FIA, aþljóðabílasambandið og FOTA, samtök keppnisliða hafa undirritað samning til 31. desember 2012 sem nær yfir allt sem kemur að mótshaldi, tekjuskiptungu sjónvarpsréttar og öðru sem máli skiptir í rekstri mótaraðarinnar.
Forráðamenn 12 keppnisliða hafa undirritað samningin, ef frá er talið lið BMW sem hyggst draga sig í hlé. Nokkrir aðilar eru að skoða að bjarga rekstri BMW og jafnvel taka hann yfir, en ef það gengur ekki gæti myndast gat fyrir nýtt lið að komast inn í Formúlu 1. Þrjú ný lið verða með á næsta ári. Þá hefur náðst samkomulag um lækkun rekstrarkostnaðar í næstu árum.
Langvarandi deilum á milli þessara aðila er því lokið og næsta mál á dagskrá hjá samtökum keppnisliða er að gera Formúlu 1 áhorfendavænni eins og þau hafa lofað. Stendur til að bæta aðgengi áhorfenda að liðunum og lækka miðaverð, enda hafa á sumum mótum stúkurnar verið fámennari en síðustu ár.
