Einkunnir Strákanna okkar á móti Króatíu: Reynsluboltarnir með stórleik Íþróttadeild Vísis skrifar 22. janúar 2024 16:54 Björgvin Páll Gústavsson varði fimmtán skot og skoraði eitt mark í sigrinum sögulega á Króatíu. vísir/vilhelm Íslendingar unnu Króata í fyrsta sinn á stórmóti þegar þeir sigruðu þá, 30-35, í milliriðli 1 á Evrópumótinu í Þýskalandi. Margir leikmanna Íslands áttu stórleik í Köln í dag. Leikurinn var afar sveiflukenndur. Króatar komust mest fjórum mörkum yfir í fyrri hálfleik, 8-4, og leiddu með tveimur mörkum að honum loknum, 18-16. Íslendingar spiluðu hins vegar frábærlega í seinni hálfleik; vörnin var gríðarlega öflug, Björgvin Páll Gústavsson sýndi sínar bestu hliðar í markinu, sóknarleikurinn gekk smurt fyrir sig og hraðaupphlaupin skiluðu mörgum mörkum. Ísland breytti stöðunni úr 25-25 í 25-31 á sex mínútna kafla og vann svo leikinn með fimm marka mun, 30-35. Íslendingar eiga því enn möguleika á að komast í forkeppni Ólympíuleikanna í París. Til að sá draumur rætist þarf Ísland að vinna Austurríki í lokaumferð milliriðilsins á miðvikudaginn og Austurríkismenn að tapa fyrir Frökkum í dag. Reyndustu leikmenn íslenska liðsins sýndu úr hverju þeir eru gerðir í leiknum í dag. Björgvin og Aron Pálmarsson voru framúrskarandi góðir og Bjarki Már Elísson var stórkostlegur í seinni hálfleik eftir að hafa klúðrað þremur skotum í röð seinni hluta fyrri hálfleiks. Í hinu horninu skoraði Óðinn Þór Ríkharðsson sex mörk úr sex skotum, annan leikinn í röð, og Haukur Þrastarson átti aftur frábæra innkomu. Viggó Kristjánsson var góður í seinni hálfleik, varnarleikurinn hjá Elvari Erni Jónssyni var til fyrirmyndar og svo mætti áfram telja. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Króatíu:- Byrjunarlið Íslands í leiknum - Viktor Gísli Hallgrímsson, markvörður - 1 (0 varin skot - 8:02 mín.) Byrjaði í markinu en varði ekkert. Vörnin var slök en Viktor fékk ekkert við ráðið. Á enn of marga svona leiki. Bjarki Már Elísson, vinstri hornamaður - 5 (8 mörk - 60:00 mín.) Skoraði úr fyrstu þremur skotunum sínum en klikkaði svo á þremur dauðafærum í röð. En sýndi mikinn andlegan styrk í seinni hálfleik þar sem hann skoraði úr öllum fimm skotunum sínum. Alvöru leikmenn svara svona fyrir sig. Aron Pálmarsson, vinstri skytta - 6 (6 mörk - 43:27 mín.) Besti landsleikur fyrirliðans síðan gegn Danmörku í fyrsta leik á EM 2020. Aron spilaði frábærlega í dag; sterkur í vörninni og skoraði úr fyrstu sex skotunum sínum. Stýrði sókninni eins og snillingur í seinni hálfleik og gaf fjórar stoðsendingar. Dró vagninn eins og sönnum fyrirliða sæmir. Gísli Þorgeir Kristjánsson, leikstjórnandi - 4 (3 mörk - 5:38 mín.) Byrjaði leikinn af krafti og skoraði þrjú mörk. Meiddist hins vegar þegar hann skoraði þriðja markið og kom ekki meira við sögu eftir það. Viggó Kristjánsson, hægri skytta - 4 (4 mörk - 50:15 mín.) Átti erfitt uppdráttar í fyrri hálfleik og náði ekki alveg að fylgja eftir frammistöðunni gegn Frakklandi. En steig upp í seinni hálfleik. Spilaði þá allan tímann og var sterkur á báðum endum vallarins. Lék sérstaklega vel þegar Ísland byggði upp forskotið í seinni hálfleik. Óðinn Þór Ríkharðsson, hægri hornamaður - 5 (6 mörk - 57:54 mín.) Frábær frammistaða hjá Óðni, annan leikinn í röð. Skoraði sex mörk úr sex skotum og sitt venjulega aftur-fyrir-bak mark. Ýmir Örn