„Þetta var virkilega flottur leikur þar sem tvö góð lið mættust,“ sagði Fannar Helgason, leikmaður Stjörnunnar, eftir sigurinn í kvöld.
Stjarnan vann virkilega mikilvægan sigur gegn KR, 107-105, í öðrum leik liðanna um Íslandsmeistaratitilinn og jöfnuðu því einvígið 1-1.
„Við mættum bara grimmir og klárir í kvöld og kláruðum dæmið. Í kvöld vorum við bara tilbúnir, en ég held hreinlega að við vorum farnir að trúa því sjálfir að þessa svokallaða pása myndi hafa áhrif á okkur í síðasta leik“.
„Við erum ekkert í þessu einvígi til þess að fá silfurverðlaun, við ætlum okkur alla leið og sýndum það í kvöld að það er alveg möguleiki,“ sagði Fannar.
