Ástin á götunni

Leikjum lokið í ensku

Leikjunum sem hófust klukkan 14 í ensku úrvalsdeildinni er nú lokið. Meistarar Chelsea unnu Sunderland nokkuð auðveldlega 2-0 og Manchester liðin skildu jöfn 1-1,í æsilegum grannaslag, eins og reyndar Tottenham og Liverpool í London.

Sport 14.10.2005 06:41

Teitur Þórðarson næsti þjálfari KR

Teitur Þórðarson verður næsti þjálfari meistaraflokks karla hjá KR. Teitur tekur við liðinu í haust af þeim Sigursteini Gíslasyni og Einari Þór Daníelssyni sem stýrt hafa KR frá því Magnúusi Gylfasyni var vikið frá störfum í lok júlí. Teitur Þórðarson var væntanlegur til landsins í kvöld en fyrirhugað er að skrifa undir samkomulag við hann í fyrramálið um þjálfun KR. Þá er blaðamannafundur fyrirhugaður fyrir hádegi þar sem ráðning hans verður kynnt.

Sport 14.10.2005 06:41

Merkur áfangi hjá Rooney

Táningurinn Wayne Rooney náði þeim merkilega áfanga um helgina að verða yngsti leikmaðurinn í sögu ensku úrvalsdeildarinnar til að spila 100 leiki.

Sport 14.10.2005 06:41

Maccarone kemur Boro í 2-0

Massimo Maccarone hefur komið Middlesbrough í 2-0 gegn Arsenal í lokaleik dagsins í ensku úrvalsdeildinni og því er útlitið orðið svart hjá bikarmeisturunum. Aðeins um stundarfjórðungur er eftir af leiknum.

Sport 14.10.2005 06:41

Wenger slær á létta strengi

Arsene Wenger, knattspyrnustjóri Arsenal, er ekki vanur að vera mikill háðfugl, en þegar hann var spurður út í ráðningu grannaliðsins Tottenham á Damien Comolli á dögunum, sá hann ástæðu til að slá á létta strengi.

Sport 14.10.2005 06:41

Middlesbrough lagði Arsenal 2-1

Middlesbrough vann frækinn sigur á Arsenal í síðasta leiknum í ensku úrvalsdeildinni í dag. Það voru þeir Yakubu og Massimo Maccarone sem komu heimamönnum í 2-0, en Spánverjinn Jose Antonio Reyes minnkaði muninn í uppbótartíma fyrir Arsenal, sem hefur nú tapað tveimur af fyrstu fjórum leikjum sínum í deildinni.

Sport 14.10.2005 06:41

Breiðablik komið yfir

Blikastúlkur voru rétt í þessu að komast yfir 2-1 gegn KR í bikarúrslitaleik kvenna á Laugardalsvelli. KR stúlkur komust í 1-0 eftir aðeins fimm mínútna leik, en Blikastúlkur komust yfir 2-1 í blálokin á hálfleiknum.

Sport 14.10.2005 06:41

Jol hrósar Michael Carrick

Martin Jol, knattspyrnustjóri Tottenham Hotspurs, hrósaði miðjumanni sínum Michael Carrick í hástert eftir leikinn við Liverpool í dag og sagði hann hafa átt miðjuna í leiknum. Jol segist ekki skilja af hverju Carrick er ekki valinn í enska landsliðið.

Sport 14.10.2005 06:41

Tap hjá Bjarna og félögum

Plymouth, lið Bjarna Guðjónssonar í ensku fyrstu deildinni, tapaði 2-0 fyrir Norwich nú áðan, en Bjarni kom ekki við sögu í leiknum. Þetta var fyrsti sigur Norwich á leiktíðinni, en lið Plymouth, sem nýverið rak stjóra sinn, á í miklum erfiðleikum þessa dagana.