Gíslason, línumaður - 1 (0 mörk - 10:50 mín.) Var of bráður og fékk rautt spjald fyrir að slá Zvonimir Srna. Slæm ákvörðun hjá Ými en sem betur fer kom hún ekki að sök. Elvar Örn Jónsson, varnarmaður - 4 (1 mark - 43:25 mín.) Fann sig ekki alveg í fyrri hálfleik og tapaði boltanum meðal annars tvisvar sinnum klaufalega. En varnarframmistaða Elvars í seinni hálfleik var ekkert minna en stórkostleg. - Menn sem komu inn af bekknum í leiknum - Björgvin Páll Gústavsson, markvörður - 6 (15 varin skot - 50:22 mín.) Frábær frammistaða hjá okkar reyndasta manni. Kom inn á fyrir Viktor eftir um tíu mínútur og varði vel eftir það, alls fimmtán skot, eða 41 prósent þeirra skota sem hann fékk á sig. Skoraði auk þess eitt mark. Skrifaði enn einn kaflann í langa og glæsilega landsliðsbók sína. Elliði Snær Viðarsson, línumaður - 4 (2 mörk - 30:49 mín.) Byrjaði ekki inn á þrátt fyrir góða frammistöðu gegn Frökkum. En kom sterkur inn í dag. Skoraði tvö mörk og var gríðarlega öflugur í vörninni í seinni hálfleik. Kristján Örn Kristjánsson, hægri skytta - 3 (1 mark - 5:24 mín.) Skoraði og gaf stoðsendingu í fyrstu tveimur sóknunum sínum á mótinu. Gerði sig síðan sekan um nokkur mistök. Spilaði ekkert í seinni hálfleik en sýndi að hann getur nýst íslenska liðinu. Haukur Þrastarson, leikstjórnandi 5 (3 mörk - 19:52 mín.) Aftur frábær frammistaða hjá Hauki. Kom inn á í fyrri hálfleik og klikkaði þá á tveimur skotum sem voru bæði tekin í neyð. Kom aftur inn á í seinni hálfleik og spilaði þá eins og engill. Skoraði þrjú mörk, þar af tvö með sínum víðfrægu undirhandarskotum, og gaf fimm stoðsendingar. Þvílík búbót fyrir íslenska landsliðið að hafa endurheimt þennan gullmola. Arnar Freyr Arnarsson, línumaður - 3 (1 mark - 24:17 mín.) Brenndi af tveimur dauðafærum og tapaði boltanum einu sinni en hjálpaði mikið til í vörninni. Einar Þorsteinn Ólafsson, varnarmaður 3 - (0 mörk - 9:45 mín.) Kom með fína innkomu og vörnin lagaðist fyrstu mínúturnar eftir að hann kom inn á. Framtíðarmaður í vörn íslenska liðsins. Stiven Tobar Valencia, vinstri hornamaður - spilaði ekkert Sigvaldi Guðjónsson, hægri hornamaður - spilaði ekkert Snorri Steinn Guðjónsson þjálfari - 5 Þurfti heldur betur að vinna fyrir kaupinu sínu í dag. Janus Daði Smárason og Ómar Ingi Magnússon gátu ekki spilað vegna meiðsla og snemma leiks hrukku þeir Ýmir og Gísli úr skaftinu. En Snorri spilaði vel úr sínum spilum í dag. Þetta var frammistaðan sem við erum búin að bíða eftir allt mótið. Og seinni hálfleikurinn var algjörlega framúrskarandi af Íslands hálfu. Vörnin var sterk, markvarslan stöðug og góð, sóknin örugg og loksins komu mörk úr hraðaupphlaupum, alls ellefu. Þetta var stór dagur fyrir Snorra og kannski dagurinn þar sem allt snerist. Útskýring á einkunnum 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur EM 2024 í handbolta Landslið karla í handbolta Mest lesið Óli Stef ósáttur við Guðmund: „Ekki fengið neina kennslu, þroska og pepp“ Handbolti Logið upp á Einar Örn í dönskum miðlum Handbolti Ljótar senur á HM í handbolta í kvöld: Hræktu á Staffan Olsson Handbolti Í beinni: Ísland - Kúba | Komið að Kúbverjum Handbolti Leik lokið: Valur - Malaga Costa Del Sol 31-26| Valskonur áfram eftir frábæra frammistöðu Handbolti HM í dag: Kúbuvindlarnir á leið í Kópavoginn Handbolti „Þetta var allsherjar klúður þarna“ Handbolti Núnez með tvö