Fischersunds systkinin Jónsi, Inga, Lilja og Sigurrós Birgisbörn standa fyrir glæsilegri listasýningu í Norræna safninu í Seattle, Bandaríkjunum um þessar mundir. Gestum er boðið í ferðalag lyktar, hljóðs og listsköpunar á þessari fyrstu safnasýningu þeirra sem opnaði með glæsibrag samhliða tónleikum Jónsa, sem er hvað þekktastur sem söngvari sveitarinnar Sigur Rós, ásamt Sin Fang og Kjartani Holm.
Sýningin er sett upp í fimm hlutum, ber heitið Fischersund: Faux Flora og fjöldi fólks vestanhafs lagði leið sína á safnið fyrir þessa einstöku lífsreynslu. Sömuleiðis seldist upp á tvenna tónleika sem haldnir voru sömu helgina.
Hér má sjá vel valdar myndir frá opnuninni, þar sem gestir voru ófeimnir við að skella sér í ilmferðalag:
„Þetta er algjör draumur að rætast,“ segir Lilja Birgisdóttir, einn af stofnendum ilmverslunarinnar Fischersunds. Hún og hennar teymi fögnuðu tískuvikunni í París á dögunum í virtu versluninni Dover Street parfums market þar sem ilmvötn Fischersunds fóru í sölu.
