Rory kominn á topp heimslistans

Rory McIllroy komst í dag í toppsæti heimslistans í golfi. Hann ýtti Luke Donald til hliðar og niður í annað sætið.

McIllroy þurfti ekkert að spila til þess að komast á toppinn en Donald þurfti að enda í einu af efstu átta sætunum á RBC Heritage mótinu um helgina.

Hann náði aðeins 37. sæti og varð því að gefa eftir toppsætið á styrkleikalistanum.

"Kominn á toppinn og þurfti ekki einu sinni að spila," skrifaði Rory kátur á Twitter-síðu sína.