mörk í uppbótartíma Enski boltinn Búnir að fá nóg af stælunum í Grindvíkingum Körfubolti Gætið ykkar: Enginn með Wikipedia-síðu og vindlasölumaðurinn Handbolti Fleiri fréttir „Við vorum komnar með blóðbragð í munninn“ Slóvenar taka forystuna í riðlinum okkar Aron Pálmarsson í hóp í kvöld Í beinni: Ísland - Kúba | Komið að Kúbverjum Leik lokið: Valur - Malaga Costa Del Sol 31-26| Valskonur áfram eftir frábæra frammistöðu „Væri fínt fyrir mig sem þjálfara“ Logið upp á Einar Örn í dönskum miðlum Óli Stef ósáttur við Guðmund: „Ekki fengið neina kennslu, þroska og pepp“ „Auðvitað vil ég alltaf spila“ Gætið ykkar: Enginn með Wikipedia-síðu og vindlasölumaðurinn HM í dag: Kúbuvindlarnir á leið í Kópavoginn Óttast að fyrirliði Dags sé illa meiddur „Verðum að hlaupa betur til baka“ Risa Evrópuleikur á Hlíðarenda: „Tökum Spánverjana á taugum með fullu húsi“ „Þetta var allsherjar klúður þarna“ „Þurfum að taka Dani til fyrirmyndar“ Ljótar senur á HM í handbolta í kvöld: Hræktu á Staffan Olsson Dagur og Alfreð unnu báðir á HM í kvöld en mjög ólíka sigra Framkonur áfram öflugar í Lambhagahöllinni Aron skráður inn á HM og löglegur á morgun Strákarnir hans Arons töpuðu aftur „Held að þetta fylgi bara umræðunni á Íslandi“ Katastrófan vegna klaufa í Kristianstad Gapandi hissa á „katastrófu“ í leik Íslands: „Hvaða grín er þetta?“ HM í dag: Bitur Króati og blaðamenn í brasi Gaf tvær stoðsendingar í fyrri hálfleik þrátt fyrir að koma ekkert inn á „Óheppni ef þú gerir þetta einu sinni en síendurtekið er þetta bara lélegt“ Segir áhorfendatölur á HM ýktar: „Leið eins og það væru svona fimm hundruð“ Lætur ekki glepjast þrátt fyrir þrettán marka sigur: „Hafa ekki efni á þessu“ Myndasyrpa úr stórsigri strákanna í fyrsta leik á HM Sjá meira
Leikurinn var afar sveiflukenndur. Króatar komust mest fjórum mörkum yfir í fyrri hálfleik, 8-4, og leiddu með tveimur mörkum að honum loknum, 18-16. Íslendingar spiluðu hins vegar frábærlega í seinni hálfleik; vörnin var gríðarlega öflug, Björgvin Páll Gústavsson sýndi sínar bestu hliðar í markinu, sóknarleikurinn gekk smurt fyrir sig og hraðaupphlaupin skiluðu mörgum mörkum. Ísland breytti stöðunni úr 25-25 í 25-31 á sex mínútna kafla og vann svo leikinn með fimm marka mun, 30-35. Íslendingar eiga því enn möguleika á að komast í forkeppni Ólympíuleikanna í París. Til að sá draumur rætist þarf Ísland að vinna Austurríki í lokaumferð milliriðilsins á miðvikudaginn og Austurríkismenn að tapa fyrir Frökkum í dag. Reyndustu leikmenn íslenska liðsins sýndu úr hverju þeir eru gerðir í leiknum í dag. Björgvin og Aron Pálmarsson voru framúrskarandi góðir og Bjarki Már Elísson var stórkostlegur í seinni hálfleik eftir að hafa klúðrað þremur skotum í röð seinni hluta fyrri hálfleiks. Í hinu horninu skoraði Óðinn Þór Ríkharðsson sex mörk úr sex skotum, annan leikinn í röð, og Haukur Þrastarson átti aftur frábæra innkomu. Viggó Kristjánsson var góður í seinni hálfleik, varnarleikurinn hjá Elvari Erni Jónssyni var til fyrirmyndar og svo mætti áfram telja. