Í fréttum: Þetta helst ... 19. febrúar 2007 05:00 1 Rúða lenti á höfði níu ára stúlku2 Eiríkur Hauksson verður fulltrúi Íslands í Helsinki3 Bellamy lamdi Riise með golfkylfu4 Britney snoðklippt á húðflúrsstofu5 Látinn fyrir framan sjónvarpið í rúmt ár ALÞINGISKOSNINGAR nálgast. Þess vegna reyna fjölmiðlar og kjósendur eftir megni að fylgjast með og greina stöðu mála í þjóðfélaginu til að geta tekið yfirvegaða afstöðu á kjördegi. Á hinni ágætu netsíðu mbl.is er hægt að sjá hvaða fréttir vekja mesta athygli og má af því draga ýmsar ályktanir. FYRSTA FRÉTTIN fjallar um málefni barna. Þar segir frá heimilisófriði er tösku var kastað í glugga. Fór stórt stykki úr rúðu niður á götu og lenti á höfði níu ára stúlku. Rúðan var lárétt þegar hún lenti en stúlkan var með húfu og í góðri úlpu svo hana sakaði ekki. ÖNNUR FRÉTTIN fjallar um menningarmál: Eiríkur Hauksson mun syngja fyrir Íslands hönd í forkeppni Söngvakeppni evrópskra sjónvarpsstöðva sem fer fram 10. maí næstkomandi í Helsinki. ÞRIÐJA FRÉTTIN fjallar um íþróttir, nánar tiltekið hina vinsælu íþróttagrein karlaknattspyrnu, en enskir fjölmiðlar skýra frá því að Craig Bellamy hjá Liverpool hafi lamið félaga sinn John Arne Riise með golfkylfu í æfingabúðum liðsins í Portúgal. FJÓRÐA FRÉTTIN fjallar um tísku sem bendir til þess að stefnumið flokkanna í menningarmálum verði ofarlega á baugi í kosningunum í vor. Í fréttinni er greint frá því að söngkonan Britney Spears hafi mætt nauðasköllótt á húðflúrsstofu í Kaliforníu og látið flúra tvennar varir, rauðar og bleikar á úlnlið sinn. FIMMTA FRÉTTIN fjallar um alþjóðamál: Karlmaður fannst látinn fyrir framan sjónvarpið sitt á heimili sínu í Bandaríkjunum fyrir skömmu. Þar hafði maðurinn setið látinn í stól í rúmt ár og enn var kveikt á sjónvarpinu. Þegar Ísland tekur sæti í Öryggisráði S.Þ. væri snjallt að leggja fram tillögu um alþjóðlegan orkusparnað með því að skylda sjónvarpsnotendur til að nota fjarstýringu sem slekkur á rafmagnstækjum heimilisins þegar hjarta notandans hættir að slá. Viltu birta grein á Vísi? Sendu okkur póst. Senda grein Þráinn Bertelsson Mest lesið Byggjum fyrir eldra fólk, ekki ungt Ólafur Margeirsson Skoðun Hlustum í eitt skipti á foreldra Jón Pétur Zimsen Skoðun Hugleiðingar um ástandið fyrir botni Miðjarðarhafs Örn Sigurðsson Skoðun Okkar lágkúrulega illska Lóa Hlín Hjálmtýsdóttir Skoðun Andaðu rólega elskan... Ester Hilmarsdóttir Skoðun Ég vildi óska þess að ég hefði hreinlega fengið krabbamein Íris Elfa Þorkelsdóttir Skoðun Öndum rólega – á meðan húsið brennur Magnús Magnússon Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson Skoðun Skólaskætingur Þórdís Kolbrún R. Gylfadóttir Skoðun Halldór 23.8.2025 Halldór
1 Rúða lenti á höfði níu ára stúlku2 Eiríkur Hauksson verður fulltrúi Íslands í Helsinki3 Bellamy lamdi Riise með golfkylfu4 Britney snoðklippt á húðflúrsstofu5 Látinn fyrir framan sjónvarpið í rúmt ár ALÞINGISKOSNINGAR nálgast. Þess vegna reyna fjölmiðlar og kjósendur eftir megni að fylgjast með og greina stöðu mála í þjóðfélaginu til að geta tekið yfirvegaða afstöðu á kjördegi. Á hinni ágætu netsíðu mbl.is er hægt að sjá hvaða fréttir vekja mesta athygli og má af því draga ýmsar ályktanir. FYRSTA FRÉTTIN fjallar um málefni barna. Þar segir frá heimilisófriði er tösku var kastað í glugga. Fór stórt stykki úr rúðu niður á götu og lenti á höfði níu ára stúlku. Rúðan var lárétt þegar hún lenti en stúlkan var með húfu og í góðri úlpu svo hana sakaði ekki. ÖNNUR FRÉTTIN fjallar um menningarmál: Eiríkur Hauksson mun syngja fyrir Íslands hönd í forkeppni Söngvakeppni evrópskra sjónvarpsstöðva sem fer fram 10. maí næstkomandi í Helsinki. ÞRIÐJA FRÉTTIN fjallar um íþróttir, nánar tiltekið hina vinsælu íþróttagrein karlaknattspyrnu, en enskir fjölmiðlar skýra frá því að Craig Bellamy hjá Liverpool hafi lamið félaga sinn John Arne Riise með golfkylfu í æfingabúðum liðsins í Portúgal. FJÓRÐA FRÉTTIN fjallar um tísku sem bendir til þess að stefnumið flokkanna í menningarmálum verði ofarlega á baugi í kosningunum í vor. Í fréttinni er greint frá því að söngkonan Britney Spears hafi mætt nauðasköllótt á húðflúrsstofu í Kaliforníu og látið flúra tvennar varir, rauðar og bleikar á úlnlið sinn. FIMMTA FRÉTTIN fjallar um alþjóðamál: Karlmaður fannst látinn fyrir framan sjónvarpið sitt á heimili sínu í Bandaríkjunum fyrir skömmu. Þar hafði maðurinn setið látinn í stól í rúmt ár og enn var kveikt á sjónvarpinu. Þegar Ísland tekur sæti í Öryggisráði S.Þ. væri snjallt að leggja fram tillögu um alþjóðlegan orkusparnað með því að skylda sjónvarpsnotendur til að nota fjarstýringu sem slekkur á rafmagnstækjum heimilisins þegar hjarta notandans hættir að slá.