til Ítalíu Körfubolti Breyttir tímar hjá Man. United: Höjlund skoraði í stórsigri Enski boltinn Eigendur Liverpool eyða meira í Isak en í að kaupa fótboltafélag í Madrid Enski boltinn Brady í Birmingham þáttum: Efaðist strax um Rooney og kallaði leikmennina lata Enski boltinn Of falleg saga til að vera ekki skrifuð í skýin Golf