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Króatíu:- Byrjunarlið Íslands í leiknum - Viktor Gísli Hallgrímsson, markvörður - 1 (0 varin skot - 8:02 mín.) Byrjaði í markinu en varði ekkert. Vörnin var slök en Viktor fékk ekkert við ráðið. Á enn of marga svona leiki. Bjarki Már Elísson, vinstri hornamaður - 5 (8 mörk - 60:00 mín.) Skoraði úr fyrstu þremur skotunum sínum en klikkaði svo á þremur dauðafærum í röð. En sýndi mikinn andlegan styrk í seinni hálfleik þar sem hann skoraði úr öllum fimm skotunum sínum. Alvöru leikmenn svara svona fyrir sig. Aron Pálmarsson, vinstri skytta - 6 (6 mörk - 43:27 mín.) Besti landsleikur fyrirliðans síðan gegn Danmörku í fyrsta leik á EM 2020. Aron spilaði frábærlega í dag; sterkur í vörninni og skoraði úr fyrstu sex skotunum sínum. Stýrði sókninni eins og snillingur í seinni hálfleik og gaf fjórar stoðsendingar. Dró vagninn eins og sönnum fyrirliða sæmir. Gísli Þorgeir Kristjánsson, leikstjórnandi - 4 (3 mörk - 5:38 mín.) Byrjaði leikinn af krafti og skoraði þrjú mörk. Meiddist hins vegar þegar hann skoraði þriðja markið og kom ekki meira við sögu eftir það. Viggó Kristjánsson, hægri skytta - 4 (4 mörk - 50:15 mín.) Átti erfitt uppdráttar í fyrri hálfleik og náði ekki alveg að fylgja eftir frammistöðunni gegn Frakklandi. En steig upp í seinni hálfleik. Spilaði þá allan tímann og var sterkur á báðum endum vallarins. Lék sérstaklega vel þegar Ísland byggði upp forskotið í seinni hálfleik. Óðinn Þór Ríkharðsson, hægri hornamaður - 5 (6 mörk - 57:54 mín.) Frábær frammistaða hjá Óðni, annan leikinn í röð. Skoraði sex mörk úr sex skotum og sitt venjulega aftur-fyrir-bak mark. Ýmir Örn Gíslason, línumaður - 1 (0 mörk - 10:50 mín.) Var of bráður og fékk rautt spjald fyrir að slá Zvonimir Srna. Slæm ákvörðun hjá Ými en sem betur fer kom hún ekki að sök. Elvar Örn Jónsson, varnarmaður - 4 (1 mark - 43:25 mín.) Fann sig ekki alveg í fyrri hálfleik og tapaði boltanum meðal annars tvisvar sinnum klaufalega. En varnarframmistaða Elvars í seinni hálfleik var ekkert minna en stórkostleg. - Menn sem komu inn af bekknum í leiknum - Björgvin Páll Gústavsson, markvörður - 6 (15 varin skot - 50:22 mín.) Frábær frammistaða hjá okkar reyndasta manni. Kom inn á fyrir Viktor eftir um tíu mínútur og varði vel eftir það, alls fimmtán skot, eða 41 prósent þeirra skota sem hann fékk á sig. Skoraði auk þess eitt mark. Skrifaði enn einn kaflann í langa og glæsilega landsliðsbók sína. Elliði Snær Viðarsson, línumaður - 4 (2 mörk - 30:49 mín.) Byrjaði ekki inn á þrátt fyrir góða frammistöðu gegn Frökkum. En kom sterkur inn í dag. Skoraði tvö mörk og var gríðarlega öflugur í vörninni í seinni hálfleik. Kristján Örn Kristjánsson, hægri skytta - 3 (1 mark - 5:24 mín.) Skoraði og gaf stoðsendingu í fyrstu tveimur sóknunum sínum á mótinu. Gerði sig síðan sekan um nokkur mistök. Spilaði ekkert í seinni hálfleik en sýndi að hann getur nýst íslenska liðinu. Haukur Þrastarson, leikstjórnandi 5 (3 mörk - 19:52 mín.) Aftur frábær frammistaða hjá Hauki. Kom inn á í fyrri hálfleik og klikkaði þá á tveimur skotum sem voru bæði tekin í neyð. Kom aftur inn á í seinni hálfleik og spilaði þá eins og engill. Skoraði þrjú mörk, þar af tvö með sínum víðfrægu undirhandarskotum, og gaf fimm stoðsendingar. Þvílík búbót fyrir íslenska landsliðið að hafa endurheimt þennan gullmola. Arnar Freyr Arnarsson, línumaður - 3 (1 mark - 24:17 mín.) Brenndi af tveimur dauðafærum og tapaði boltanum einu sinni en hjálpaði mikið til í vörninni. Einar Þorsteinn Ólafsson, varnarmaður 3 - (0 mörk - 9:45 mín.) Kom með fína innkomu og vörnin lagaðist fyrstu mínúturnar eftir að hann kom inn á. Framtíðarmaður í vörn íslenska