Evrópusambandið samþykkti í dag samning um að hefja samstarf við Kasakstan í kjarnorkumálum en landið er þriðji stærsti framleiðandi úrans. Samningurinn kveður á um samstarf á friðsamlegri nýtingu kjarnorku á sviðum eins og öryggismálum, rannsóknum og þróunum sem og viðskiptum með kjarnaefni hvers konar.
Forseti Kasakstan, Nursultan Nazarbayev, mun síðan skrifa undir samkomulagið í opinberri heimsókn sinni til Belgíu síðar í dag.
