Í gær, laugardag, var tónleikum hans í Marseille í Frakklandi aflýst vegna „raddvandamáls,“ eins og sagði í tilkynningu. Frekari læknisskoðun hafi leitt í ljós að Springsteen skyldi ekki koma fram næstu tíu daga.
Hins vegar er búist við því að Springsteen stígi aftur á svið síðar í júnímánuði í Madríd á Spáni, að því er fram kemur í frétt Mirror um málið.
Auk tónleikanna í Frakklandi hefur tónleikum hans í Prag í Tékklandi og Mílanó á Ítalíu verið aflýst. Nýjum dagsetningum verður komið fyrir í dagatalinu.
„Bruce er að ná sér á strik á ný, hann og E Street bandið hlakka til að hefja tónlieikaferðalagið á ný í Madríd“ segir auk þess í tilkynningu frá teymi Springsteen.