liðsins. Stiven Tobar Valencia, vinstri hornamaður - spilaði ekkert Sigvaldi Guðjónsson, hægri hornamaður - spilaði ekkert Snorri Steinn Guðjónsson þjálfari - 5 Þurfti heldur betur að vinna fyrir kaupinu sínu í dag. Janus Daði Smárason og Ómar Ingi Magnússon gátu ekki spilað vegna meiðsla og snemma leiks hrukku þeir Ýmir og Gísli úr skaftinu. En Snorri spilaði vel úr sínum spilum í dag. Þetta var frammistaðan sem við erum búin að bíða eftir allt mótið. Og seinni hálfleikurinn var algjörlega framúrskarandi af Íslands hálfu. Vörnin var sterk, markvarslan stöðug og góð, sóknin örugg og loksins komu mörk úr hraðaupphlaupum, alls ellefu. Þetta var stór dagur fyrir Snorra og kannski dagurinn þar sem allt snerist. Útskýring á einkunnum 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur
6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur
EM 2024 í handbolta Landslið karla í handbolta Mest lesið Óli Stef ósáttur við Guðmund: „Ekki fengið neina kennslu, þroska og pepp“ Handbolti Logið upp á Einar Örn í dönskum miðlum Handbolti Ljótar senur á HM í handbolta í kvöld: Hræktu á Staffan Olsson Handbolti Í beinni: Ísland - Kúba | Komið að Kúbverjum Handbolti Leik lokið: Valur - Malaga Costa Del Sol 31-26| Valskonur áfram eftir frábæra frammistöðu Handbolti HM í dag: Kúbuvindlarnir á leið í Kópavoginn Handbolti „Þetta var allsherjar klúður þarna“ Handbolti Núnez með tvö mörk í uppbótartíma Enski boltinn Búnir að fá nóg af stælunum í Grindvíkingum Körfubolti Gætið ykkar: Enginn með Wikipedia-síðu og vindlasölumaðurinn Handbolti Fleiri fréttir „Við vorum komnar með blóðbragð í munninn“ Slóvenar taka forystuna í riðlinum okkar Aron Pálmarsson í hóp í kvöld Í beinni: Ísland - Kúba | Komið að Kúbverjum Leik lokið: Valur - Malaga Costa Del Sol 31-26| Valskonur áfram eftir frábæra frammistöðu „Væri fínt fyrir mig sem þjálfara“ Logið upp á Einar Örn í dönskum miðlum Óli Stef ósáttur við Guðmund: „Ekki fengið neina kennslu, þroska og pepp“ „Auðvitað vil ég alltaf spila“ Gætið ykkar: Enginn með Wikipedia-síðu og vindlasölumaðurinn HM í dag: Kúbuvindlarnir á leið í Kópavoginn Óttast að fyrirliði Dags sé illa meiddur „Verðum að hlaupa betur til baka“ Risa Evrópuleikur á Hlíðarenda: „Tökum Spánverjana á taugum með fullu húsi“ „Þetta var allsherjar klúður þarna“ „Þurfum að taka Dani til fyrirmyndar“ Ljótar senur á HM í handbolta í kvöld: Hræktu á Staffan Olsson Dagur og Alfreð unnu báðir á HM í kvöld en mjög ólíka sigra Framkonur áfram öflugar í Lambhagahöllinni Aron skráður inn á HM og löglegur á morgun Strákarnir hans Arons töpuðu aftur „Held að þetta fylgi bara umræðunni á Íslandi“ Katastrófan vegna klaufa í Kristianstad Gapandi hissa á „katastrófu“ í leik Íslands: „Hvaða grín er þetta?“ HM í dag: Bitur Króati og blaðamenn í brasi Gaf tvær stoðsendingar í fyrri hálfleik þrátt fyrir að koma ekkert inn á „Óheppni ef þú gerir þetta einu sinni en síendurtekið er þetta bara lélegt“ Segir áhorfendatölur á HM ýktar: „Leið eins og það væru svona fimm hundruð“ Lætur ekki glepjast þrátt fyrir þrettán marka sigur: „Hafa ekki efni á þessu“ Myndasyrpa úr stórsigri strákanna í fyrsta leik á HM Sjá meira
Leik lokið: Valur - Malaga Costa Del Sol 31-26| Valskonur áfram eftir frábæra frammistöðu Handbolti
Leik lokið: Valur - Malaga Costa Del Sol 31-26| Valskonur áfram eftir frábæra frammistöðu Handbolti