Norðurírski framherjinn Will Grigg sem sló í gegn á EM í Frakklandi, þrátt fyrir að hafa ekki spilað mínútu á mótinu, er í 25. sæti á listanum yfir bestu knattspyrnumenn Evrópu sem var gefinn út í dag.
Grigg, sem leikur með Wigan Athletic, var á allra vörum á EM, en lagið um þennan 25 ára framherja sló svo sannarlega í gegn í Frakklandi.
Sjá einnig: Spilaði ekki mínútu á EM en ertu að grínast með móttökurnar | Myndband
Blaðamenn frá öllum 55 aðildalöndum UEFA skiluðu inn fimm manna lista yfir þá sem þeir teldu vera bestu leikmenn Evrópu tímabilið 2015-16.
Kosið verður á milli þeirra 10 efstu í kjörinu en besti knattspyrnumaður Evrópu verður tilkynntur við hátíðlega athöfn í Mónakó 27. ágúst.
Evrópumeistarar Portúgals eiga tvo fulltrúa á listanum, Cristiano Ronaldo og Pepe. Sá fyrrnefndi fékk verðlaun sem besti knattspyrnumaður Evrópu 2014 og það verður að teljast ansi líklegt að hann fái þau aftur í ár.
Sigurvegarinn frá því í fyrra, Lionel Messi, er einnig á 10 manna listanum ásamt Luis Suárez, Antoine Griezmann, Manuel Neuer, Thomas Müller, Toni Kroos, Gianluigi Buffon og Gareth Bale.
Spilaði ekki mínútu á EM en er samt í 25. sæti yfir bestu knattspyrnumenn Evrópu
Tengdar fréttir
Sara Björk sú nítjánda besta í Evrópu
Sara Björk Gunnarsdóttir, leikmaður Wolfsburg og íslenska landsliðsins, er í 19. sæti á lista UEFA yfir bestu knattspyrnukonur Evrópu tímabilið 2015-16.
Stuðningsmenn Hamburg hefja undirskriftasöfnun til að fá Will Grigg
Norður-Írinn Will Grigg sló í gegn á EM í Frakklandi þrátt fyrir að hafa ekki spilað mínútu á mótinu.
