Guðmundur Hólmar Helgason, leikmaður Akureyrar, hefur mikið verið í umræðunni eftir fyrsta leik Akureyrar og FH. Guðmundur fékk að líta rauða spjaldið í leiknum en slapp við bann þar sem dómarar leiksins skiluðu ekki inn agaskýrslu eftir leik. Við það var formaður dómaranefndar HSÍ ósáttur.
Guðmundur getur því leikið með sínu liði í kvöld í leiknum mikilvæga sem Akureyri verður að vinna.
"Þetta er búið að vera skrautlegt en ég hef reynt að leiða umræðuna fram hjá mér," sagði Guðmundur Hólmar við Vísi í dag.
"Það er í raun ekki fyrr en hann er búinn með skrefin sem brotið verður gróft. Þá lendi ég aftan á honum við förum niður. Þetta hefði klárlega átt að vera 2 mínútur en ég veit ekki með rautt. Anton og Hlynur eru bestu dómarar landsins, hafa dæmt vel og ég ætla ekkert að deila við þá."
Dómarar leiksins í kvöld eru þeir Gísli Hlynur Jóhannsson og Hafsteinn Ingibergsson. Guðmundur óttast ekkert að vera á einhverju skilorði.
"Ég hef ekki trú á öðru en að ég fái að spila minn leik. Ég var ekki nógu góður í síðasta leik og stefni á að gera betur í kvöld. Við verðum að vinna. Við höfum áður unnið í Krikanum og ættum að geta gert það aftur."
Guðmundur Hólmar: Þetta er búið að vera skrautlegt
Henry Birgir Gunnarsson skrifar

Mest lesið



„Þá leið mér frekar illa eftir leik“
Fótbolti

Skrifar undir fimm ára samning við Liverpool
Enski boltinn

Þeir bestu (1. sæti): Afrekaði allt
Íslenski boltinn

Öll mörkin í Bestu: Stjarnan tætti KR í sig og ÍA valtaði yfir Blika
Íslenski boltinn

Fyrrum leikmaður Liverpool að ganga í raðir Stjörnunnar
Íslenski boltinn

Bjarki var næstum því farinn í Val áður en gullöld ÍA hófst
Íslenski boltinn