Sport 14.10.2005 06:41

Rooney skapheitur

Wayne Rooney er einn hæfileikaríkasti knattspyrnumaður heims í dag og er almennt talinn einn besti framherjinn í ensku úrvalsdeildinni. Hann á þó í mestu vandræðum með að hemja skap sitt og eftir að hafa lofað öllu fögru fyrir skömmu síðan, er hann aftur kominn í fréttirnar fyrir stuttan kveikjuþráð sinn.

Sport 14.10.2005 06:41

Þeir áttu jafnteflið ekki skilið

Alex Ferguson, knattspyrnustjóri Manchester United var ekki sáttur við jafnteflið við grannaliðið Manchester City á Old Trafford í dag, en var þó nokkuð sáttur við leik sinna manna.

Sport 14.10.2005 06:41

Hálfleikur á Englandi

Fyrri hálfleik er nú lokið í flestum leikjanna sem hófust klukkan 14 í ensku úrvalsdeildinni, en fá mörk hafa litið dagsins ljós fram að þessu. Staðan á Old Trafford er 1-0 fyrir Manchester United gegn grönnunum í Manchester City, en enn er markalaust hjá Tottenham og Liverpool.

Sport 14.10.2005 06:41

Draumur í dós

Við byrjuðum þennan leik reyndar á hælunum en það var fínt að fá á okkur þetta mark. Þetta var eins og gusa framan í okkur og áttu þær ekki möguleika eftir að við byrjuðum að skora okkar mörk," sagði fyrirliði og markvörður Breiðabliks, Þóra Helgadóttir, eftir bikarsigurinn í gær.

Sport 14.10.2005 06:41

Blikar lyftu bikarnum í 1. deild

Breiðablik vann góðan 2-1 sigur á KA í Kópavogi í dag og fengu afhentan bikarinn fyrir sigurinn í fyrstu deildinni eftir leikinn. KA menn þurftu helst að sigra í leiknum, því þeir voru í harðri baráttu við Víking um að komast upp í Landsbankadeild að ári, en þeim varð ekki að ósk sinni.

Sport 14.10.2005 06:41

Blikar í vænlegri stöðu

Íslandsmeistarar Breiðabliks eru komnir í vænlega stöðu í bikarúrslitaleiknum á Laugardalsvelli, en þær leiða sem stendur 4-1 gegn KR. Það var Tesia Ann Kozlowski sem skoraði þriðja mark Blikastúlkna eftir 52 mínútur og Gréta Mjöll bætti við fjórða markinu skömmu síðar.

Sport 14.10.2005 06:41

KS féll í aðra deild

Völsungur á Húsavík vann góðan sigur á KS í sannkölluðum botnslag í fyrstu deild karla í dag, en með tapinu er ljóst að KS er fallið í aðra deild. Með sigrinum eiga Völsungar því enn möguleika á að halda sæti sínu í deildinni og eru sem stendur einu stigi frá fallsvæðinu þegar ein umferð er eftir.

Sport 14.10.2005 06:41

Betra að vera í úrvaldseildinni

Mick McCarthy, stjóri Sunderland, er duglegur að finna ljósu punktana í afleitu gengi hans manna í úrvalsdeildinni og eftir tapið gegn Chelsea í gær, sagði hann að það væri í það minnsta betra að vera staddur í úrvalsdeildinni en í fyrstu deildinni.

Sport 14.10.2005 06:41

Meistaradeildin er betri en HM

Alex Ferguson, knattspyrnustjóri Manchester United, segir að Meistaradeild Evrópu sé sterkari og skemmtilegri keppni en sjálft Heimsmeistaramótið í knattspyrnu.

Sport 14.10.2005 06:41

Yakubu kemur Boro yfir

Framherjinn sterki Yakubu hjá Middlesbrough var nú rétt í þessu að koma Boro yfir 1-0 á móti Arsenal, í síðasta leik dagsins í ensku úrvalsdeildinni. Arsenal óð í færum framan af leik en nú hafa heimamenn tekið forystuna á 40. mínútu. Thierry Henry leikur ekki með Arsenal í dag vegna meiðsla.

