Alls tuttugu og tvær Apple verslanir í kínversku borginni Kunming hafa verið afhjúpaðar sem gerviverslanir en verslanirnar voru innréttaðar sem ekta Apple búðir og starfsfólkið, sem var allt í sérstökum Apple einkennisfatnaði, hélt það væri að vinna í ósviknum Apple búðum.
Eftirlitsmenn í borginni fóru á stúfana eftir að myndir birtust úr einni af búðunum á netinu, að því er fram kemur á vef breska ríkisútvarpsins BBC. Í fyrstu var talið að verslanirnar væru fimm talsins, en þær reyndust tuttugu og tvær. Nokkrum þeirra var strax lokað þar sem þær höfðu ekki tilskilin verslunarleyfi.
Ekki liggur fyrir hvort vörurnar sem seldar voru í búðunum, sem voru ósviknar Apple vörur, hafi verið keyptar frá dreifingaraðila Apple í Kína eða hvort eigendur verslananna hafi flutt þær inn beint.
Stjarnan
KR
