Ítalski vandræðagemlingurinn Mario Balotelli er búinn að klára framhaldsskóla og útskrifaðist með 6.0 í lokaeinkunn. Hann íhugar að fara í háskóla í Mílanó sem setur stórt spurningamerki við það hvort hann fari til Englands.
Balotelli langar að fara í íþróttafræðinám þar sem skólastjórinn mælti með því.
"Ég myndi ráðleggja honum að fara í íþróttafræðina þar sem það gagnast íþróttamönnum. Hann útskrifaðist með lágmarkseinkunn en stundaði sitt nám af reisn þar sem enginn gaf honum neitt ókeypis," sagði skólastjórinn.