Sport 14.10.2005 06:41

Við áttum að vinna þennan leik

Arsene Wenger var ekki par kátur með frammistöðu sinna manna í Arsenal þegar liðið lá fyrir Middlesbrough í dag. Wenger sagði sína menn hafa verið betri allan leikinn og þótti þá eiga skilið að vinna hann.

Sport 14.10.2005 06:41

Reynir meistari í þriðju deild

Reynir frá Sandgerði varð í dag 3. deildar meistari, þegar liðið lagði Sindra frá Höfn í Hornafirði 4-1. Í leiknum um þriðja sætið sigruðu Gróttumenn Leikni frá Fáskrúðsfirði 5-4 í hörkuleik.

Sport 14.10.2005 06:41

Henry stefnir á markametið

Franski framherjinn Thierry Henry getur um helgina jafnað markamet Ian Wright hjá Arsenal, sem er 185 mörk en segist lítið hugsa um metið og vill bara skora eins mörg mörk og hann mögulega getur til að vinna leiki.

Sport 14.10.2005 06:41

Dagsformið ræður úrslitum

Breiðablik hefur átt góðu gengi að fagna í sumar og sigraði í Landsbankadeildinni með töluverðum yfirburðum en eini leikurinn sem liðinu hefur ekki tekist að vinna var gegn KR, en þeim leik lauk með 0-0 jafntefli í Frostaskjólinu.

Sport 14.10.2005 06:41

Pearce óttast ekki grannaslaginn

Stuart Pearce, knattspyrnustjóri Manchester City, segist ekki hafa neinar áhyggjur af grannaslagnum við United á Old Trafford á morgun, en þar hefur City ekki sigrað í meira en þrjá áratugi.

Sport 14.10.2005 06:41

Ætlum að vinna tvöfalt

Þóra Helgadóttir, fyrirliði og markvörður Breiðabliks, kom til Breiðabliks fyrir tímabilið en hún hóf feril sinn hjá félaginu. "Þetta sumar er búið að vera virkilega skemmtilegt og það er líka gaman fyrir mig að snúa aftur í mitt gamla félag á uppgangstímum."

Sport 14.10.2005 06:41

Mourinho heldur tryggð við Lampard

Jose Mourinho segist ekki láta gagnrýni Sven-Göran Eriksson á Frank Lampard á sig fá og bendir á að það sem Lampard geri með enska landsliðinu komi sér ekki við.

Sport 14.10.2005 06:41

Ferdinand sáttur við stutt frí

Rio Ferdinand segist vera sáttur við að hafa verið kallaður snemma úr sumarfríi sínu ásamt öðrum leikmönnum Manchester United, og segir þá hafa átt það skilið eftir lélega frammistöðu í fyrra.

Sport 14.10.2005 06:41

Faria Alam tapaði málsókn sinni

Ritarinn Faria Alam tapaði í dag máli sínu gegn enska knattspyrnusambandinu fyrir rétti, en kærurnar sem hún hafði fram á hendur manna innan sambandsins um ólöglega uppsögn og kynferðislega áreitni, var vísað frá.

Sport 14.10.2005 06:41

Newcastle ætlar á topp sex

Freddy Shepherd, stjórnarformaður Newcastle, hefur gefið það út að krafa stjórnarinnar sé að liðið endi ekki neðar en í sjötta sæti ensku úrvalsdeildarinnar í vor, eftir að gríðarlegum fjármunum hefur verið varið í að styrkja hópinn í sumar.

Sport 14.10.2005 06:41

Eigum jafna möguleika á sigri

Hrefna Jóhannesdóttir, fyrirliði KR, á ekki von á því að spennan muni trufla KR-ingana í leiknum. "Við ætlum að njóta þess að spila þennan leik og við höfum engu að tapa. Breiðablik er sigurstranglegra liðið og við mætum auðvitað til leiks meðvitaðar um það."

Sport 14.10.2005 06:41