Ruud vill leika á Spáni

Umboðsmaður Ruud van Nistelrooy hjá Man Utd segir leikmanninn vilja leika á Spáni áður en ferli hans lýkur. Hann gefur til kynna að það gæti orðið svo snemma sem næsta sumar en Nistelrooy hefur áður verið orðaður við Real Madrid. "Það eru líkur á að eitthvað gerist næsta sumar meira get ég ekki sagt í augnablikinu. Ef ég segi meira fæ ég alla fjölmiðla Englands og Spánar á bakið á mér en á þessari stundu vil ég heldur ekki ljúga neinu um þetta." sagði umboðsmaður hollenska landsliðsmannsins í viðtali við Mail on Sunday í dag. Ruud hefur áður verið sterklega orðaður við Real Madrid áður og umboðsmaðurinn staðfestir að spænska liðið hafi lagt fram tilboð í leikmanninn fyrir 2 árum. "Ruud hefði þénað mun meiri pening á Spáni en honum fannst hann eiga meira verk fyrir hendi hjá Man Utd." sagði Linse, umboðsmaður Hollendingsins.