Real Sociedad mætti til Danmerkur í kvöld og vann 2-1 útisigur á Midtjylland. Seinni leikurinn er síðan spilaður á Spáni í næstu viku.
Orri Steinn var í byrjunarliði Real Sociedad í kvöld en fór af velli á 73. mínútu.
Brais Méndez kom Sociedad í 1-0 á 11. mínútu með marki úr vítaspyrnu og Takefusa Kubo bætti við öðru makri á 31. mínútu eftir stoðsendingu frá Brais Méndez.
Adam Buksa minnkaði muninn sjö mínútum fyrir hálfleik og hvorugu liðinu tókst síðan að bæta við mörkum það sem eftir lifði leiks.
Orri fór af velli fyrir spænska landsliðsmanninn Mikel Oyarzabal. Orri náði einu skoti í leiknum og snerti boltann 26 sinnum þar af þrisvar í vítateig mótherjanna. Skottilraun hans fékk 0,06 í xG.
