Sammie Szmodics, lærisveinn Heimis Hallgrímssonar í írska landsliðinu, kom gestunum frá Ipswich yfir á 38. mínútu með skoti úr teignum eftir klaufalega hreinsun.
Fulham náði loks að jafna metin á 69. mínútu þegar Raul Jimenez skoraði úr vítaspyrnu, en nánast andartaki síðar komst Ipswich yfir á nýjan leik þegar Liam Delap skoraði úr víti.
Það stefndi í sætan útisigur Ipswich þegar Fulham fékk aftur víti undir lokin, og aftur skoraði Jimenez af vítapunktinum.
Fulham er nú með 30 stig í 9. sæti en Ipswich er enn í fallsæti, 18. sæti, með 16 stig.
