KA vann í dag 6-0 stórsigur á Leikni frá Reykjavík á sama tíma og þrír aðrir leikir fóru fram í 1. deild karla.
Víkingur frá Reykjavík vann 2-1 sigur á Þór á heimavelli og KS/Leiftur vann 3-2 útisigur á Njarðvíkingum.
Þá unnu Selfyssingar 4-0 sigur á Víkingi frá Ólafsvík á heimavelli og komu sér þannig í annað sæti deildarinnar.
Eftir að ÍBV tapaði í dag fyrir Haukum eru Selfyssingar nú eina taplausa liðið í deildinni en liðið hefur unnið fimm leiki og gert þrjú jafntefli. Liðið er þó þremur stigum á eftir Eyjamönnum.
Stjörnumenn koma svo einu stigi á eftir Selfyssingum en þessi lið eru byrjuð að draga sig fram úr hinum liðunum í deildinni.
Það stefnir einnig í hörkubaráttu á botni deildarinnar þar sem Njarðvík, KS/Leiftur og Leiknir eru sömuleiðis nokkrum stigum frá öðrum liðum í deildinni.
Gunnar Kristjánsson og Brynjar Orri Bjarnason skoruðu mörk Víkinga í dag en Hreinn Hringsson mark Þórsara.
Dean Martin og Almarr Ormarsson skoruðu tvö mörk hvor fyrir KA gegn Leikni í dag og þeir Guðmundur Óli Steingrímsson og Andri Fannar Stefánsson hin tvö.
Í leik Njarðvíkur og KS/Leifturs komust heimamenn í 2-0 forystu með mörkum Vignis Benediktssonar og Kristins Arnar Agnarssonar. En þá svaraði KS/Leiftur með þremur mörkum sem Oliver Jäger, Ede Visinka og Þórður Birgisson skoruðu á 22 mínútna kafla í síðari hálfleik.
Stórsigur KA á Leikni
Eiríkur Stefán Ásgeirsson skrifar

Mest lesið

Þriggja ára reglan heyrir sögunni til
Körfubolti




Dóttir Lauge fæddist löngu fyrir tímann
Handbolti





Settu nýtt met í heppni og fá velja fyrstir
Körfubolti
Fleiri fréttir

Þeir bestu (50.-41. sæti): Skagamiðverðir, markahrókar úr Eyjum og Laugardalnum og öldungurinn aftast
