Klukkan 16.45 í dag verður flautaður á ansi mikilvægur leikur hjá U21 landsliði Íslands gegn Þýskalandi ytra.
Eyjólfur Sverrisson þjálfari hefur tilkynnt byrjunarliðið. Gylfi Þór Sigurðsson er ekki leikfær vegna meiðsla.
Leikurinn er í undankeppni EM. Íslenska liðið er sem stendur í öðru sæti riðilsins, hefur 12 stig eftir 5 leiki en Þjóðverjar eru í þriðja sæti með 7 stig eftir 4 leiki. Tékkar leiða riðilinn hafa fullt hús stiga eftir 5 leiki.
Byrjunarliðið:
Markvörður: Haraldur Björnsson
Hægri bakvörður: Skúli Jón Friðgeirsson
Vinstri bakvörður: Jósef Kristinn Jósefsson
Miðverðir: Hólmar Örn Eyjólfsson og Jón Guðni Fjóluson
Tengiliðir: Eggert Gunnþór Jónsson, Bjarni Þór Viðarsson fyrirliði og Birkir Bjarnason
Hægri kantur: Andrés Már Jóhannesson
Vinstri kantur: Jóhann Berg Guðmundsson
Framherji: Kolbeinn Sigþórsson
Varamenn eru Óskar Pétursson, Guðmundur Kristjánsson, Almarr Ormarsson, Kristinn Jónsson, Elfar Freyr Helgason og Alfreð Finnbogason.
