„Ég var á leiðinni milli ræktarinnar og gufubaðs þegar Ingibjörg Sólrún Gísladóttir hringdi í mig frá New York," sagði Össur. Hún hafi fullyrt að Glitnir væri fallinn og Össur þyrfti að vera viðstaddur fund í Seðlabankanum vegna þess.
„Ég sagði að ég væri ef til vill ekki best til þess fallinn því é hefði ekki mikið vit á því máli," sagði Össur. Ingibjörg Sólrún hefði aftur á móti svarað því að Jón Þór Sturluson yrði honum til stuðnings. Jón Þór var á þessum tíma aðstoðarmaður Björgvins G. Sigurðssonar viðskiptaráðherra og efnahagsráðgjafi Ingibjargar Sólrúnar Gísladóttur.
Össur segist hafa spurt Ingibjörgu hvort hann ætti ekki að hafa viðskiptaráðherra með á fundinn en Ingibjörg hafi sagt að svo væri ekki. Össur og Jón Þór hafi síðan skipt með sér verkum við að upplýsa viðskiptaráðherra um málið síðar um kvöldið.
Össur var í ræktinni þegar hann frétti að Glitnir væri fallinn
