Enski boltinn

Fékk styttra bann síðast en lengra bann núna

Ágúst Orri Arnarson skrifar
Cunha skildi ekkert í spjaldinu og gekk berserksgang í kjölfarið.
Cunha skildi ekkert í spjaldinu og gekk berserksgang í kjölfarið. Ryan Pierse/Getty Images

Matheus Cunha mun þurfa að taka út einn auka leik í banni, vegna hegðunar sinnar í garð Milos Kerkez leikmanns Bournemouth. Cunha mun því taka út fjögurra leikja bann í stað þriggja leikja bannsins sem hann fékk sjálfkrafa fyrir beint rautt spjald. 

Enska knattspyrnusambandið tilkynnti um ákvörðunina í dag. Brasilíski framherjinn gekkst við brotinu, að hafa hegðað sér á óviðeigandi hátt. Hann sást ítrekað öskra á Milos Kerkez, var dreginn úr aðstæðum og fylgt niður í klefa, eftir að hafa fengið rautt spjald.

Draga þurfti Cunha burt. Mike Hewitt/Getty Images

Cunha hefur nú þegar tekið út tvo af fjórum leikjum, jafnteflið gegn Everton 8. mars og sigurinn gegn Southampton viku síðar. Hann mun missa af næsta leik gegn West Ham 1. apríl og einnig leiknum gegn Ipswich 5. apríl.

Cunha er markahæsti maður Úlfanna á tímabilinu með þrettán deildarmörk, auk fjögurra stoðsendinga og mun væntanlega snúa aftur á völlinn gegn Tottenham þann 13. apríl.

Þetta er í annað sinn á tímabilinu sem Cunha er sendur í bann, síðast var það þó stytt eftir hjartnæma afsökunarbeiðni. 

Enski boltinn

Mest lesið


Fleiri fréttir

Sjá meira


×

Mest lesið